懷孕前後今日: 8|主題: 330444

收藏本版

發帖

返回列表

跳至頁

查看: 273 | 回覆: 0

親子手冊：解決八大湊仔煩惱 BB 保你大 [複製鏈接]

vksophie

男爵府

積分: 6704

1^#

發表於 06-4-18 08:58 |只看該作者

親子手冊：解決八大湊仔煩惱 BB 保你大

2006年04月18日

BB 出世之後，父母乜都以佢為首，不過佢唔理三七廿一乜都喊先算，真係好難服侍，同時亦為父母增添不少難題。尤其是在 0 至 12 個月大的時候就最難湊，喊又唔知為乜、夜麻麻又唔肯、遇正佢嘔奶、便秘或出牙仔 … … 實在有好多學問。要搵出一套標準答案幾乎等於無可能，不如又睇唔同父母又有咩良策應付？

記者：梁彩燕
攝影：周旭文
Model ： Peggy （ Salvador ）、 Jeff Loo

好多父母都擔心自己寶貝成日掛住玩、覺唔肯食或者食唔飽，會唔夠營養，想盡辦法要 BB 食到夠，但兒科醫生陳以誠則叫父母毋須擔心，「每幾個鐘要食一次奶係大人標準， BB 掛住覺唔食奶唔係大問題，唔使緊張， BB 唔肯食亦唔使『監』佢食，隨其自然得啦。而且 BB 每日飲奶份量應以全日計算，而唔係每次計，更毋須用針管滴畀佢飲， BB 係要啜先滿足、先舒服！」

陳伶俐：「細心聽喊聲」
[img align=left]http://appledaily.atnext.com/images/apple-photos/archive/20060418/Article_LiveMag/18fj211p.jpg[/img]
已為兩名兒子母親的陳伶俐，回想第一胎生林肯時，未夠 6 個月大的時候最膽戰心驚：「佢會突然喊，我又唔知佢想表達咩，當時好驚。 BB 好多時會『多風』引致肚仔痛，咪幫佢按摩。其實都係見招拆招，最緊要有心機，佢猛咁喊就細心觀察，真係會次次唔同！唔好求其拍兩拍就算！」

楊婉儀：「同佢一齊喊」
[img align=left]http://appledaily.atnext.com/images/apple-photos/archive/20060418/Article_LiveMag/18fj212p.jpg[/img]
「頭個幾月至係最難湊，佢喊唔知係因為肚餓、要換片定係邊度唔舒服，當然我都束手無策，甚至同佢一齊喊！有一段時期 BB 又唔肯，一陣一放低又喊，我同先生就輪流抱佢，有時要四、五點先真正。」 Winnie 有時會用拍手掌、唱兒歌方法引開 BB 注意力，真係乜方法都要試。

真實個案：媽咪 Queenie 和囡囡愉晴

惡搞一：放落床即喊
[img align=left]http://appledaily.atnext.com/images/apple-photos/archive/20060418/Article_LiveMag/18fj220p.jpg[/img]
過來人解救有法：放米袋提升安全感
「出院返屋企到一個幾月時，每隔兩個鐘就要餵一次奶，每次放低佢就會喊。到兩、三個月大的時候，聽屋企老人家講，等佢得咁上下，就放落床，響佢側邊放個好似小咕咁大的米袋，開少少收音機或音樂，佢就會多安全感，唔會咁易醒。」

惡搞二：牙痕咬自己
過來人解救有法：牙膠先雪一陣
「愉晴 4 個幾月已經出牙仔，起初整米糊畀佢食，後來則餵香蕉茸、蘋果茸或蘿蔔泥糊，到八、九個月大就煲魚湯或魚粥。佢一牙痕就會咬自己，有時因為雙手污糟搞到肚屙。我都會畀佢咬牙膠，但用之前必定會用熱水烚過，烚完放入雪櫃雪一陣先畀佢咬，咁先起到止牙痕作用。」

真實個案：媽咪賴太和囝囝健健

惡搞三：無故發脾氣
[img align=left]http://appledaily.atnext.com/images/apple-photos/archive/20060418/Article_LiveMag/18fj223p.jpg[/img]
過來人解救有法：忍心由佢喊
「家健健 15 個月大，間唔中會脾氣暴躁，如果係小事我都會遷就佢，佢好硬頸，有時佢會狂喊，我唔會理佢，由得佢自己喊完就無事，但有時佢會自己屈服。」

真實個案：媽咪 Joko 和囝囝 Jeff

惡搞四：乜都放入口
[img align=left]http://appledaily.atnext.com/images/apple-photos/archive/20060418/Article_LiveMag/18fj204p.jpg[/img]
過來人解救有法：清水抹玩具
「 Jeff 成日會周圍爬，好好奇，只要響佢視線範圍之內、又可以執到就以為可以放入口食。我會盡量收埋體積細細，新玩具就會先消毒，平時怕影響佢抵抗力，一般清潔玩具就只用清水。」

真實個案：媽咪 Ivy 和囡囡可程

惡搞五：發夢又喊又笑
[img align=left]http://appledaily.atnext.com/images/apple-photos/archive/20060418/Article_LiveMag/18fj221p.jpg[/img]
過來人解救有法：夜晚唔好癲
「可程有時日頭遇到難忘事或者好開心，成晚都會發番差唔多情境夢，有時喊有時又會笑。我都會由得佢（日頭俾佢玩），始終佢都需要刺激嘛！而且咁細個仲未識咩係發噩夢，所以唔會阻止佢日頭玩得癲，夜晚就免啦。」

惡搞六：便秘唔上唔落
過來人解救有法：多飲水
「可程小時候試過連續 4 、 5 日屙粒粒硬大便，見佢屙得好辛苦，試過屙到喊，又試過屙血，仲有一次唔上唔落，要即時帶去醫生度，姑娘幫佢人手通便！後來我就畀佢飲多水、或在鮮奶度落果糖，就慢慢改善番。」

真實個案：爸爸阿和囝囝立翹

惡搞七：返屋企唔自在
[img align=left]http://appledaily.atnext.com/images/apple-photos/archive/20060418/Article_LiveMag/18fj222p.jpg[/img]
過來人解救有法：公園散心
「立翹家 10 個月大，每逢出街佢就乖，返到屋企好似周身唔自在咁，有時仲會發。我同太太冇乜做每日都會帶佢落公園行，有似放狗！哈！同佢行公園落街，佢已經好開心。」

惡搞八：嚴重嘔奶

過來人解救有法：保持耐性繼續餵
[img align=left]http://appledaily.atnext.com/images/apple-photos/archive/20060418/Article_LiveMag/18fj209p.jpg[/img]
■ BB 時嘔奶最危險，一定要睇到實！

「立翹嘔到 8 個月大仲會嘔，飲一樽奶嘔番半樽，掃風都無效，搞到大人細路都要換衫換床單，直至開始食固體食物至唔嘔。醫生話只要佢係一路有成長就問題不大，咪惟有嘔完又餵餵完又嘔咁！」