大仔大女媽媽會 今日: 0 | 主題: 177861

積分: 2231

1^#

發表於 06-5-30 23:05 |只看該作者

老公唔識體諒

我心底有好多不快，好想好想好想發洩﹗心知媽媽既心情好影響到小ｂ既發展，但係真係控制唔到﹗自從有左小ｂ之後，眼見亦感覺到佢既轉變，變得到我好左好多，但係好多方面另到我覺得我得唔到愛﹗

因為我地係有左小ｂ先結婚，無擺酒，一切既儀式亦無，只係兩家人好求其咁坐埋食飯就當係結左婚﹗老公一直好忙，我知佢真係真係好忙，每晚訓前都同佢講：「聽日抽５分鐘時間去排期註冊，只係５分鐘咋﹗」次次得到既答案就係：「我地都結左婚啦，你仲急咩﹗去完旅行返黎先啦﹗」真係令我好失落...

一開始62話買樓俾我地，但係依家99話唔俾﹗有左小b佢地老人家又話唔可以裝飾，結果屈係間房到，想為小b添置物品，完全無地方放﹗唔好話小b，我一件自己既野都無搬過去，日日就好似借人地方住咁﹗

老公唔係唔鍚我，但可能大家年紀仲細，佢火氣又大，小小唔如意既事就會cut我線什至off電話﹗完全搵唔到佢﹗

有左小b之後，因為反應好大，好唔舒服，老公叫我唔好做野，乖乖地係屋企養胎就可以啦﹗但係佢每日都俾好多野我幫佢做﹗雖然唔係d咩大件事，但係有左小b之後唔渣得電單車，去下果度去下果度，真係好辛苦﹗老公叫我搭的士，但係無理由咁樣落去，我都想做個識打理財務既老婆﹗所以每次出去幫佢做野，只係搭巴士﹗有時真係好辛苦，行行下想嘔﹗佢返黎嗲佢幾句，佢說會話返我轉頭：「你咁都叫辛苦？我出去做野果d先叫辛苦呀﹗你一早就放產假仲叫來叫去？」

有左既情緒比起做女既時候更不穩，聽到依d說話，更加係難受﹗以前拍拖既時候，有咩唔開心都會同朋友或者媽咪講，但係依家已經為人妻，唔想俾人覺得我嫁左個唔應該嫁既，更加唔想令媽咪擔心，好多野就只有默默忍受，自己一個偷偷喊﹗

講到依度，d眼淚已經忍唔到，唔想媽咪見到﹗發洩住咁多先啦﹗真係好多謝依度既每一位，因為有一個可以令我發洩而無人知既地方﹗亦都好開心見到每一位媽咪既老公咁鍚你地﹗

私人傳訊

wingtsang

:-D **弟弟11月11日出世啦! 4哥好錫弟弟呢!** :-D

積分: 1958

2^#

發表於 06-5-30 23:26 |只看該作者

Re: 老公唔識體諒

私人傳訊

wingtsang

:-D **弟弟11月11日出世啦! 4哥好錫弟弟呢!** :-D

積分: 1958

3^#

發表於 06-5-30 23:27 |只看該作者

Re: 老公唔識體諒

del

私人傳訊

wingtsang

:-D **弟弟11月11日出世啦! 4哥好錫弟弟呢!** :-D

積分: 1958

4^#

發表於 06-5-30 23:28 |只看該作者

Re: 老公唔識體諒

余小豬媽媽,

唔好唔開心啦! 小豬響肚樹會知道佢又會唔開心架!

其實好多時都真係因為有左bb賀爾蒙影響自己情緒架咋, 我記得上一胎又係成日都會因為小事而唔開心, 愈諗個人就愈down, 成日都會不自覺地對老公黑面, 老公都唔知我做乜, 過左一排又會無事架啦, 千祈唔好影響大家感情呀! 試下唔開心時諗下bb, 諗下d開心野分散下自己注意力就得架啦

私人傳訊

reginay

別墅

積分: 783

5^#

發表於 06-5-31 00:38 |只看該作者

Re: 老公唔識體諒

余小豬媽媽,

聽倒你o既分享，都想像倒你會幾唔開心同辛苦！係呀，我o地有o左小B之後，好多o野都唔同o左，情緒無咁穩定，身體又好多地方要適應，真係難怪咁多人話媽咪唔易做！而作為我o地另一半o既先生，佢o地無經歷過哩D階段，好多時未必體諒倒我o地，所以未必可以時刻俾我o地最適切o既支持。

不過凡事都有兩面，雖然而家外在環境唔係好理想，但係你有小B陪你分擔；雖然你老公唔識體諒你，但係佢都好錫你，係咪？佢驚你辛苦，又唔駛你返工；佢未必好體貼，但係佢都努力工作為你同小B；62&99唔俾搬同裝修，都係出於驚影響你同小B... ...試

私人傳訊

winmom

積分: 427

6^#

發表於 06-5-31 12:32 |只看該作者

Re: 老公唔識體諒

余小豬媽媽,
唔好唔開心啦!加油呀!

我自己都係同99&62一齊住,我之前都有好似你咁諗,所有野都唔係自己既,生活習慣又唔同,好似住係人地屋企咁,老公又唔明,所以個時有成日喊架,不過依家慢慢要自己學識適應環境,同依架有咗小B,等生咗先再同62講搬屋既事攞,此中有咗係唔好搬屋既,慢慢黎啦,總之要向好放面諗,唔好令自己唔開心呀... :mrgreen:

私人傳訊

olimo

伯爵府

積分: 17638

好媽媽勳章

7^#

發表於 06-5-31 14:58 |只看該作者

Re: 老公唔識體諒

你老公一下子承擔咁大責任
真係不容易架
比 d 時間佢適應吧

通常男人都係慢熱一點
你多 d同佢分享下，溝通下

有唔開心就一定要說出來
不要鑽牛角尖

私人傳訊

積分: 2231

8^#

發表於 06-5-31 17:32 |只看該作者

Re: 老公唔識體諒

wingtsang，reginay，winmom，olimo﹗多謝你地呀﹗你地既意見我一定會聽，全因要為左小b﹗

其實我都知道老公突然好大轉變佢都要適應，但係有時得唔到關心真係好難受﹗你地諗下，我連結婚介子佢都未得閒買俾我，我知有時依d只係表面野，最重要係佢對我好，但係大家都細，真係好多相處上既仲要慢慢學﹗或者人地真係講得岩，每樣野都有step，應該相處好先考量結婚，婚姻生活穩定，先再決定為家庭添多個成員﹗可惜我地係好愛對方，但拍拖既時候已經相處得唔多好，再一下子變左人地老公老婆都仲未適應，就話要做人媽媽爸爸﹗

成晚打俾老公，cut我線，off電話﹗到依家一個電話都無﹗我真係好想大叫﹗我好辛苦呀﹗我真係好辛苦呀﹗情緒既轉變，身體既變化令我好難受，我真係想有個人可以俾我嗲下申下﹗好在尋晚係媽咪度食飯，雖然唔敢俾媽咪知道我同老公有事，食完飯就lay係房度無返老公度就係媽咪度訓﹗尋晚成晚無停過喊，摸住小b不停咁同佢傾計，我諗連佢都一頭霧水：「媽媽喊果把聲仲大過佢講野把聲﹗」我都好想可以好好控制自己既情緒，已經聽住音樂，再唔係就睇電視，但係都控制唔到﹗

我知佢辛苦，我知佢都有壓力，點解我會為佢諗而佢唔識係依個時候俾多d關心我？我真係好驚呀﹗係我最需要人關心支持既時候佢竟然會咁樣對我，人地話老婆有左bb老公會更愛更鍚，但依家佢都一樣係咁，我好怕將來既生活更難﹗又喊啦，我真係好笨﹗唔識鍚住小b.....

私人傳訊

happyivy

積分: 1328

9^#

發表於 06-5-31 19:44 |只看該作者

Re: 老公唔識體諒

余小豬媽媽,
你好... 都想跟你談談我之前新婚的經驗...
雖然我同老公識左7.8年先決定結婚, 但在新婚的日子都有好多爭吵, 我相信其實大家都係愛大家的, 不過, 兩個生活背景完境完成不同的人要一齊生活, 真的不容易, 而且, 男同女對婚姻的看法也極之不同, 女的大多認為結左婚之後, 大家就更應spend 多d 時間一齊, 當大家都回到家, 就應該一齊睇電視呀, 傾下偈呀咁, 但男人真係好唔同, 我老公返到屋企就會開電視打機, 有時會打好耐, 但我又唔鍾意打機, 望住佢打又好悶架嘛, 一係佢就入房做野, 我覺得好悶, 好似無人關心自己咁, 一個人自己睇電視, 咁結婚黎做乜呢?! 所以, 我同老公好多時都為到呢d 野鬧得不歡而散, 訓都訓唔得好... 但慢慢大家互相遷就下就好好多, 而家都好少吵了... 男人就係咁, 佢地以為結左婚的生活可以同以前無乜分別, 佢地真係好慢熱架, 又唔係好明白我地女人諗d 乜, 而且, 係老公係咁突然之下要take up 做老公做老豆的角色, 你都明白係好難的, 所以可以的話給他多一點時間適應吧!!! 我地女人通常都係識諗d ge, 係咪?! 試下唔好搵佢/打電話比佢, 你都知佢行跡架喇, 不如搵多d 野做下, 打發下時間, 例如學下織冷衫仔.頸巾, 比bb又好, 比老公又好, 為自己同bb 做d實際既野, 個人有d 寄託會開心d, 時間過得快d架...
另外, 好似都唔係好聽到你話62.99對你有d 咩, 佢地都應該ok 卦, 無比d 咩說話你聽的話, 你係屋企出出入入都自在少少ge, 心情有時得唔到最愛的體諒係好令人感到失望.無助的, 但我相信日子會一日比一日好的, 只要你積極地生活, 擔心將來老公對自己唔好, 邊諗得咁多呀, 給自己.老公多一點時間適應吧!!!
~ 女人真係唔易做呀! ~ 笑下喇, 靚媽咪... :mrgreen:

私人傳訊

積分: 2231

10^#

發表於 06-5-31 20:08 |只看該作者

Re: 老公唔識體諒

係呀，你真係好明白﹗我依家既生活，係佢返工，就車我返媽咪度，佢放工就接我返屋企食飯，之後佢會睇dvd或者打機，我有時會盡可能陪佢，但係因為佢放工時間太遲啦，有左bb之後就算訓幾多都好似唔多精神，所以有時真正見面傾到計既時間真係唔多﹗

加上每逢星期六或者假期前，佢實會出去同朋友飲酒作樂，我都明白佢工作好大壓力，唔比起我有bb辛苦，其實應該係話各有各辛苦先岩﹗所以佢出去relax下我覺得真係完全無問題﹗但問題在於，佢每次出去，佢唔知其實我好想好想佢會快d返，次次都玩到6點天光先返，講真一句，邊個女人唔擔心自己個老公係出面玩？佢點玩法你唔知，同邊個玩有無做衰野你又唔知，大家真係講個信字﹗我信得過佢俾佢出去，但每次佢都令唔到我安心，有時3點令見佢仲未返打俾佢，佢實話：「返啦返啦﹗」遲小小再打可能又係佢老本行cut線什至off左﹗我真係好難唔胡思亂想呀﹗

有次平心靜氣同佢講：「我明白你要relax，但我都需要你關心，如果你出左去我有咩事咁點算呀？我俾你出去，你都早d返呀﹗11點到，2點令返差不多啦﹗」佢答應左我，我真係好開心﹗點知成3點都未返，打俾佢又係一樣cut線﹗第二次再同佢講，佢直頭已經諗好哂點安置我：「我今晚會出去架，咁我怕你有事無人睇到你，你返你媽咪度訓啦﹗」大佬呀﹗我結左婚架啦﹗點可以有事無事返娘家呀﹗你真係講得好岩，男人真係唔知道結左婚唔係話一定唔可以有朋友出去玩，但係好多野都應該放老婆家庭係頭，我真係無哂辦法唔知點同佢相處溝通﹗依家仲係新婚時間，我已經覺得好無助，我真係唔知點樣落去，再咁樣落去，真係完全影響到小b......

私人傳訊

Lulu皇后

子爵府

積分: 11158

11^#

發表於 06-6-1 00:22 |只看該作者

Re: 老公唔識體諒

我好明白你嘅心情,如果係我我都會好難過,但你要試下將焦點由他們身上轉移,嘗試多找朋友外出,過一D比較獨立D嘅生活,減少依賴心,唔好再諗佢點衰點衰,要令自己更堅強,有自信,盡自己做母親責任,生一個健康,肥肥白白嘅BB.BB會一路陪住你架!

未經本人許可, 不得轉載

私人傳訊

積分: 2231

12^#

發表於 06-6-1 10:12 |只看該作者

Re: 老公唔識體諒

我諗我真係要學識獨立，就算唔為自己都為下ｂｂ，尋晚又喊左成晚無訓過，我諗ｂｂ同我一樣好累，都係我唔好，令到ｂｂ無一個健健康康既成長環境﹗

私人傳訊

happyivy

積分: 1328

13^#

發表於 06-6-1 10:56 |只看該作者

Re: 老公唔識體諒

余小豬媽媽,

既然係都好似睇通左少少, 今日就比自己一個新開始, 留意下係你身邊既環境有無咩你有興趣想學, 或者多約下朋友仔食下飯咁, 令到自己忙一d, 做個又獨立又懂事的媽媽喇...
另外, 一個家庭唔係由一個人去維繫的, 你唔好比自己太大壓力吧! 做妥自己本份便足夠, 加油呀!!!

私人傳訊

積分: 395

14^#

發表於 06-6-1 13:57 |只看該作者

Re: 老公唔識體諒

私人傳訊

積分: 395

15^#

發表於 06-6-1 13:57 |只看該作者

Re: 老公唔識體諒

私人傳訊

積分: 395

16^#

發表於 06-6-1 13:59 |只看該作者

Re: 老公唔識體諒

私人傳訊

積分: 395

17^#

發表於 06-6-1 14:00 |只看該作者

Re: 老公唔識體諒

私人傳訊

積分: 395

18^#

發表於 06-6-1 14:03 |只看該作者

Re: 老公唔識體諒

余小豬媽媽,

家家有本難諗經的呀! 現在最緊要的, 是保持心境平和!

我不是教你和你老公分開, 但情況去到這樣...你不如先回娘家暫住吧! 首先有你媽媽照顧你, 而且娘家是你生長的地方, 最少可以令你放鬆心情, 而你又不用每天走來走去, 對BB和你也好點呢! 你的家人應該會支持你的.

你老公方面, 我覺得他根本未有心理準備去做一個爸爸! 如他看見你有這舉動也無動於衷的話, 我想你也不必再依靠他了! 女人應該要堅強點, 對自己好點呢!

btw, 我也是頂唔順我99, 所以要搬回娘家住! 幸好我老公隨得我喜歡怎樣也可以, 所以問題總算暫時解決.

私人傳訊

緊張媽媽大師

積分: 1356

19^#

發表於 06-6-1 20:29 |只看該作者

Re: 老公唔識體諒

余小豬媽媽,

我好讚成milkcandy的說法架, 而家係一個特別的時刻, 將來bb係一個成日笑定係一個成日喊的bb, 就取決於你而家的心情, 知冇 ?? 好似我咁, 返工的時候好激氣, 好嬲, 但係一諗到bb, 唔想佢第二時好似我咁, 我即刻做d嘢令自己開心番, 因為我哋有bb的支持.

如果你覺得返媽咪到係舒服d嘅話, 就去做啦, 最緊要係你同阿b都開心, 舒服, 女人真係唔一定要完全靠男人架, 知冇 ??

你已經喊咗好多日架喇, 你同阿b都需要休息架, 早d洗白白同飲杯hot milk, 然後好好睡一覺, 明天又係美好的一天......

私人傳訊