:-( :-(
HOLONGMAMA 寫道:
yankaris,
其實我都有用過獎勵制度,但唔work,因我個仔已經俾佢老豆熏陶咗,只係鍾意玩車,我屋企有超過佰架大小車仔,佢對其他玩具冇咁大興趣,當我話獎勵佢時,佢就同我講要買xx車,但其實同類型嘅車已經有好多架,而我亦唔想再買車俾佢,我寧願買d益智d嘅玩具,但我應承得佢買送禮物又唔可以食言,搞到我呢招又用唔到,況且佢知道就算佢唔乖,daddy都會買玩具俾佢玩,因我老公自己本身都好鍾意買玩具俾自己 ?-( ?-(
如果我同亞仔講你做好xxx先,媽咪就俾你做xxx,佢就會同我講數,你俾咗我先啦!我通常都企得好硬唔俾,但當我老公見佢係咁喊係咁扭就會叫我俾咗去先喇!之後我又要再同佢糾纏一輪
jojolcc 寫道:
HOLONGMAMA:
如你所講你老公個問題係唔明白你出發點, 而你要講清楚比你老公聽你的感受. 因為佢的縱容會令到你同個仔關係越o黎越羞,我想佢都唔希望會係o錦.
你可以將仔仔仲意的物品轉為益智, 仔仔仲意車, 你希望仔仔可睇多d書, 可以買一d有車仔圖案的書, 佢仲意睇電視買d有車仔益智VCD比佢睇. 而你亦要墜入佢世界, 同佢一齊玩, 等佢知道媽媽都會同佢玩, 將關係慢慢改變再慢慢教, 你唔可以一下指就想佢聽你的o錦只會越嚟越差, 你試o下改變一o下同仔仔相處方式....
CANDY_SAMSON 寫道:
HOLONGMAMA,
係咁架啦, 我老公都好錫條仔呀, 佢係佢個金叵蘿黎架.
個仔每次見老豆放工就唔要阿媽, 直至訓覺先至搵我陪佢訓.
我成日SAY "NO"的, 我老公都SAY "YES", 搞到我鑊鑊炳我老公.我SAY "NO"當然有我原因啦, 佢下下就晒個仔, 聽晒個仔話, 咁個仔第時會覺得, 原來問阿媽唔比做的事情, 問老豆係可以做的, 會造成佢心理覺得老豆錫佢多D.
所以要教的除左個仔外, 仲要教埋個老公.
發表於 
返回列表
