Baby Kingdom - 親子王國 香港 討論區 › 首頁 › 夫婦情感› 我還能做什麼....

夫婦情感

收藏本版
發帖
返回列表
跳至頁
我還能做什麼.... [複製鏈接]

首頁
1

尾頁
   0
YLC


民房

積分: 1


1#
發表於 06-4-25 12:44 |只看該作者

我還能做什麼....

我和男朋友拍拖已經5年幾,一直都一齊住,以前我脾氣好差,成日發佢脾氣,佢每次總會就我,哄我...但係我就好任性成日走去玩,佢都冇介意仲對我好好...
呢5年裡面,我地分開過3次,次次都係我走左去同第2個一齊,但係佢次次都會等我,叫我番去.....
其實我知道佢對我係最好既,佢係一個好悶既人,唔會同我去玩,但係佢又由得我去"浦"結果我就...每次我都大安旨意佢一定會等我....
呢5年裡面,佢既收入好唔穩定,剩係佢自己搭車食飯都唔係好夠,所以屋企所有開支大部份都係我出,不過我從來冇怨過佢,因為我知道佢已經好努力工作,終有一日可以過好日子.....
係最後一次分開既時候,我發覺佢冇再咁緊張我,雖然都仲有通電話,但係覺得疏離左好多,後來我地又復合(都係佢要求既)呢次之後,我決定唔再玩,我轉左工,改理手提,唔出夜街,日日煮飯等佢放工,佢既工作收入亦好左好多,當我以為可以過好日子既時候,就發現原來佢係我地最後一次分開既時候,已經同一個台灣妹搭上左,個女仔重係以前我地打online game個陣識既,個女仔同佢用sms聯絡,講d野好肉麻,好以感情好好咁,我同佢攤牌,佢就應承我唔再搵個女仔,咁我就信佢,當冇事發生過....
冇耐之後我就有左bb,我好開心咁同佢講,但係佢竟然一d興奮既表現都冇,只係"哦,係呀."咁...
佢同我講話遲d先結婚,因為佢媽媽反對,佢媽媽其實一直都唔鍾意我,以前有段時間我地返左佢屋企住,佢媽媽仲趕我走,話我唔係正經人家,佢想個仔搵個好女仔喎...所以佢媽媽一直都唔知我地同居,以為佢同d同事住方便番工(因為佢工作個度好遠下),佢每個星期都會返佢媽媽度過一晚,同理過時過節都會返去,我一直都覺得冇咩問題,因為除左呢d日子,佢每日一收工就返屋企,我有左之後冇做野,佢就負責哂屋企既開支,所以我都覺得冇乜野........
直至上個月度,俾我發現,原來佢重同個女仔有聯絡,重要係佢話返呀媽度既日子,而家佢每次每次話返去我都形住佢會打電話俾個女仔(個女仔應該重係台灣).....
今個月我bb已經32週,月頭佢出糧冇耐,我見佢好耐冇打薄咁,咪手多多幫佢打薄,點知俾我見到佢攞左3千蚊出來,其實佢唔算搵好多,每個月我地只係岩岩夠用,何況bb就快出世,3千對我來講都好重要,我問佢攞左去邊,佢話俾左呀媽,不過我唔係好信,因為佢媽媽本身幾有錢既人,何況我同佢拍拖咁耐,佢都冇俾過佢媽媽,又會今個月無拉拉俾既....
我覺得我越來越唔信佢,佢最近又成日無拉拉出門口,話買煙/飲品等等,又話d同事有事搵佢...此類...而家仲越來越唔同我講野,有時我同佢講野佢會唔彩我,好以當我透明咁,一返到屋企明係上網打機就用手提上網同人傾計.....
我覺得好辛苦,重有2個月就生啦,佢咁樣我覺得好冇安全感,唔知佢幾時會掉低我,我地又冇註冊,我同bb點算....bb重跟唔跟佢姓好...
我唔明點解佢會咁,如果佢唔再愛我點解又叫我番o黍,我放棄哂以前一切連朋友都唔再見,只係想做個好老婆,點解佢要咁對我.......如果佢放唔低個女仔或者佢介意我離開過佢,咁點解佢唔放開我......
bb一日一日長大,我還能做什麼.............
私人傳訊

MonkeyGirl


大宅

積分: 3229


2#
發表於 06-4-25 13:19 |只看該作者

Re: 我還能做什麼....

hi YLC... actually you need to talk to your boyfriend seriously...as time pass by so quick.. if you don't discuss beforehand I am afraid you two will have quarrel after your baby is borned. Tell him that what you think as mentioned & discuss what you two will face in the future & how to solve it...做人媽媽是一種學問..永遠學到老做到老
私人傳訊

ringoivy


翡翠宮

積分: 76971


3#
發表於 06-4-25 13:49 |只看該作者

Re: 我還能做什麼....

呢d係咪叫現眼報呀 算啦太多有骨既說話我都唔想講啦, 其實一開始你就唔應該要呢個b, 一來佢媽咪接受唔到你本人, 二來有咩理由你有左都唔結婚呀 唔通佢想個bb做私生子咩 不過事到如今bb都成八個月, 你唯有真係要認認真真咁同佢傾下日後既安排, 等自己有個打算都好丫 無奶油坐以待斃的 ?-(
私人傳訊

溫柔


男爵府

積分: 6308


4#
發表於 06-4-25 13:52 |只看該作者

Re: 我還能做什麼....

其實你有無問過佢點解唔想結婚住a?我唸佢亞媽鍾唔鍾意你同你兩個人結唔結婚係兩件事,就算佢亞媽更唔鍾意你都好,你有咗bb己經係事實,如果佢唔鐘意你同個bb咁咪米鬼跟佢個仔姓law(你bf),我唔係話d咩,如果人哋唔認同你同bb,咁點解要跟佢姓啫?再者我覺得問題唔係只係出係佢亞媽身上,以我為例呀,我都係有咗bb先結婚,當時我同我62講話我哋要結婚時,我老爺好驚訝咁問我哋...吓..你兩個有無想清楚呀?我就好簡單咁答佢.....有呀,我哋lum得好清楚+la,我哋有咗bb所以結婚law,(係我同我老爺講我哋要結婚之前我同62只係見過我一次咁大把)之後我62只係答咗一句...啊..好呀! 就係咁簡單,到而家我唔咁講話同我62既關係好好,但係就無問題law,你而家最緊要就攪清楚你bf想點唔可能無了期咁拖落去!

私人傳訊

李小B太太


大宅

積分: 4412


5#
發表於 06-4-25 14:33 |只看該作者

Re: 我還能做什麼....

YLC, 你真係要借呢個機會、好好學一個教訓啊。機會呢, 唔係永遠都響度等你0架, 人地對你好, 亦都唔好 take it for granted、當正係應份0甘。 你宜家明白被背叛、被摒棄的感受啦...

Sorry 啊我明白你好難受, 都唔想再話你啦, 但係你一定要好好記住呢個教訓啊, 因為係你 "教" 你男朋友:"背叛係會被原諒的"...

努力做好自己本份啦, 無法0架啦, 用行動黎証明俾你男朋友同佢父母睇, 你已經知錯, 已經改好. 即使0甘, 人地都唔係奉旨要原諒你同接納你的. 你唔可以因為0甘就放棄自己, 因為你有左BB 啦, 為左佢, 你要努力做個好媽咪、好妻子、好新抱, 即使佢地唔接納你, 甚至最終... 你都起碼可以無愧0甘面對BB. 記住, 不要把現在的痛苦怪罪在男朋友/ 其父母身上, 這樣只會令你自己更不開心, 和他們關係更差。就當這一切是為以前的不成熟和任性帶來的教訓和贖罪機會吧!

好好照顧你和BB, 努力做好本份, 加油啊! 明天一定會因為你的努力變得更好的!
@ 如果有錢有社會地位先至會被人喜愛，呢個世界就太可悲了 @
私人傳訊

weima


禁止訪問

積分: 940


6#
發表於 06-4-25 14:54 |只看該作者

Re: 我還能做什麼....

提示: 作者被禁止或刪除 內容自動屏蔽
私人傳訊

onon1022


子爵府

積分: 12600

好媽媽勳章


7#
發表於 06-4-25 22:40 |只看該作者

Re: 我還能做什麼....

其實一開始你就唔應該要個bb...你知道佢阿媽唔鍾意你...你都知道你男朋友應該唔會放棄同佢屋企人既關係...而同你結婚...你男朋友而家咁...就好似你以前...你而家既心情...就係你男朋友以前既心情...你終於明白你男朋友以前有幾唔開心...一個人一次又次比最愛既人傷害...當佢搵朋友傾訴既時候...自然會同另一個人產生感情...點解佢會同你一齊...或者佢仲愛你...又或者個女仔係台灣...而你係佢身邊...你放棄一切只想做一個好老婆...如果你以前早d咁做...或者你而家婚姻就唔會咁...既然你而家有bb...你同你男朋友好好咁商量下...傾下夠竟佢想點...點處置你...講下大家既感受...



[url=http://lilypie.com][img]
私人傳訊

BEAUTYYENYEN


男爵府

積分: 5790


8#
發表於 06-4-25 22:48 |只看該作者

Re: 我還能做什麼....

我覺得你地真係要傾清楚,而家你同佢有左bb,睇下佢有冇諗住同佢結婚,bb出左細之後諗住點,唔應該再拖,佢究竟係鍾意你定鍾意個台灣女仔,如果係佢已經唔鍾意你,你就要計劃下將來~
私人傳訊

KAREN789


大宅

積分: 2223


9#
發表於 06-4-25 23:03 |只看該作者

Re: 我還能做什麼....

佢地每一個都講得好0岩,你之前唔識珍惜,但現在你都知錯喇,你同佢講清楚,睇佢係唔係報復(我懷疑),如果唔係咁佢同個台灣女仔個可能會唔會小0的呢?因為太遠，如果真係報復你，佢實在太賤喇，我會幫你咒死佢
私人傳訊

WinChi


男爵府

積分: 5396


10#
發表於 06-4-26 09:00 |只看該作者

Re: 我還能做什麼....

Hello YLC
the girl in Taiwan is too far away, I think quite difficult for them together. Try your best to 修補, try to give him more concern, and treat him better.
I think you still have chance.
Good Luck!
有捨必有得 有得必有失
私人傳訊

肥嘟媽


侯爵府

積分: 20953

牛年勳章 好媽媽勳章


11#
發表於 06-4-26 10:37 |只看該作者

Re: 我還能做什麼....

若我是個男仔，我會感到很灰心，一次又一次被捨棄，一次又一次的復合，或許他真的長情，真的愛你，但誰想當水泡？
BB32週，而男友對你冷淡，坦白說，別抱太大的期望，雖然你很努力改變自己，但32週跟5年比較，跟本微不足道，要重拾他對你的信心，讓他相信BB是他的
“近水流台先得月”，如果你長駐他身邊也敵不過台灣女仔，呢段感情也無謂勉強
好好計劃自己的未來，單親媽咪也可以帶BB帶得很好，嫁著個不再愛你的老公不是更痛苦嗎？
私人傳訊

WinChi


男爵府

積分: 5396


12#
發表於 06-4-26 13:14 |只看該作者

Re: 我還能做什麼....

If Taiwan girl is 打online game 個陣識既, 即從末見面, 距離又遠, 很難發展, 只是對你淡了, try your best to give him more concern.
有捨必有得 有得必有失
私人傳訊

edea


王國長老

積分: 119115

王國長老


13#
發表於 06-4-26 13:27 |只看該作者

Re: 我還能做什麼....

weima 寫道:
你一定要同bf傾得清清楚楚，究竟佢仲愛唔愛你，想唔想同你一齊。就算你肯改，都要人地想同你一齊過下半生先得。

如果答案係肯定的，你要佢同你註冊，俾番個名份bb，然後大家努力改善關係，建立一個溫暖家庭。但如果你bf個心已經唔係你度，你就要好好為自己同bb的將來打算，就算你勉強同佢一齊，你同佢無名無份，分分鐘佢連bb都可以唔認，拖得越耐，對你同bb的傷害更加大。


金石良言
妳而家既收入夠唔夠妳同bb生活?
妳要好好諗清楚去向,如果男人變左心,妳點改都冇用.
我唔係經常上BK, 想搵我嘅朋友請email: [email protected]
私人傳訊

evamama


男爵府

積分: 6225


14#
發表於 06-4-26 15:23 |只看該作者

Re: 我還能做什麼....

我覺得你要開始做一個最壞的打算, 就係做單親媽媽的準備, 無可能要等到生完先諗, 因為而家好明顯就係你男朋友有無你同阿B都無所謂,但係你冇左佢就好有所謂。

首要就係解決財政問題, 有無親友同朋友可以暫時投靠, 如果無, 可能要搵母親的決擇之類的機構, 幫你解決而家至生完後, 萬一男友唔理你的安排。

再其次就係生完之後繼續做全職媽媽?, 出來做野?如果係全職媽媽, 收入點解決?, 出來做野, BB就要放育嬰院, 一個月要四千多元, 放工可能要自己湊番, 自己應唔應付到?請外傭有冇地方住多個人?

有以上的把握/安排, 叫做有後著, 先好同男友攤牌, 萬一真係最不幸的事發生, 都唔會叫做無路走!

而家等你男友的表態, 是非常不理性的做法, 快些的起心肝諗清諗楚, 要一個成日令你疑神疑鬼的男友, 定還是為兩個月後就出世的BB著想, 主動權在你手!

私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy