吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 很心痛，很唔開心，BB黃疸高，要補奶粉！ ...

母乳餵哺今日: 0|主題: 85706

收藏本版

回覆發帖

返回列表

跳至頁

查看: 4119 | 回覆: 15

很心痛，很唔開心，BB黃疸高，要補奶粉！ [複製鏈接]

ChengCat

大宅

積分: 1088

1^#

發表於 12-10-5 23:37 |只看該作者 |倒序瀏覽 |打印

BB喺26／9出世，重3.185kg,一出世即使辛苦亦堅持餵全人奶，前日去了健康院檢查，醫生話BB追唔到出世嗰個磅數，同黃疸高，所以今日再檢查後轉介了我去那打素，再幫BB抽血檢查，同叫我幫BB補4-5餐1~2安士嘅奶粉，聽完之後個人好氣餒，好想喊同責怪㑑己，如果㑑己夠奶水的話，BB就食得好D，咁BB痾多D，㑑然黃疸就冇高，亦反問㑑己咁辛苦嘅堅持係啱定錯呢？雖然啱先喺醫院抽血驗完暫時唔洗照燈住，但都要等明天再去験多次先，如果高嘅話，都要留院照燈，今次對我嚟講係個打撃，個心始終𢲡住𢲡住

0 0 0

私人傳訊回覆引用

Babygirl2012

大宅

積分: 3722

2^#

發表於 12-10-5 23:51 |只看該作者

回覆：很心痛，很唔開心，BB黃疸高，要補奶粉！

我囡囡出院第二日就返去照左2次燈，到滿月都未退黃，但好開心一直見到ge姑娘醫生都好支持媽媽奶，姑娘好用心教我喂同教我增奶，醫生話唔一定係你人奶唔好，有奶粉b兩個月先退黃，總之佢濕片夠就唔洗太擔心，果時因為呀囡食得唔好，姑娘教我比佢啜15分鐘就補泵奶

私人傳訊回覆引用

Enoshma

男爵府

積分: 9845

3^#

發表於 12-10-6 00:03 |只看該作者

回覆：很心痛，很唔開心，BB黃疸高，要補奶粉！

我正在面對同樣問題，但bb得兩日，我又開始覺得谷緊奶，上一胎頭一個月都係要補奶粉去黃，想試下今次全人奶得吾得。

私人傳訊回覆引用

mabelyy

別墅

積分: 708

4^#

發表於 12-10-6 00:04 |只看該作者

回覆：很心痛，很唔開心，BB黃疸高，要補奶粉！

完全明白你既感受, 我都係一直堅持痛到喊都埋身餵, 但係阿B要入院照燈, 好內疚係咪自己唔夠奶累左BB, 去到醫院護士一句dut埋黎話BB咁黃(入院366)你究竟有無奶... :( 勁upset....

BB食左一日奶粉+2日樽人奶, 好擔心之後會埋唔到身. 返左屋企又無事喎, BB都肯埋身, 而家我都半泵半埋身.

私人傳訊回覆引用

cooldenisehk

大宅

積分: 1169

貓狗褓姆

5^#

發表於 12-10-6 00:25 |只看該作者

回覆：很心痛，很唔開心，BB黃疸高，要補奶粉！

我b而家三個月，當時佢又係出左院兩日就轉介去那打素抽血，驗完仲要照燈留一晚夜，嗰到啲姑娘都話要補奶粉，仲話我根本唔夠奶等等，但係我都冇理佢，我照係定時去餵奶，半夜嗰餐先唔去餵俾佢地補奶粉，第二日再驗就出得院番屋企，番屋就冇補粉，一直到滿月都未退晒黃，又再番去醫院驗肝功能，結果當然係冇野啦，亦唔駛留院，到兩個月再番健康院就咩黃都冇啦!

所以唔係你唔好，亦都唔關啲奶事，如果上奶上得唔好就更加要俾佢食，餵密啲囉，只要bb肯啜你就唔好放低佢，啲奶唔會話一滴都冇，只係會出得慢啲，所以佢肯啜佢就由佢啜。如果瞓左就用凍毛巾整醒佢，佢唔食就泵出嚟，留起，整醒佢再餵過。加油，唔駛理啲人講咩架，你生得出佢就一定有奶佢食架，同埋就算補左奶粉都唔怕架，一餐半餐冇問題架，番到屋企密密餵一定追得番啲奶番嚟架！

私人傳訊回覆引用

PinPin

珍珠宮

積分: 34788

6^#

發表於 12-10-6 00:48 |只看該作者

回覆：很心痛，很唔開心，BB黃疸高，要補奶粉！

我仔而家一歲，佢出世時3.155kg,又係返健康院check話黃，叫我補奶粉，我冇理佢，返到屋企教鬧鍾兩個半鐘起身餵奶~第五日28x比醫生叫我去醫院check,入院照左一日燈，好彩將軍澳醫院有得陪係床邊仲可以埋身餵，第二日就出院，之後滿左月先退哂~其間醫生話重得好好，話我餵得好^^我有秘訣係一定要食飯，我坐月五餐都係食飯架，仲有BB訓你都跟住訓，有足夠睡眠先上奶上得好^^你要加油呀^^

私人傳訊回覆引用

Michael_matthew

大宅

積分: 1015

7^#

發表於 12-10-6 07:31 |只看該作者

回覆：很心痛，很唔開心，BB黃疸高，要補奶粉！

完全明白，我2胎都喺咁，幸好第一胎入TKO有得陪過夜，阿囝住咗差不多一星期，黃到差不多要換血，但醫生姑娘從無質疑我夠唔夠奶，只喺叫我預咗餵人奶會退黃退得慢，我因為有得24小時陪住，最終都成功退黃，但到要到個幾月先真正退哂D黃，你Keep住密密餵奶，上奶會上得快D同埋黄疸B會Sleepy D㗎，比心幾，唔好懷疑自己唔夠奶而咁輕易放棄呀!!

私人傳訊回覆引用

buibui2002

男爵府

積分: 7883

BK Milk勳章

8^#

發表於 12-10-6 09:44 |只看該作者

回覆：很心痛，很唔開心，BB黃疸高，要補奶粉！

我啊b出世7日後因為黄疸高e生都叫我餵左2日奶粉, 佢話黄疸高會影響智力,所以我唔敢唔聽

私人傳訊回覆引用

Ccb1031

男爵府

積分: 5444

畀面勳章

9^#

發表於 12-10-6 10:20 |只看該作者

回覆：很心痛，很唔開心，BB黃疸高，要補奶粉！

我上個月中生，丫女到依家都仲黃，但仲係安全線，健康完的姑娘話我夠奶就計續全人奶，唔洗補粉，只要有濕尿就ok,依家都仲keep.住反去睇！

私人傳訊回覆引用

peppapigpig

大宅

積分: 4965

10^#

發表於 12-10-6 10:47 |只看該作者

回覆：很心痛，很唔開心，BB黃疸高，要補奶粉！

唔好灰心，我個b出世餵足幾日人奶出院又輕左又好黃，醫生問我做乜咁大胆一餐奶粉都唔補，bb好黄可能要留院照燈，我即時勁喊覺得累咗bb, 好彩驗血報告啱啱過到骨，唔洗留院，醫生話我好野，可以繼續餵人奶但要餵密啲，兩三日又要再返醫院驗血，又過到關喎，由bb出世瘦瘦到而家8個月肥肥白白雖然要補一餐奶粉，我好自豪我選擇餵人奶，因為我知道係對bb最好的，你同bb都一定做得到，加油呀

私人傳訊回覆引用

Aotearoa

大宅

積分: 3373

11^#

發表於 12-10-6 11:16 |只看該作者

其實你不用太介意, 補一,兩日奶粉不打緊, 等黃疸降了, 轉回人奶就可以. 不要給自已太大壓力. 我囡囡出院後黃疸高了不少, 要留院一天. 囡囡食左一日奶粉,我又休息左一日, 而且因禍得福, 發現奶量好多, 出世八日我已經可以泵到廿幾安士. 所以不要逼得自已太緊, 反而會好影響奶量.

私人傳訊回覆引用

fishes

珍珠宮

積分: 39417

2018復活節勳章

12^#

發表於 12-10-6 11:16 |只看該作者

我bb都係黃, 黃到成舊番薯咁, 不過我堅持全埋身餵, 比bb密密啜. 醫生都叫我努力, 如果唔夠濕片先加奶粉. 醫生重叫我3-5pm比bb曬半個鐘太陽.
由上奶到依加第三個星期, 我每日教鬧鍾每2個鐘就餵奶同比bb曬半個鐘太陽, 冇照過燈, bb好明顯冇咁黃, 同埋奶量有升因為啲片量越來越增加.

My Egg Egg Egg Egg Easter House

私人傳訊回覆引用

Joeytreebaby

別墅

積分: 990

13^#

發表於 12-10-6 11:27 |只看該作者

回覆：很心痛，很唔開心，BB黃疸高，要補奶粉！

我BB21號出世，情況同你一模一樣，我都自責自己係咪因為堅持要餵人奶，搞到BB跌䠙數，又黃疸，又要留院，但係醫生話就算餵全奶粉都會黃，主要原因唔係因為餵人奶！BB留院雖然食咗幾日奶粉，我自己喺屋企就盡量多休息同照泵奶放冰格，等BB一返到屋企就埋身，或者泵出來餵！我覺得就算BB食咗幾日奶粉，並沒有什麼問題！而且黃疸好常見，唔需要自責！加油！

私人傳訊回覆引用

chloe0318

複式洋房

積分: 103

14^#

發表於 12-10-6 21:41 |只看該作者

回覆 cooldenisehk 的帖子

我個B當時大約要1個月才退黃，同你一樣在猶豫要否放棄餵人奶,但我仍堅持,最後都退了。
有黃袒B會較為疲倦無胃口，我當時係足足一個月用樽餵(人奶)，陪月堅持每餐餵4OZ(4小時一次)，食多疴多。
餵人奶D黃會退得慢D，但你就要辛苦D密密check住D黃。

而家餐餐埋身餵，BB唔鐘意用樽餵。