Re: 和諧家庭心得--可以嗎?:-( :-(
我亞媽成日在我兄姊面前講我壞話, 又在我面前講佢地壞話, 總之就講到身邊個個對佢都唔好, 咩事係佢搞出來, 但就成日都扮到楚楚可憐咁, 以前老豆在生時, 就成日在老豆面前講仔女壞話, 出到街又成日講仔女壞話(從來未試過在人前讚d仔女, 仲成日讚人地d仔女, 比較自己的仔女有幾咁差)
我同老公拍拖時, 又嫌佢無錢, 又嫌酒席少, 仲獅子開大口話要360張西餅卡tim, 我根本都無咁多親戚要派, 佢仲成日講到自己好為我設想: "亞媽而家係嫁女, 唔係賣女, 求其得喇, 無理由用咁多錢擺酒, 結婚後要捱就唔好啦! " 由細到大都話:"我無咩俾到你做嫁妝, 教識你做家務已經係嫁妝啦!"
老豆都唔知點解可以忍到佢咁多年的, 成日講既一套, 做既又係另一套。 又嫌亞嫂年紀大過大佬, 話:"嘩! 個老婆大成幾年, 真係夠晒老喇!" 我擺酒前外公病死了, 我已經好傷心, 想將酒席延期, 酒樓都話可以延期一年, 點知我亞媽居然話:"我個女都唔係跟佢性, 我個女係外性人, 外孫之馬, 梗係唔駛延期啦!" 我聽到之後好嬲好傷心, 我最後都取消咗擺酒, 只係行西式婚禮, 因為夾硬擺酒只會唔開心。
我生完第一個bb時, 亞媽聽到醫生話產婦暫不能食補品及薑以免出血, 佢就食住上話:"我以前都係食呢d咋噃, 咁我就唔識喇, 不如都係叫你奶奶煮俾你食啦!" 我d兄姊都無來過醫院探我, 亞媽就話:"佢地唔得閒嘛, 要OT呀!" 我話:"咁OT都有放工時間, 都有休息日唔駛返工掛! 唔係忙到連電話都無個係嘛!" 我今次生第2個bb, 係唐氏bb, 佢地都無咩打電話問候我, 其中一個姊姊打過來話:"我地驚左住你休息, 所以我做代表問候你! 仲有, 不如我地去你屋企探你啦, 費事男家d人有說話啦!" 講真, 我真係唔歡迎我外家d人來我屋企搞搞震&講d廢話是非, 由始至終佢地都係咁自私, 一d都無理會身邊人的感受, 我以前未嫁一齊住的時候真係日日都好唔開心, 屋企日日都好似戰場咁, 輕則口角, 重則動粗, 出了門口就唔想返屋企.......如果唔係我都唔會咁早嫁啦, 個個女仔都鍾意拍拖多過結婚架啦! 生第一個bb時, 我都唔係好hurt, 而且事隔多年我都已經無野, 點知今次我生第2個bb, 因為bb有病我好唔開心喊咗好多好傷心, 以為點都係一家人, 家人會在你最失意最傷心既時候安慰你, 點知.....佢地知道後都可以絕情到電話都唔打一個俾我........
由始至終, 我都無做過d咩太差既事, 點解我外家d人會咁對我? 好在男家d人對我好好.....
以前我有一個舊同事問起我外家d事, 我只係輕輕帶過話兄弟姊妹感情唔好, 亞媽又野蠻自私, 舊同事話:"無理由佢地個個都咁衰架, 會唔會係你自己有問題呢?" 我而家都無主動搵佢地, 咁樣我的心情反而平復d, 只係覺得自己好lonly好孤獨好似無外家咁, 不過咁既外家要唔要都擺啦, 次次見親面都不歡而散, 而家我有自己的家自己的生活, 都理唔到佢地咁多喇, 正所謂:"顧掂自己先啦!" 唉....你地又信唔信我呢, 我講的都是事實, 咁你地又會點呢? 咁既家庭就算有咩心得都好難和諧啦!! 俾d意見我好唔好?:-( :-( :-( :-( :-(
:wave: 我和我的唐BB~Matthew
;-) 我要盡心盡力愛我的囡囡和囝囝, 更要加陪地盡心盡力照顧我這個特別的唐寶寶。:-P 無論發生甚麼事都對他們不離不棄。
發表於 
返回列表
