大仔大女媽媽會 今日: 0 | 主題: 177860

積分: 4893

1^#

發表於 06-5-13 08:04 |只看該作者

小胖鴨的生產過程~~

5月1日
下午見紅(但因為無肚痛，所以唔想咁早入醫院)

5月2日
20:30
入醫院(見紅巳紅超過24小時，但仍然未有陣痛出現，不過都決定入醫院等嘞！)

23:00
係醫院覺得好眼訓，訓左一陣，但間中感覺齒骨有啲痛，大概半個鐘至1個鐘痛一次。

5月3日
00:00
開始10MINS痛一次，但唔係個肚實晒咁痛喎！係不斷咁有嘢鑽條腰骨咁痛，我都唔知呢啲算唔算陣痛，捱左幾個鐘，實在太痛嘞！走去問姑娘，姑娘話呢啲都係陣痛嚟架！但呢種痛要令子宮開係好難，應該要痛好耐，聽到姑娘咁講，我就覺得好慘，因為巳經覺得好痛嘞！

04:00
5MINS一次嘞！

08:30醫生巡房檢查話開度三度，但因為產前房未有位，無得入去聞笑氣。

13:15
卒之話可以入去產前房嘞！但先前嗰幾個鐘痛簡直痛到想死，唔明人點解可以承受呢啲痛楚，因為1-2係探病時間，老公就陪左我一陣，我就更加放肆咁叫痛，仲比姑娘話，你唔知生仔係咁痛咩？真係吹脹呀！咁真係好痛嘛嘛！

14:30
過左探病時間，比醫生檢查過開到4度，姑娘先問我聞唔聞氣，我緊係話要啦！就痛死嘞！聞左氣，就開始好似遊雲咁，叫我咁制CHECK BB郁，我連制都掉埋囉！雖然聞左氣，但仍然覺得好痛，又成日有想痾的感覺，但姑娘話未得叫我忍住先，但真係好難忍。

16:45(大概係咁上下，因為見唔到鐘。)
推左入生產的房，姑娘叫若果痛就試吓用力痾阿B出嚟！大概用左5-7力，最後一下仲要大叫一聲，阿B終終出世嘞！

17:25
囡囡出世嘞！重3.27kg！

17:40-18:15
排出胎盤同縫針

18:25
安排出病房，咁啱係開始探病時間，咁老公可以陪住我。但個人巳經手軟腳軟了，連飯都無力食呀！

5月7日
出院，原本係6號出院，但係住院第三日發現盤骨移左位，攪到隻腳好痛，行都行唔到，上落床亦都好痛，姑娘安排我見物理治療師同去左職業治療部，車左個腰封用嚟固定個HIP位，等個盤骨位唔好移位，而家一直都要KEEP住用，醫生話大概1個月左右應該會好，希望可以快啲，因為實在好唔方便。

生BB巳經經歷左一大痛(我係十幾個鐘都係痛條腰骨添！)，生完BB又要承受盤骨移位的痛，做阿媽真係唔容易。

依家我係餵人奶，所以都要餵得好密，但好好彩我囡囡好少扭肚餓，食完就會訓，唔扭計，所以都算唔錯。令人最開心的，係佢出院時竟然有重到，雖然好少，但因為好多時BB出世後會收水，應該會輕啲，但佢無輕到仲重左，所以覺得好開心。揍BB真係好BUSY！我而家都係因為囡囡訓覺先得閒講番個生產過程咋！

祝各位未生的媽咪，順順利利，唔好好似我咁仲要承受其他後遺症。預祝各位母親節快樂！

私人傳訊

pokinponi

子爵府

積分: 14779

2^#

發表於 06-5-13 08:22 |只看該作者

Re: 小胖鴨的生產過程~~

真係恭喜哂你呀,你真係好叻好勇敢 :lol:

我好想知你在哪一間醫院生呀?原來多人得制,想入產房聞氣都冇位架,當時你都開到3度lor bor?d護士好似唔係咁友善wor, 人地唔痛都唔會叫啦, 真係....

anyway,你都生得算快,祝你母女健康快樂!

Code snippet: PseudoHTML, UBBCode™ and BBCode. Used on most forums.

私人傳訊

積分: 4893

3^#

發表於 06-5-13 08:38 |只看該作者

Re: 小胖鴨的生產過程~~

多謝晒！
我係廣華醫院生架！其實真係一啲啲姑娘啦！有啲都好好人架！係呀！開到3度都無得入呀！因為真係好多人，連產房我都係聽見佢話有人出嚟先推我入去咋！我成個過程痛左17個半鐘，簡真係畢生難忘呀！我都覺得自己勁呀！痛到咁都可以頂得到。

pokinponi 寫道:
真係恭喜哂你呀,你真係好叻好勇敢 :lol:

我好想知你在哪一間醫院生呀?原來多人得制,想入產房聞氣都冇位架,當時你都開到3度lor bor?d護士好似唔係咁友善wor, 人地唔痛都唔會叫啦, 真係....

anyway,你都生得算快,祝你母女健康快樂!

私人傳訊

kakyu

積分: 878

4^#

發表於 06-5-13 09:33 |只看該作者

Re: 小胖鴨的生產過程~~

小胖鴨:
你係咪係5號房架,我5月3日生訓5號房,當日對面有個女仔都係咁係咪你?

晴晴私家blog入黎交流下

私人傳訊

conyyan

積分: 656

5^#

發表於 06-5-13 10:10 |只看該作者

Re: 小胖鴨的生產過程~~

恭喜晒你呀小胖鴨, 小心身體啦~~~

私人傳訊

積分: 4893

6^#

發表於 06-5-13 10:15 |只看該作者

Re: 小胖鴨的生產過程~~

kakyu 寫道:
小胖鴨:
你係咪係5號房架,我5月3日生訓5號房,當日對面有個女仔都係咁係咪你?

係呀！5號房5號床呀！你係我對面嗰個呀？又會咁啱ge？

私人傳訊

積分: 4893

7^#

發表於 06-5-13 10:16 |只看該作者

Re: 小胖鴨的生產過程~~

conyyan 寫道:
恭喜晒你呀小胖鴨, 小心身體啦~~~

多謝關心呀！

私人傳訊

kakyu

積分: 878

8^#

發表於 06-5-15 16:01 |只看該作者

Re: 小胖鴨的生產過程~~

晴晴私家blog入黎交流下

私人傳訊

kakyu

積分: 878

9^#

發表於 06-5-16 18:09 |只看該作者

Re: 小胖鴨的生產過程~~

小胖鴨你好好休息下啦!祝你早日康復.

我開到8度先入產房勁慘!廣華有些姑娘真的勁差!人地痛到死死下架啦!有某1-2個姑娘就話生仔係痛架啦!唔痛點生,睇佢地都未生過啦!到佢地生果時睇下點.

晴晴私家blog入黎交流下

私人傳訊

味兒