有點長，不好意思 
昨晚睡得不算好，阿Ｂ又特別活躍，臨瞓前同Ｃ6一齊發"哦"功：阿Ｂ你要乖乖地，明天好好跟醫生合作，檢查好身體，唔好碌黎碌去，同埋比我地知你係囝／囡啦，如果唔係，你阿爸阿媽又唔知點同你改名，又唔知要買Ｄ咩比你，你諗你啦...
終於等到今日了，同C6一早去到醫院排隊。對上一次大約10週前度頸皮，阿Ｂ郁黎郁去，又打拳，又打跟斗，卒之由人地番工，度到人地放工都度唔到，被姑娘話佢好唔合作，我就出出入入，度到痴呆。不過，真係多謝姑娘有耐性同佢鬥到底。
今次又係人地一開工就去檢查，懷著戰戰競競的心情等候，一入房，把聲好熟，原來又係上次個cool姑娘，心暗不妙，千祈唔好比佢認得我!又勁希望阿Ｂ今次生性Ｄ，唔好又累阿媽比人潤同等到痴呆。
我小心翼翼地問姑娘：如果睇到男仔／女仔，話聲比我好嗎？她淡淡的說：睇到先講你知啦!
好在"哦"功得勝，阿Ｂ雖然都有郁（真係郁少一陣都唔得）但總算心肝脾肺腎都okay, size okay, 眼耳口鼻齊晒，手手腳腳到好清楚，佢仲係到打呵吹呢？
咁...睇唔睇到性別呢？其實都知道張單張寫明照結構唔包確認性別，又唔知好唔好追問，接著，cool姑娘就話："um...拿呢到見到三條線，似係囡！不過未到生果刻都未知，因為有Ｄ囝囝會夾埋左ga!" 連忙多謝cool姑娘，雖然真係cool左Ｄ，但佢每個部位都好細心。最後，佢就提整體無乜大問題，只係唔包有Ｄ地方照聲波照唔到果Ｄ。
全程用左約２０分鐘，好開心阿B咁乖，同埋多謝cool 姑娘！
P.S.我都覺得果度Ｄ姑娘都好好！希望之後都順順利利！
E+ 鬆一口氣，仲好眼瞓
吾意愛而不錮，尊而不評，同而不擾，邀而不迫，離而無怍，論而不責，助而無犯。得此相待，方互澤潤
發表於 
返回列表
