大仔大女媽媽會 今日: 0|主題: 177860

francojoan1219 寫道:
好快呀…
我都未敢俾粥佢食，怕佢唔識吞呀…
但係如果加0的肉落去，0的肉唔怕更親咩?
我而家都係煲粥用攪拌器打到變糊仔俾佢食咋…所以入面0的肉全部變哂糊仔喎…

kawai928 寫道:
我由4月11號果日已經開始煲粥仔比臭B食喇~
而臭B亦都好鐘意食~就算我開番糊仔比佢食下當小食佢彩我都傻
依家食左粥仔重乖左,肯坐定定,自動mark大口,就算我餵遲少少(因為入口前要吹凍少少)佢見到我咁做佢都冇詐型...可能知道我幫佢吹凍佢魏佢唔會熱親掛...keke~
開頭2,3次我都只係就咁煲瘦肉吊味~
依家得閒加d蕃茄(不過唔好成日食,因為蕃茄係致敏原,而且食得多易面黃,食完記住睇下bb面上有冇紅點~另外一提,紅蘿蔔都係呀!!)
有時又加菜(唔好加白菜因為好涼,所以我依家都係加菜芯架喳)
呢2日轉左用雞肉~發覺原來雞肉煮出黎既味係好味過瘦肉好多架~
黎緊熱天我又會打算煲百合蜜棗粥同淮山茨實粥~健脾開胃嘛~
如果有邊位靚媽已經比左b食粥仔既不妨入黎傾下交換下煲粥仔既心得丫~hehe~~

waisin 寫道:

yeah!我阿媽湊阿b又係一早比粥仔佢食 (在樂遙仔4.5個月大), 之前比佢食糊仔佢唔like
於是比白粥佢試就勁like (我估佢之前食米水開的奶, 所以like有米氣我的野 )而家食開有味的粥,多數用瘦肉煲, 食返白粥佢會哦你 佢好為食, 我比bb餅佢食佢好開心, 食到尾d餅粒唔識吞, 會自己吐出來 ?-( 重申手叫你比多塊佢食

winglolo 寫道:
我個仔都係4-5個月時,保母比粥佢食,佢鍾意食南瓜粥和蘿蔔瘦肉粥,食到唔停,但就唔肯食奶. 好慘 :-( :-( ,

但不能話比健康院知，　因為姑娘會話你

WinkyLee 寫道:
我想問問大家係用咩煲煮粥仔? 有d人用瓦煲, 有d又用電飯煲..., 我都唔知咩煲好?

thanks!

AngelCat 寫道:
請問你地比bb食幾多餐粥仔？每次又食幾多呢？

AngelCat 寫道:
前幾日去健康院打針，姑娘話如果bb適應倒，可以比bb食2餐粥仔，當然要放d有營養的食物落去啦，反而糊仔只是過度期，我bb而家食2餐糊仔，因為佢唔係好肯飲奶，遲d諗住比bb食粥仔。

AngelCat 寫道:
前幾日去健康院打針，姑娘話如果bb適應倒，可以比bb食2餐粥仔，當然要放d有營養的食物落去啦，反而糊仔只是過度期，我bb而家食2餐糊仔，因為佢唔係好肯飲奶，遲d諗住比bb食粥仔。