我仔由出院到 2m 都係同工人一個房。o個時佢未戒夜奶，同埋方便我行過裝下 bb （阿仔訓近門o個邊），我叫工人唔好閂實房門訓，俾個 C 字型O既O野攝住度門，隻門係奄埋o既，見唔到佢訓覺，但就唔係閂坎。我地房都係一樣咁做，唔閂實房門訓。其實而家呢O的天氣唔使開冷氣絕對無問題。bb 一喊我就即刻聽到，平時極爛訓o既我亦都次次可以彈起身去照顧佢，加上當時全埋身，一定要自己起身湊。好多時我過到去抱起個 b 工人先坐起身，我又覺得無乜o野，畢竟我係媽咪，梗係我最緊張～
你放緊產假？你自己湊夜晚啦，俾工人瞓，日頭補眠嗰個係你，日頭你又想bb喊時親自照顧，咪叫工人叫醒你，到bb滿咗月，你應該都未返工，你要開始調節bb日間睡眠時間，飲奶時間，慢慢介夜奶，唔難嘅，(有啲bb未滿月自己都可以夜晚一覺瞓到6-7小時，both of my sons did it), 到你復工前，應該都成功，臨番工前一星期開始，交俾工人湊夜晚，bb偶然飲一次夜奶，如果工人日頭眼瞓，你哋番哂工，唔駛你叫，佢都會take a snap,係我就唔會開口叫佢補眠，只要佢唔過份，亦唔會話佢，be an understanding employer!
你而家咁，日頭自己湊時又想工人正常工作stand-by俾你召喚，夜晚又要工人醒瞓照顧bb又要叫醒你，你咁攪法，自己同工人都好大壓力。
←My little Son
發表於 
我明白佢係為我好，同埋佢係識照顧BB ,但我都係吾放心嘛！！而家搞到我開始吾鐘意佢，成日幻想fire her
返回列表
