可能大家都耳聞能詳, 不過都係想POST出黎比大家知下。
以下全是個人經驗, 並冇取巧。
1) 電訊服務月結單,
口口聲聲就話環保, 係..的確印小D單係可以環保, 但其實最終目的根本就係搏D人唔得閒, 廢事, 懶上網, 記咁多PASSWORD個個月上網CHECK單。
咁佢就可以有冇理收費,
-例如: hello ring tone, 一年前話CUT, 收多我足足一年, 大佬, 我點會知自己有HELLO RING TONE呢? 唔通日日自己打比自己CHECK? 結果比佢收左成年錢。--呢個我衰X9, 豪比佢, 唔怪得人, 算!
-初初有圖片個D SMS, 我老公成日收到, 最慘係佢冇得DEL, 要開左先DEL到, 結果一開又等於接受個計劃又收錢。因為我老公成日用多電話費, 我好多時都唔CHECK照交。 但有之前的經驗, 我就間唔中CHECK下, 比我發現左呢件事, 間公司話係我老公默認開左, 收成60蚊。
-解決方法: 佢話我開過SMS就算, 我同佢講, 你地個SMS第一, 唔開DEL唔到, 我唯有焗開, 開完立即DEL你既然話我默認左。佢話, 唔係喎, 你默認完我地都有確認比你 (但我根本收唔到)。我答: 咁你話我有確認, 我話真係冇, 而家口同NOSE嗌, 貴公司打算點處理呢? 或者你提供我確認左既數據証明下囉。
最後比我嬴左。
2) 客戶服務冇人聽, 留言?
佢地成日話搏唔到去客服, 因為忙線, 但我依然都會等..
例如你想CUT一樣野, 佢緊係會話忙線, 留電話搵人覆你, 佢可能係有覆, 不過打一次, 響幾下, 就唔會有人再打, 搏你比多一個月得一個月。所以我次次都同佢鬥長命, 一定要有STAFF 聽唯止!!!
尋日幫老公CUT個HELLO RING, 佢又話呢度CUT唔到, 要搵專人覆我喎。-解決方法: 我同佢講, 我知, 你個專人一日唔覆, 一日唔算丫嗎, 你地D野我試過晒啦, 唔WORK, 唔該你而家幫我
佢見比我識穿, 最後比又係立即幫我CUT左!! 專人? 我呸!!!
3) CUT 電話的手續?
PCCW!!! 係講緊你呀, CUT個家居電話線, 佢首先要打電話去講(當然又係會經歷2) 所講既野), 好喇, 終於搵到STAFF, 佢就會話要你填FORM寄番去先算, 不過唔洗擔心, 你呢日打黎就開始生效架喇..(因要一個月通知), 好啦, 等FORM寄黎, 填番上去, 你以為成功? 錯錯錯!!! 原來仲要等佢專人打黎電話確認多次先叫做完成成個過程。一日冇同佢專人confirm, 一日都未CUT得架!!
-解決方法: 當我見到仲每個月收緊錢, 問佢點解, 佢話因為專人未CONFIRM到, 我問佢, 咁請問我填個FORM黎做嘜? FORM有晒我資料簽名, 咁都仲要RE-CONFIRM? 我打去電訊管理局問問係咪要咁, 佢笠水, 即刻唔好意思。
4) 仲有尾數?
CUT左個IDD, 有條尾數要交200蚊 (當月費500蚊), 咁好啦, 一個月通知要交埋個個月, 咪交500蚊囉。
點之下個月黎尾數, 成700蚊。搏你地唔記得!!
-解決方法: 打電話去問佢點解, 佢竟然答我, 哦...上個月你交個500蚊, 電腦未識自己LESS姐, 我問佢, 成個月都唔識計? 咁點解之前個個月又識計, 而家黎CUT先壞機? 佢話, 唔好意思...我實在唔GUR, 再問: 你知唔知好多老人家係屋企, 都係見單照交? 你地咁樣姐係搏佢交多500蚊姐, 請問你地如果之後真係發覺收到別人交多500蚊, 會點樣處理? 佢冇言.....
5) 客服等好耐, 咁大間公司, 點解推銷咁多人, 客服咁小?
鬼咩, 其實佢地根本就係搏你地禁極都冇人聽, 慣得打去嘈, 打去問, 嘜都算算算...
6) 推銷試用一個月, 好低架!!
其實根本就係搏你一個月後唔記得打上去CUT, 因為佢一定唔會比你用一個月自動CUT, 係一定要自己記住邊日夠期, 打上去經歷一大段過程先搵到個條友, 先CUT到的。
佢係搏你唔記得CUT, 就算冇用都照交!!!
-解決方法: 嘜都唔要!!
所以, 各位,
一定要定時CHECK住D單。
遇到不合理情況, 儘量唔好懶得打去問,
每人每月比多十幾蚊, 唔發就有鬼啦佢!!
謝謝!
我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
多多是我平常的歡樂.
一家人嘛!
發表於 
返回列表
