吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 終於開始反感....（長）

婆媳關係今日: 0|主題: 27781

收藏本版

發帖

返回列表

跳至頁

查看: 1773 | 回覆: 42

終於開始反感....（長） [複製鏈接]

12 3

shana_tsun

男爵府

積分: 5539

1^#

發表於 12-10-24 02:53 |只看該作者 |倒序瀏覽 |打印

我本身同99關係好好...一直也互相尊重，我99信佛..係個幾善良既人，自己唔食俾哂仔女食果種人黎，亦因為c6好就我好錫我，佢有眼睇，於是也對我愛屋及烏，我懷孕期佢都成日煲好多野我食，知道咩對我好就會買返來俾我食... 真係好無得頂，唯一缺點只係佢好煩，但我一直都唔反感因為我知佢係出於關心，亦明白老人家係禁煩，所以我都無咩野，之但係之後發生左d事，我可能心裡有刺..咩都睇佢唔順眼，仲開始覺得佢禁煩真係好討厭....

事件1：bb出世前幾天，有日我，姑仔，99食飯時，講起改名問題，99唔中意我諗左既名，雖然我一早都知，但無諗過佢會禁大反應，因為c6話佢無咩所謂架wor,原來唔係囉，我只係答姑仔諗左個咩名，仲好細聲講，點知99勁大反應，不停同姑仔講話個名咩咩咩唔好（注意係同佢個女講，我在旁一路食飯一路聽住），我姑仔已經嘗試幫我口，點知佢愈來愈大反應又話你唔識架喇呢d,又話佢講既野你唔岩聽，講到想嗌交禁制，我全程在旁聽住，姑仔爆左句：而家唔係你講既我唔岩聽，係我講既你唔岩聽wor,人地個媽係度你就係禁講乜乜乜，跟住99發悔氣話：唉是但啦，我在旁真係覺得好無奈。其實個名係我好早前諗定，老公當時都中意，自佢知呢件事後，佢竟然無啦啦轉口風話呢個名唔好，仲話當時無反駁我係因為我大緊肚，我真係好嬲，因佢擺明係因佢媽唔中意先轉口風...... 本身還未討厭99，再加上以下既事我先突然覺得，究竟邊個係bb呀媽，禁辛苦陀佢生佢，連改個名都無得話事,要睇99頭....

事件2：bb岩岩出世，好重磅，肥肥白白，醫院話佢肺花，血氧低要去兒科房聞氣。我在產後房，c6同姑仔，表姐黎左睇我，聽到bb情況，姑仔話因為我懷孕期飲凍野，表姐話聞到二手煙都會禁架，呢個時候c6啤住我，想話埋我一份，我覺得好委屈，唔係因為姑仔同表姐，係因為覺得c6好唔理我感受，佢差不多陪足我全程生b，睇住我有幾辛苦，雖然過程中有同我打氣，但佢之後講左句唔見隔離床禁辛苦，係我嬌生慣養，bb出世成8.8磅，佢竟然一句讚下我既說話都無，但一聽到有咩事就即刻話因為我衰乜衰乜，我自己聽到bb有事都好擔心架，bb大隻話我亂食野咩都食一餐，我好肯定如果bb係細粒佢會話我食無營養囉....我愈諗就愈委屈...終於到媽咪黎探我時，我忍唔住大喊左出黎..因為媽咪係全程最關心我果個...媽咪見到我禁樣好心痛，又好嬲，但佢可能唔係好明我心情，佢竟然嬲埋表姐同姑仔，嬲佢地係我面前亂講野，無諗我感受，其實我無怪佢地，我只係好嬲我老公點解可以禁對我....之後媽咪竟然去鬧表姐同姑仔佢地...話佢地禁對我，我都覺得好唔好意思，後來我知道都第一時間send信息俾表姐say sorry..希望佢唔好介意我媽一時緊張，佢都話佢明白...我媽之後都有同佢地say sorry...好啦..到第二日探病時間，我99黎左，問候兩句後，講起bb,我同佢解釋姐，醫生話bb肺花因為可能吸左d胎水，唔關飲食事，佢無啦啦又好大反應，一輪嘴係禁講，無啦啦講返轉頭，話關咩事唔重要，就算唔關孕期飲食事大肚都係唔飲得凍野架啦，人地又唔係話你d乜，我無出聲，但真令我有hard feelings,佢見我唔出聲佢仍要繼續不停禁講，我果刻真係忍住，其實好想好想喊....我知佢係係度怨緊我媽好去鬧人地....但點解要俾呢d說話我聽..我根本只係覺得委屈只係嬲我c6無諗我感受...無怪其他人...但我無啦啦又要聽呢d說話...果刻開始討厭我99

事件3：我出院後幾天，探過bb，影左d相，返左屋企俾左99睇，佢好開心啦，問我bb隻手仔靚唔靚呀，我話我唔識睇呀。99跟住同我媽講（我媽係度因為幫我坐月）：xx（我個名）隻手咪靚囉，有福呀，yy（c6）果陣帶佢返黎，我淨係中意佢對手架咋！（雖然佢係講笑禁講，只但係無啦啦口不擇言繼續講）我媽應酬佢笑啦，跟住99繼續講，果陣yy有個女朋友拍左好耐拖架（其實我起初同c6一齊佢係有女朋友既），佢隻手唔靚架！我媽繼續膚衍佢：禁人好咪得囉，點知99竟然話：好！好好架佢，次次上黎食完飯都爭住洗碗呀.... 我媽即時收左聲...我自問真係唔係幾做家務既人黎，但我上去食飯都有幫手執下台... 但佢唔開口叫我幫手我又唔會走去爭洗碗囉...我媽就係食完飯汁野洗碗唔中意有人攪住佢既人黎..所以我都習慣左..聽到99禁講..真係又好hard feelings....點解佢可以係我面前講c6前度咩好咩好呢...

仲有好多好多少事，以前係唔會介意，而家經歷過呢幾件事，就好多野都好反感..除左覺得佢真係煩到好討厭，仲有好多野佢明明唔識又要堅持，例如我補身呀果d，佢出發點係為我好但佢根本都唔識，我而家覺得好討厭呀！今日仲同我講bb喊既話唔好抱佢呀記住，聽日bb出院了，突然覺得佢好可能會好似呢個版jm既99禁，叫個呀媽唔好抱自己爭住抱

我覺得遲d會為bb有更多爭執.......

0 1 0

私人傳訊

starbabymm

大宅

積分: 2794

2^#

發表於 12-10-24 03:18 |只看該作者

回覆 shana_tsun 的帖子

我99又係份人本來無乜嘢，好緊張自己兩個仔，都當我半個囡咁，好關心我健康（其實我有啲覺得佢係怕我身體唔好，照顧唔到佢個仔同孫）
但佢把口真係好衰，口不擇言，
每次見完佢都會唔開心幾日。
依家好彩一個月只見兩、三次，
當年坐月時日日見真係好難受，
個囡成日瞓唔食奶又鬧我大肚時好成日瞓，胎教喎…
總之就成日講埋啲令人好反感嘅說話

好在老公都知佢媽口臭，如果佢喺度會話返佢阿媽。
不過你依家都唔好諗咁多喇，最緊要坐月養好身子，
佢講乜都唔好咁上心，無謂激親自己，
過一排搬出去唔好一齊住，心情都會好啲。

私人傳訊

shana_tsun

男爵府

積分: 5539

3^#

發表於 12-10-24 03:31 |只看該作者

引用：回覆+shana_tsun+的帖子我99又係份人本來

原帖由 starbabymm 於 12-10-24 發表
回覆 shana_tsun 的帖子

我99又係份人本來無乜嘢，好緊張自己兩個仔，都當我半個囡咁，好關心我健康（其實 ...

你就好啦唔洗一齊住...我c6話得佢一個仔呀媽仲禁老，要照顧佢要一齊住呀..

我起初都無咩...而家開始驚啦...長此落去好可能影響兩公婆感情

私人傳訊

ecling

珍珠宮

積分: 36230

馬年勳章 2026勳章 2023年兔年勳章畀面勳章 DHA勳章

4^#

發表於 12-10-24 09:01 |只看該作者

引用：Quote:原帖由+starbabymm+於+12-10-24+發表

原帖由 shana_tsun 於 12-10-24 發表
你就好啦唔洗一齊住...我c6話得佢一個仔呀媽仲禁老，要照顧佢要一齊住呀.. 我起初都無咩 ...

你使唔使返工？唔使返就代表往後每日都要同亞B對住你99，點都好，以我經驗，你唔可以再逆來順受，有咩唔妥要即反擊，須知你要對住你99直到佢百年，女人平均有86歲命，佢信佛可以唔止，往後咁多年點忍？再忍只會更加坐大佢個勢。唉！我睇你篇嘢對你往後日子並不樂觀，強勢奶奶，加上"母慈子孝" 你講乜都會俾人睇成是非精、分化人哋母子感情。最緊要外家嗰邊有着落，有乜唔妥帶埋個仔走佬。不過我又擔心你經濟支柱係咪來自C6，係的話你99更加唔放你在眼內。我講所有嘢都係負面，因為我唔想講一啲門面說話，你今次形勢險峻，祝福你！

主賜平安

私人傳訊

toby1357

別墅

積分: 932

5^#

發表於 12-10-24 09:28 |只看該作者

回覆：終於開始反感....（長）

首先立場上我多數都幫新抱仔
睇你以前都係公主型女仔

其實你媽咪去話姑仔唔係咁好
睇得出佢好錫你，亦喺佢保護下你真係一朵被苛護既小花

不過想講女人年紀漸長
要智慧增長
年輕時被苛護受保護係優點
年紀越大，禁不起打擊，容易受傷，仲要媽咪保護
會變成討人厭，無用

你係冇錯的

只係喺媽咪苛護下你既警號響得好遲

要做一個幸福既女人
真係要成長

大家都加油啦！

點評

waterlemon

發表於 12-10-26 01:12

tsoi520

發表於 12-10-24 10:22

fannychan1213

發表於 12-10-24 10:05

私人傳訊

Erica~

大宅

積分: 2012

6^#

發表於 12-10-24 09:37 |只看該作者

本帖最後由 Erica~ 於 12-10-24 09:46 編輯

same here...99份人無咩嘢, 但係就煩到爆! 我每次見完佢都覺得個人好攰! 係精神上好攰! BB 有咩好就似佢個仔, 有咩唔好就似我! 仲要同一件事重複不停講.不停講! 每次接佢電話都要超過10分鐘先收到綫 (頭嗰9分鐘都係解釋點解打電話比我, EVEN 佢只係問佢個仔返唔返屋企食飯)

我本身都同99 OK, 客客氣氣, 就好似樓主你咁! 但係自從有咗BB 開始, 我就好怕先到99! 真係煩到你忟! 我陀住嗰陣, 99又係對我好好咁,成日煲湯比我飲, 但係D湯其實我係唔飲得, 因為太咸!!!

樓主, 我同你個情況最慘係, C6 會覺得99個人好好, 唔會比說話你聽, 係我地自己對99有偏見! 其實C6唔會明白, 99對自己D仔女就好慈愛, 對住我地D新抱. 女婿就要求多多!

樓主, 所以你真係要同C6 傾傾, 搬開住! 有咗BB 真係會有好多磨擦, 尤其是照睇你99都係超唔通氣嗰隻! 同C6傾傾, 搬去隔離座都好吖! 長期對住真係會顛!!!

ADD OIL!!!

私人傳訊

kktsoi

男爵府

積分: 8213

7^#

發表於 12-10-24 10:00 |只看該作者

我吾係邦住你99, 但樓主, 我覺得你99除左煩同多口外, (多口係指佢係你地面前講你老公前女友的事), 其他方面, 我覺得你也有地方有小小問題:

事件二: 其實呢件事原本係吾關你99事, 但因為你媽咪因關心你而走去罵人, 甘當然你姑仔一定會同自己亞媽講, 甘你媽錫你而要邦你出頭, 但有無諗過, 你姑仔媽咪,即係你99都係因為錫個女, 見個女俾人話而俾說話你聽呢? 你99算係甘了, 都係俾幾句說話你聽, 但對你同對你媽又吾見佢特登做d咩出黎. 其實都係因為大家都係做人亞媽, 錫住個女者. 可能你姑仔果刻都吾開心, 同你情況一樣呢. 係咪.

事件三: 我覺得你99講甘多你c6前女友的事係多口, 但又未見係有心.只係聽者有意.講番轉頭, 你己經算ok了, 拍拖時上去食飯, 只邦手報下枱,又無開口問下使吾使邦手洗碗, 但你99以後都對你ok, 好過好多jm阿. 吾止我, 我身邊的女性朋友,上到去男友屋企食飯, 都會開口問使吾使邦手, 問左, 吾使係佢的事, 但我地又要做番本份. 吾可以話, 因為自己媽媽吾鐘意別人阻住佢執野, 就覺得你99都係.

總講一句, 個個女人未結婚時, 都係自己家人的掌上明珠, 但到了真係嫁左人,做左人老婆同亞媽, 無論思想上, 做事上都要有所適應, 吾再係以前有家人保護的女人架. 所以我勸你, 吾好俾機會同你99住同臭bb, 因為你目前心智仲係好單純,一定仲有好多事令到自己吾開心的.

私人傳訊

fairyfloss

男爵府

積分: 9660

8^#

發表於 12-10-24 10:00 |只看該作者

回覆：終於開始反感....（長）

同C6傾完全冇用，你要吼c6唔喺度時，99俾說話你聽時大力還擊，佢知你惡就會收，千萬唔好投訴99，個個老公都唔鐘意，因潛意識別人話你家人都會視作話埋你，一定反感，況且男人最怕煩，你投訴就你煩，99投訴就99煩，你私下還擊佢佢一定向仔投訴，你到時要冷靜，同你老公講大家都緊張BB，可能99誤會咗，你下次會留意下，你老公一定𡃶晒你

私人傳訊

chunchunk

禁止訪問

積分: 3348

9^#

發表於 12-10-24 10:12 |只看該作者

回覆：終於開始反感....（長）

提示: 作者被禁止或刪除內容自動屏蔽

私人傳訊

mrball99

禁止訪問

積分: 1373

10^#

發表於 12-10-24 10:13 |只看該作者

回覆：終於開始反感....（長）

提示: 作者被禁止或刪除內容自動屏蔽

私人傳訊

tsoi520

男爵府

積分: 6167

11^#

發表於 12-10-24 10:36 |只看該作者

其實我覺得係因為改名的事你對你99印象差咗,
所以之後佢做樣樣嘢你都會覺得有小小唔順眼,
甚至乎佢身上的小小問題, 係你眼中都成為好有問題,
你又會自己諗係佢因為唔鐘意你所以俾說話你聽等等,
其實我好客觀地覺得, 真係你諗多咗喇!!
可能產前產後荷爾蒙都有影響到你諗法, 令你諗"咩"咗.....

事件一
其實改個名真係好少事, 如果你奶奶之前不嬲都對你好,
咁你見到佢為咗個名咁大反應, 其實點解唔就下佢呢??
你話你地係迷信的, 搵人批命改名,
改咗個好名, 奶奶唔迷信唔鐘意, 就話驚影響BB姐....
但個名只係你地自己鐘意, 又唔係特別關風水命理事,
我覺得其實可以讓一步, 當時雖然只係姑仔同奶奶嘈緊,
但你係側邊唔出聲, 咁即係你暗示俾你99聽你唔同意佢...
所以可能係咁, 佢越黎越大反應都未定....

事件二
你生完BB委屈大喊, 你媽媽走去鬧人表姐同姑仔,
你99都冇因為自己個女俾人鬧而太過苛責你,
其實佢真係已經好好架喇....
老人家係鐘意話下人教訓下人,
其實真係唔洗咁在意, 咪當老人家教精自己,
塞錢入自己個袋囉

事件三
呢件事上你99真係衰多口, 無啦啦提EX, 仲係咁讚佢,
但其實你都可以趁機同阿奶奶講番句唔好意思,
以前唔識呢D嘢, 而家會幫手做多D家務,
咁樣可以顯得你大方成熟唔計較囉

樓主, 其實你個POST諗嘢好負面(可能係剛生產完的關係)
多D向正面的方向諗, 咁之後發生係你身上的事,
就唔會成日都HARD FEELING架喇, 加油!!

私人傳訊

貓山公主

伯爵府

積分: 15367

12^#

發表於 12-10-24 11:09 |只看該作者

樓主，首先恭喜你生bb先~

1)我工作環境超乾淨，我不煙不酒不飲凍野，bb出世個肺一樣係花架~~所以佢地點話你你都可以唔使理，加上bb都出左世，仲追究黎做咩﹖:;pppp:
2)你99其實算不錯，只係多口啫！我覺得你係生產前後情緒較差，建議你多休息，有需要時同護士講，因為bb出世你去健康院，有咩心理需要或辛苦，要告訴姑娘，會有專人幫你。

3)而你作為新抱，食飯唔幫手洗碗真係不要得，客氣都要問句啦，大小姐嗎﹖

4)改名唔係你一個人話事，係要接受，你係十月懷胎生出黎，但一家人係要互相尊重，我bb出世都改左好多次，仲要全部親戚點晒頭先俾去攞出世紙，問題係你咁大個人，要識得處理人際關係，可能你覺得99咁做，唔俾面你，但面係人地俾，架係自己丟，唔識得處理呢d問題，你都要檢討一下！
5)你mama真係好鍚你，好愛護你，好體恤你，希望你係產後呢段日子，繼續學習你mama的優點，就係愛護你的bb，加油了！

私人傳訊

LuyiuLady

男爵府

積分: 5982

13^#

發表於 12-10-24 11:29 |只看該作者

我又唔同意新抱去99到食飯要洗碗喎！問題係我老公同姑奶從來唔需要做家務，食飽攤係到等生果食；我未嫁前就會幫媽媽手，有時入埋廚房煮幾味添，依家返娘家都仲係咁！
唔係我懶或者點，問題我唔認為我係新抱就係下人，個個老奉唔做要我做，我都有返工搵錢的，有份俾家用！
99果套思想我唔接受，亦唔介意佢唱我，因為佢呢種人，就算我跪低同佢洗腳，佢都唔會滿意，一定有野佢講既！

點評

Rabbit-horse 老公同姑奶－＞係99既親生仔囡，何況有時洗吓野做少少家務就大家開心，何樂而不為呢～～發表於 12-10-24 11:48

私人傳訊

youzen33

洋房

積分: 41

14^#

發表於 12-10-24 11:48 |只看該作者

LuyiuLady 發表於 12-10-24 11:29
我又唔同意新抱去99到食飯要洗碗喎！問題係我老公同姑奶從來唔需要做家務，食飽攤係到等生果食；我未嫁前就 ...

讚成，雖然我未嫁！自己養個D仔女都未管好，做咩要去管個“半”個女唔幫手？
時代都唔同啦，又唔係唔駛做。

私人傳訊

kktsoi

男爵府

積分: 8213

15^#

發表於 12-10-24 12:02 |只看該作者

回覆 LuyiuLady 的帖子

有時邦吾邦手洗碗真係好個人的事, 無話一定要食完飯邦未來99或99洗碗的, 不過禮貌上, 有問下當然會比問都無問過的更好拉! 試調番轉, 如果你弟婦上去你媽度食飯, 你覺得, 弟婦邦手洗碗令你印象好些, 定問都無問, 執完碗就坐係度, 等你或者你媽去做, 印象好些呢? 有時候, d野無話一吾一定, 而係大家要互相邦忙尊重. 既然買同煮都係人地亞媽做, 甘洗下碗都係分工合作者, 大家都有出些力, 又可以融洽些. 如果一諗就諗住自己係工人先要洗碗, 甘人地d亞媽係咪都係工人, 所以要買埋煮埋俾你地食呢?

希望你第時有機會做人99時, 對於新抱過黎食飯無邦手的事, 也可以樂觀面對, 甘你同你新抱的關係應該都可以幾好的