大仔大女媽媽會 今日: 0 | 主題: 177860

積分: 510

1^#

發表於 06-3-24 00:22 |只看該作者

請問點教bb講野同做動作

我熙熙bb快13個月大,唔識講'媽媽''爸爸',只會講打打打爸爸爸之類的音，唔識企同行，只會扶住企，又唔識做任何動作，如ｂｙｅｂｙｅ，請請等．有咩方法教佢？我ｂｂ學野是否好慢？我真的好擔心！！

私人傳訊

PaulineVin

積分: 716

2^#

發表於 06-3-24 09:44 |只看該作者

Re: 請問點教bb講野同做動作

每個BB既發展都唔同,有快有慢.只要聽覺冇問題(出院之前會check同埋健康院又會double check)就可以幾放心.何況熙熙依家已經識發"打打爸爸"之類既音.一歲來講己經合格,所以真係唔駛擔心.
如果你想佢快D學識多D嘢,一來可以自己教佢多D,二來可以帶佢去上play group或者多D同小朋友玩.即係俾多D stimulation佢.當佢見到其他小朋友做得到,自己都會好想做到,所以就會快D掌握某些聲音或者動作.

私人傳訊

積分: 3297

3^#

發表於 06-3-24 10:58 |只看該作者

Re: 請問點教bb講野同做動作

其實你唔使太擔心

私人傳訊

Ma...Mi

積分: 694

4^#

發表於 06-3-24 23:20 |只看該作者

Re: 請問點教bb講野同做動作

[quote]
FloliMom 寫道:
其實你唔使太擔心

私人傳訊

cheukhei

積分: 510

5^#

發表於 06-3-25 13:43 |只看該作者

Re: 請問點教bb講野同做動作

多謝你們!

私人傳訊

szeszes

水晶宮

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

6^#

發表於 06-3-25 15:23 |只看該作者

Re: 請問點教bb講野同做動作

完全同意佢地既講法, 由其是 Ma...Mi, 因為 Karl仔就係呢類 bb, 平時要佢講野或做一些動作時, 佢就乍聽唔到..... 但係佢突然間會就返出來. 平時, 爺爺在食晚飯後會帶 Karl仔落一落樓下行下, 這幾天潮濕同有微雨, 爺爺唔同佢去街, 只係係屋企抱佢行下, 佢指住對門, 好似講 "去街", 攪到爺爺話, 下...你叫我去街.

私人傳訊

agnesbibi

積分: 3131

7^#

發表於 06-3-26 22:47 |只看該作者

Re: 請問點教bb講野同做動作

有時真係要好有耐性去教bb, 好似vincent 咁, 佢d動作都係睇bb video 學, 而學行, 我地依o個幾月真係花左好多心機. vincent 仔因為係一個大碼b, 所以真係好難控制平均, 佢依家可以行好耐, 不過都係睇心情. 重未識行得好叻, 但已經可以企定定睇電視成分鐘. 我地都鬆左小小氣.

本來佢唔識講野, 12個月都比健康院fail, 要15個月再去. 不過佢依2個星期, 開始講ma.... ah ma..... 有時向住我, 有時唔係, 但佢今日一起身就不斷同daddy 講 dad....dad.... 佢依個月都比左好多驚喜我地. 而且佢o既認知能力比之前強左. 叫佢係本書搵"車車"同"froggie" 佢都會打開示意比我聽.

所以要比d耐心去教佢, 同比d耐性.

*********************************************************************************************************************************************

私人傳訊

該用戶已被刪除

8^#

發表於 06-4-6 10:12 |只看該作者

Re: 請問點教bb講野同做動作

提示: 作者被禁止或刪除內容自動屏蔽

私人傳訊

gillianchan

穜穜一歲網頁-->李的Baby兩歲網頁-李家Baby~

積分: 3489

9^#

發表於 06-4-7 01:17 |只看該作者

Re: 請問點教bb講野同做動作

嗯!BB唔同既發展真係因人而異既,好難同人比較,例如:講野,做動作,行路,高度,体重,頭髮長度咁,個個都有差別,有D BB某方面唔係咁好,做得慢D,但總有D野佢係會叻D,特出D既,比較只會為佢同自己帶來壓力,我覺得只要相信自己同BB做多D,講多D,佢一定會做得到既

咁當自己見住BB努力學習,嘗試,然後成功,真係好開心!好有滿足感架!

好多謝各位媽咪既分享!你地都講得好o岩呀!我學到好多野,希望可以令穜穜~學講野/學做動作會快D喇!

各位可唔可以舉多D例子,你地BB識/可以講到乜野字喇?(因為我想知邊D字,易D發音,BB而家會易D學到講到) 仲有乜動作BB已經做到呢?

我舉D自己教穜穜~既例子喇!穜穜~而家最清楚係肚餓叫'奶奶' & 'mama'(對住我叫), 期餘時間都只係講'星球話'(聽唔明既BB話) 已經可以唔駛扶住企幾分鐘,本來佢好怕跌唔肯自己行,我唔雙手拖住佢,佢就會自己坐係地下,或者一定要扶住傢俬/企埋牆邊黎行.
不過我上個星期三起,日日拖住佢去行街,俾佢捉住我一隻手指黎行,只係3-4日,佢已經可以由街頭行去街尾,間中我會放開手,離開佢3-4步,等佢自己行過黎,當佢成功,我就

話佢叻叻,(我蹲低)攬住再錫下佢,佢就會好開心咁

之後再拖佢行,間中再放手...記住每次都重覆以上讚佢叻叻既動作.

如果佢跌倒就要抱番佢企起身,同佢講:唔緊要,唔痛既!媽媽錫番,我地再黎過喇!...然後拖住佢行幾步,等佢安心D,再放手俾佢自己行幾步.
尼兩日穜穜~已經夠膽自己放手行5-6步喇!行完佢仲會笑笑口望住我,好似想我讚佢叻叻咁,我當然會把握機會讚下佢錫下佢喇!我相信佢行多幾日,就真係識行架喇!

我反而覺得佢學講野難D,因為佢唔肯跟人講野,連學既興趣都冇,只係鐘意自己同自己講野(玩玩具時不停講BB話) 但係佢係七個幾月大,冇人教佢講'mama'佢又識得叫我喎!而且只會對住我先叫,証明佢明白我係'媽媽',之前我好少專登教佢講野,但係每次同佢講野,我都會望住佢,講得慢D,清楚D,重要講2-3次,例如:飲奶時,我會做動作,再講幾次:穜穜~飲奶奶喇!等佢望住我,我再講:係呀!我地飲奶奶喇!...雖然佢冇乜反應,連口都唔肯開,不過有一日,佢離遠見到我拎住支奶,但唔行過去佢度,佢突然大叫'奶奶'呀!'奶奶' ...嘩!我真係好驚喜呀!好開心!之後我走過去問佢:你係咪要飲奶奶呀!佢伸手想拎奶樽又大叫'奶奶'!我就知佢真係識叫&明白'奶奶'既意思,一直到而家佢每餐都會叫'奶奶',尤其係肚餓果時

另外我得閒時會同佢傾下計,做每一樣野之前都同佢講下先,例如:睇書書,睇電視,聽歌歌,食粥粥,飲奶奶,飲水水,行街街,痾臭臭,俾俾...雖然佢唔肯跟住講,但我知道佢識聽,明白各樣野既意思,佢會望住果樣野既方向,或跟住指示去做.
當佢有意識去做/做到,我就會同佢講:係呀!我地睇書書(行街街)喇!好野!(拍手手) 佢聽到就會好開心,跟住拍手.如是者教佢byebye,hello,請請,就算佢唔跟住做,我自己都會好大動作咁對住佢做,得閒就同佢做下,佢間中都會成功既,不過真係急唔黎,因為佢唔係每次都肯做,不過知佢'明白'已經OK喇!或者有一日佢又會俾驚喜我呢!

最開心係有一次我俾佢食餅餅,當佢自己拎住塊餅,我就伸手捉住佢隻手放入我個口,同佢講:俾俾,俾媽媽食丫?...我扮食餅餅,然後放手,俾佢自己再食,到第二塊果時,我又重覆咁講,今次佢已經好'順手'咁,將餅放係我咀邊 ,仲連企係我側邊既婆婆~講都成功!佢識分人物黎俾!之前佢好'為食'架!唔肯同人'分享',所以而家佢肯餵野俾我同婆婆食,真係好開心,好心甜架!

而家希望多D同佢講野,等佢聽多D,自己慢慢肯講喇!最希望佢快D識叫'爸爸'就好喇!因為穜爸爸~呷我醋呀!以為我只教佢叫我做'媽媽'(但其實我冇教佢叫,無端端有一日佢自己叫我) 反而我日日教佢叫'爸爸'佢都唔叫,可能爸爸每日只對住佢2-3個鐘,唔係好'熟識'喇!

私人傳訊

PaulineVin

積分: 716

10^#

發表於 06-4-7 09:51 |只看該作者

Re: 請問點教bb講野同做動作

gillanchan:
好多謝你寫得咁詳細同我地分享你既經驗.
穜穜同我大仔一樣,經過一段由大人幫手"扶離"既階段,即係由大人拖住佢隻手仔周圍行.
我睇過書話小朋友10個月度先至好train佢地行路,如果早過10個月既話,佢地既腳仔未必夠力,所以當瑋瑋七個月開始自己扶住沙發/枱邊行,我就落佐命令話唔可以幫佢或者鼓勵佢行路.所以佢一路自己扶住嘢行,跟住就過渡到自己行.
但煩就煩在依家佢一定要自己行,如果我地想拖住佢隻手仔同佢一齊行,佢就叫鬼晒咁吵,搞到依家出街好麻煩:佢好想落地行,但一放佢落地就好似無尾飛陀咁走佐去;想拖住佢隻手仔佢就同你"

",都唔知點算好 :-( :-( :-( 唔知有冇人可以俾D意見我?
我唔係由早到晚對住瑋瑋,所以都唔知佢最新既發展情況.但佢好似識講:爸/媽/"女麻"/爺/公/哥/姐/燈/花/腳/猫/狗/鴨/得/唔得/波(ball)/mung mung (食嘢)/head
好難講佢識做邊D動作,因為佢同Szeszes既Karl仔一樣,就算識做都未必肯做.除非叫佢哥哥幫手,因為見到哥哥做佢就多數會跟住做.

私人傳訊

積分: 3297

11^#

發表於 06-4-7 09:53 |只看該作者

Re: 請問點教bb講野同做動作

gillianchan：

好多謝你舉例子講得咁具體同明白，相信幫到好多媽咪。

記得淳淳堂姊學講

私人傳訊

nganga

積分: 4749

12^#

發表於 06-4-7 14:59 |只看該作者

Re: 請問點教bb講野同做動作

FloliMom,

你真係講得好啱,寶寶每一分、每一鐘都係學緊野,其實好多人都覺得佢仲細過,可以唔駛點樣教佢,但當你發覺佢可以不其言做返你平時做過ge野,你就會知道佢一路都係學緊,而且仲學得越黎越出色tim!正如晴晴咁樣,唔知係咪見得姐姐抺地多,所以佢會係櫃桶摷條手巾出黎,抺地、抺梳化;佢亦都會明白我地所講ge野,例如：晴晴你睇唔睇電視丫?佢就會即係走去攞個搖控俾我,叫我開電視,其實仲有好多好多

所以我地需要做一個好榜樣俾佢地睇到,身教勝於一切!!!!

私人傳訊

szeszes

水晶宮

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

13^#

發表於 06-4-8 00:51 |只看該作者

Re: 請問點教bb講野同做動作

PaulineVin:
如果 BB 剛剛識行時, 佢就真係唔會比人拖佢行既.

我 D 姨甥及侄仔, 個個都係一樣. 以前, 我同我家姐佢地會嚇 BB, 等佢知道唔拖手出街, 會隨時唔見左 D 家人; 如是者, 即係嚇左幾次, 佢地就一出門口就要拖人行啦.

方法:
第一, 先要找一個非常安全既地方

然後, 比 BB 自己行, 我地就用越隔越遠既方法

之後, 就全部人在 BB 不知情之下, 躲起來, 當然會在 BB 不易發現既位置來觀察他, 看看他的反應, 如真的嚇到他的話, 便會上前同 BB 講, 唔拖手手行街的話, 會唔見左 mami 等等, 讓他知道唔拖手行既後果

以上既方法, 就真係因人而異

因為我有一個細姨甥女, 當時約歲半大 (而家都有23歲大), 在使用這方法時, 她局然在家裡樓下既公園, 自行步行10分鐘路程回屋企樓下大堂 (我地當然一直在她背後跟著她). 這個姨甥女是較大膽的一個, 常常在 "百貨公司"既廣播中聽到服務台人員講: "各位顧客請注意, 有一位身穿 "什麼"顏色衣服, 年齡將2歲大既小妹妹, 在幾多樓既服務台等緊佢既父母".... 果時, 我家姐同姐夫真係好尷尬, 成日都比人笑佢地, 行街行到唔見左自己女女.

私人傳訊

peBB

民房

積分: 42

14^#

發表於 06-4-15 21:36 |只看該作者

Re: 請問點教bb講野同做動作

Dear all,

I am new to this website, but I also would like to share how to teach our children to talk. Music is very good. I started giving my child music when he was three months old. I also sang along with him. It is very relaxing to both of us. Even now, I will also sing with him and have some fun.

Dear all, I am new to this website and would like to meet friends like you to share the happiness and unhappiness of raising kids. peBB

私人傳訊

gillianchan

穜穜一歲網頁-->李的Baby兩歲網頁-李家Baby~

積分: 3489

15^#

發表於 06-4-20 22:51 |只看該作者

Re: 請問點教bb講野同做動作

PaulineVin~ & FloliMom~

你地太客氣喇!我都係寫下自己同穜穜~既經歷同你地分享下o者!都幫唔到大家D乜.因為穜穜~實在太唔合作喇!完全唔肯跟我地學講野,佢真係一D興趣都冇,點都唔肯講野,而家連媽媽都好少叫 :cry: 只係肚餓時大聲叫'奶奶',其餘時間只講BB話,所以你地既BB真係好叻呀!識講咁多野

穜穜~平時都會自己行來行去,不過佢通常都係o係屋企/鋪頭來回兩邊牆咁行,好少自己行到好遠,出街都會乖乖拖住我同爸爸~可能佢對唔熟既地方仲有D驚,怕跌,唔敢自己行開. 不過再遲D就唔知佢會唔會'偷走'喇?

瑋瑋已經識發: 爸/媽/"女麻"/爺/公/哥/姐/燈/花/腳/猫/狗/鴨/得/唔得/波(ball)/mung mung (食嘢)/head...尼D音真係好叻喎!唔知係咪有哥哥陪佢傾計真係會好D既呢?

穜穜~而家最叻就係聽指示,同學大人做野,有時我地冇教佢,佢只見過我地做一次.佢就會自己識做,例如開柜門,柜桶,樽蓋,盒蓋,拉門,推門,砌積木,按玩具制,打電話...佢仲識聽指示,行去取物件,交俾公公,婆婆,我或爸爸

FloliMom~
我都覺得我地同BB應該講番'正確'既詞語,例如:茶杯,車仔咁,不過如果要教佢地講果樣野,真係教疊字容易D架!睇書講架!因為BB未識講2個唔同字既詞語,佢地會覺得好難,所以教疊字佢會覺得易講D,得意D,咁就會肯跟住講囉!(不過穜穜~對單字,疊字同詞語都冇興趣講

私人傳訊

Ma...Mi

積分: 694

16^#

發表於 06-4-20 23:54 |只看該作者

Re: 請問點教bb講野同做動作

gillianchan 寫道:

我都覺得我地同BB應該講番'正確'既詞語,例如:茶杯,車仔咁,不過如果要教佢地講果樣野,真係教疊字容易D架!睇書講架!因為BB未識講2個唔同字既詞語,佢地會覺得好難,所以教疊字佢會覺得易講D,得意D,咁就會肯跟住講囉!(不過穜穜~對單字,疊字同詞語都冇興趣講

gillianchan,

Yes! 如果要教佢地講果樣野,真係教疊字容易D架!(like Mama, Papa, Wow-wow)

However, you can still teach your bb "adult words"! Just like my bb girl, when she is 10 months old, she can say "Apple" (Ap-ple 2 sound very clearly) and "Baby (Ba-by 2 sounds clearly)!! And now she will try to say 2 or 3 sounds similar to what we just said (to mime adults e.g. open, butterfly )!!

Yes! you're right -- BB can 聽指示,同學大人做野 -- my 芊芊 can learn to do "twinkle twinkle" (moving fingers above her hand) just the 1st time we show her

and she can "俾"toys to us when we instruct her to do so (of course when she is in good temper la

)

私人傳訊

積分: 3297

17^#

發表於 06-4-21 09:04 |只看該作者

Re: 請問點教bb講野同做動作

gillianchan 寫道:
FloliMom~
我都覺得我地同BB應該講番'正確'既詞語,例如:茶杯,車仔咁,不過如果要教佢地講果樣野,真係教疊字容易D架!睇書講架!因為BB未識講2個唔同字既詞語,佢地會覺得好難,所以教疊字佢會覺得易講D,得意D,咁就會肯跟住講囉!(不過穜穜~對單字,疊字同詞語都冇興趣講

係呀，你講得

私人傳訊

nganga

積分: 4749

18^#

發表於 06-4-21 11:14 |只看該作者

Re: 請問點教bb講野同做動作

FloliMom,

你終於泡頭la!我想問你一d野ar!

我之前知道淳貴人參加咗協康會ge playgroup,原來我附近都有一間舉辦,但因為冇乜人知道,所以唔需要排隊等位,而家佢地會6月份有班開,但就得平日,所以而家心大心細唔知報唔報好,咁你覺得值唔值得參加la?另外,如果只係我99湊佢去,我99應唔應付到呢?同埋佢地一班就係playgroup形式,另一班就係exploration of toddlers,其實兩者有何分別呢?

thx!!

私人傳訊

積分: 3297

19^#

發表於 06-4-21 15:47 |只看該作者

Re: 請問點教bb講野同做動作

nganga：

想搵我唔使等我泡頭

私人傳訊

PaulineVin