吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 返工已經好攰,但我寧願OT都唔想放工返屋企對住你呀!!!( ...

婆媳關係今日: 0|主題: 27778

收藏本版

發帖

返回列表

跳至頁

查看: 2082 | 回覆: 13

返工已經好攰,但我寧願OT都唔想放工返屋企對住你呀!!!(好長) ... [複製鏈接]

友子蜜

男爵府

積分: 6261

畀面勳章 BK Milk勳章

1^#

發表於 12-11-2 01:30 |只看該作者 |倒序瀏覽 |打印

本帖最後由友子蜜於 12-11-2 02:10 編輯

各位咪誤會,唔想對住個人係我阿媽,唔係未來99......

因為就黎結婚,之前又懶,而家樣樣迫到埋身,日日都唔得閒.
好唔容易安排好一樣又一樣,PLAN好哂點做點做,
結果唔係未來99走黎找我麻煩,而係我阿媽囉.

事件一:
未來99有少少迷信,搵人算咗時辰,咁我覺得其實佢高興我無所謂,
但結果算咗入門時間係朝早9點前,咁都算咗, 我未來99梗係想跟,
但我媽咪一聽到就好大反應,又話咁早嫁女好鬼祟,又話出門要拜神,又話好多親戚要"針"茶,
接咗新娘起計要再俾多二個半鐘佢先可以出門,
我明,9點前要入門係早咗D,但你都唔駛二個半鐘先出得門掛.
我做咁多次姐妹,真係冇見過人拜神,最多都係上下香,但前提係如果屋企有裝祖先,
但問題我屋企冇囉.
結果我夾係中間,我阿媽話我好幫我未來99,順佢意9點前入門,
大佬呀,我夠唔想啦,我咪諗緊辦法說服我未來99囉,
但你要求二個半鐘真係離譜嘛.
你要求二個半鐘,咁我話真係唔夠時間咪叫D親戚夜晚酒店先飲囉,
媽咪話佢控制唔到人地黎睇我出門喎,人地黎到咁俾面就要俾茶人飲.
咁你堅持兩個半鐘,咁一日有幾個鐘呀,早出門又話鬼祟,咁遲我係咪唔駛註冊呀.
結果佢日日係到哦我,我頂唔順,氹掂未來99就自己時間,唔好理個時辰,
佢最後聽我分析知我難做,就話結婚都係想你地開心,俾番我地話事.
但我仲未講掂我媽咪個兩個半鐘.....

事件二:
媽咪最近退休,日日煲劇,仲日日上淘寶選衫.
但其實我由頭到尾都係諗住租就算,因為我一早答應咗我未來99要公平,
我媽咪有乜,我都一定會俾乜我未來99,為咗費事煩同埋反正D衫咁誇都唔會番著嘛.
但佢就日日洗我腦,話租同買都係咁價錢,佢想買.
咁OK啦,我鐘意就算.

咁我同未來99去試衫,叫埋佢去,佢一路睇就一路話人地係淘寶貨,
又話唔鐘意人地D款,結果只係選咗一件,咁OK,你堅持想淘咪淘囉.
之但係,第二日佢就跟咗隔離屋又係嫁女既師奶去睇衫,
仲即時租咗一件,我點睇都覺得係同我個間D衫款差唔多既衫,
仲要貴咗一截.
其實,都唔係錢個問題,之但係點解你唔可以尊重下我,
係租之前打個電話黎係咁2問下我先呢?
家下你個女係咪唔理你先,搞到要痴人地個PLAN先租到衫先???
你明知我答應咗我未來99要公平,咁你而家係咪擺我上枱先.
求神保佑我未來99唔知真相啦,唔係我仲煩.

事件三:
我搵咗個朋友幫我媽咪姐妹同未來99化粧,
咁我個朋友都係業餘接下結婚化粧做下,
咁我覺得化媽咪姐妹粧呢D技術要求都唔太高,
而我又覺得我朋友都OK, 咁諗住有熟人幫手會穩陣D嘛,
咪搵佢囉,點知有日我媽咪問起,
佢就話我好搵我朋友,又話我俾得錢個朋友化,
點解唔出去搵???(其實我真係唔明,有熟人唔搵,點解係要搵外人)
咁我問佢係咪唔滿意,佢就好差態度咁講話"都唔到我話事架啦,你鐘意點就點啦"

你係真心講就最好啦,但結果係又黑我幾日面,講野句句有骨落地咁.
然後今日又係資會式咁話,總之我唔會俾你朋友化,一係你出去搵過個,你唔搵就D早話我知我自己搵.

事件四:
最近真係好忙, 一來近年尾好多人結婚,變相聚會都多咗(要派帖嘛).

二來轉咗新工,好多野都要跟,最近公司同事又唔知咩事,
唔係屋企有人入咗院,就話失戀,時不時就請假,
就算人係到心都唔知飄咗去邊.
咁但係人地屋企咁,做上司都要體諒下,
唯有接埋佢地既野做,俾D SUPPORT佢地啦.
結果日日都忙到半死.朝早幫佢地接手,OT先可以清番自己個部份工作.

三來,自己都搞結婚,大家都知有幾多野搞,
媽咪你仲要成日五時花六時變,
一時過大禮又話包羅萬有大利是搞掂,
之後又聽呀A師奶話要呢樣,一時又話B師奶話要個樣......
咁咩叫包羅萬有大利是呀??
我真係讀得書少,點都諗唔明囉.改都算,你可唔可以一次過改,唔好我改完又話唔係咁,又改

咁我忙唔返黎食飯姐,有乜問題先????
點解你可以諗到我日日去咗男家既呢??
又話我當屋企係酒店,大佬呀,我晚晚返黎瞓架,係你唔想見我咋.
好啦,既然你咁講都係想我返黎食姐,咁我OT完捱住餓都堅持返黎食,
結果呢,係有留飯,不過全部都係凍冰冰既.
咁算點呢????

我返黎你又黑口黑面,特登唔理我,
一係一開口就俾說話我聽.
唉,你究竟想我點????

事件五:
有一日一返到屋企,媽咪就話隔離師奶嫁完女,
可以借D茶杯同傘俾我,
咁我個下又灰咗啦,因為我一早已經話問人借,
但我未來99就話D野咁平咪慳,
然後我返去同我媽咪呻,
點知我媽咪就認同我未來99既說話,
仲話呢D係嫁妝,唔慳得.

但而家呢????
咁我就答咗句,"又話呢D係嫁妝,唔慳得."
之後就出事喇,
佢話佢冇講過,係我未來99講,而我而家就係度屈佢.
我真係啞咗囉, 神又佢鬼又佢.
跟住就發哂脾四話唔再理我D野喎,
希望係真啦.

唉,而家放工返屋企,一係就特登唔理我唔同我講野,一係就全部有骨落地.
日日黑口黑面對住我.我仲有幾個月都嫁啦,
點解你唔珍惜最後一齊生活既時間,
你係咪要迫到我提早搬走先開心??
你黑面俾說話我聽令我傷心難過你係咪真係會高興??

我真係冇哂你辦法,你嬴啦,我投降啦,
你可唔可以變返我以前個媽咪呀,
我都想同你分享我籌備婚禮既苦與樂架.
唔好再將我往外推得唔得??

0 1 0

私人傳訊

cky34979

伯爵府

積分: 15838

育兒性格勳章畀面勳章

2^#

發表於 12-11-2 01:51 |只看該作者

好恐怖！！！

女人心

私人傳訊

jordanchu23

大宅

積分: 1978

3^#

發表於 12-11-2 02:09 |只看該作者

回覆：返工已經好攰,但我寧願OT都唔想放工返屋企對住你呀!!!(好長)

我結婚果陣我吖媽比你吖媽難搞10倍！我買媽媽衫比距，叫距去試，距就話唔洗著，著普通衫就得！擺酒當日，我係酒店出嫁，吖媽都係酒店，我地6時恭候8時入席，但係我吖媽情願係酒店房等到7點幾先出現，10點幾就翻酒店房，我吖媽冇迎賓冇敬酒冇送客，就連影相都係完全唔笑！我都投曬降咯

！樓主算喇，結婚係開心事，忘記唔開新噶野喇！

私人傳訊

RockMusicLover

男爵府

積分: 6081

4^#

發表於 12-11-2 03:01 |只看該作者

引用：各位咪誤會,唔想對住個人係我阿媽,唔係未

原帖由 友子蜜 於 12-11-02 發表
本帖最後由友子蜜於 12-11-2 02:10 編輯

各位咪誤會,唔想對住個人係我阿媽,唔係未來99......

其實我嫁之前我媽都有d古怪表現。本來佢都好易話為，但有幾個例子係完全意想不到佢會咁講的。(1) 我臨嫁果陣係年尾特別忙，已成日ot. 婚前兩星期仲要出trip去北京。佢見親我ot就黑面，又好話我臨嫁都吾痴家。去北京仲大鑊，猛話我貪免費旅遊。但我果陣一年去成十幾次trip.要貪免費旅行都不會土北京囉，而且每天都是酒店公司酒店，做到pk佢仲發我火。(2) 佢諗女家親友個guest list 時突然發火，話 “最憎你d人擺酒咖啦！！要我諗咁多野，又要人破費！你地自己註冊咪算囉！“ 但佢從來都好鐘意我c6，好想我嫁得好好地的。細佬結婚果陣都無話不喜歡擺酒。 (3) 同佢去揀我件裙袴之前，佢話裙袴好緊要，一定要揀得好好睇睇，同埋一定要女家俾錢因為以前是當嫁妝的。點知去揀果日佢又心情欠佳，問佢什麼都沒反應，件件都話不好，但已經是在冠xx睇了。其他間間都不會太大分別囉，結果我都是沒理佢揀了件佢沒太大反應的算了。後來我揀婚紗都不敢叫她去了。。。。。。後尾老豆話我知，其實佢搞咁多野，成日發脾四，原來是吾捨得我嫁

我出嫁果日針茶俾佢果陣佢喊到收吾到聲。喊到我d姊妹都喊埋一份。。。

私人傳訊

zhouzhouBB

伯爵府

積分: 18547

5^#

發表於 12-11-2 08:59 |只看該作者

回覆：返工已經好攰,但我寧願OT都唔想放工返屋企對住你呀!!!(好長)

你媽係米第一次嫁女，如果係就多數會煩架喇，唔好太勞氣，免得影響心情！

私人傳訊

wingwong1102

大宅

積分: 4007

6^#

發表於 12-11-2 10:18 |只看該作者

回覆：返工已經好攰,但我寧願OT都唔想放工返屋企對住你呀!!!(好長)

講開又講，我媽咪喺我臨結婚嗰陣又係轉左性咁，係咁玩野同俾麻煩我喎，平時佢好尊重我既意見架

私人傳訊

kktsoi

男爵府

積分: 8213

7^#

發表於 12-11-2 10:49 |只看該作者

私人傳訊

hoiching0516

男爵府

積分: 7561

陪月勳章

8^#

發表於 12-11-2 11:29 |只看該作者

哈哈, 我臨嫁之前我媽又係突然間好異常

之前就話乜野都冇所謂, 點知當婚期愈近就愈多要求, 淨係件媽媽衫, 同佢試左好多件, 其實都唔差架, 只係佢既"fashion sense"話佢知o的衫唔岩佢style, 要自己車自己造一件, 當然少左好多花巧, 但太pain, anyway佢鍾意就冇所謂, 但又話個化妝姐姐化得佢唔好睇, 總之真係好無奈

一時又話禮金幾多都冇所謂, 但一時又話要幾多幾多, 話唔想好似嫁左個女就咩野都冇晒咁... 我聽完都O左咀, 最後佢都袋左我一部份人情, 俾左佢就算, 等佢開心下, 雖然當時我都好等錢用...

不過算啦, 過左去, 其實結婚真係一件好開心既事, 呢o的只不過係過程中既一o的鎖碎既事, 加油!!

私人傳訊

Phoebe_snufkin

公爵府

積分: 25021

hashtag影視迷勳章 BK Milk勳章

9^#

發表於 12-11-2 12:15 |只看該作者

不過你結婚當日搵人睇住你媽好d, 如果唔係爆料俾你99知或者又唔知你媽到時又攪咩花款就煩啦

私人傳訊

gracechanbb

大宅

積分: 4712

10^#

發表於 12-11-4 17:56 |只看該作者

體諒下佢學jm話齋可能真係唔捨得！

我已經說話唔避忌！點解生活仲係咁乏味？

私人傳訊

^Vivi^

大宅

積分: 3535

11^#

發表於 12-11-5 01:24 |只看該作者

回覆：返工已經好攰,但我寧願OT都唔想放工返屋企對住你呀!!!(好長)

點解自己媽咪都唔體諒下個女？樓主好慘呀。其實奶奶想好時辰過門都係為你好；好明顯你媽咪呷醋，覺得你聽晒奶奶話。

樓主鄧你辛苦對住個咁既媽咪

私人傳訊

Nicolechim

男爵府

積分: 5910

畀面勳章 BK Milk勳章 hashtag影視迷勳章

12^#

發表於 12-11-5 01:57 |只看該作者

樓主你結婚D問題我結婚都有遇過，但已經過去了，反而你就99亦同我一樣，不過我要借你個標題一用：返工已經好攰，但我寧願O丅都唔想放工返屋企對住你啊99！樓主結完婚同99住過再生埋小朋友，你就會分到阿媽同99的分別（遇到好99=遇到衰阿媽的機會應該差唔好）

從未適應這份工

私人傳訊

sfmeow

珍珠宮

積分: 49429

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

13^#

發表於 12-11-5 19:56 |只看該作者

引用：+本帖最後由+友子蜜+於+12-11-2+02:10+編輯

原帖由 友子蜜 於 12-11-02 發表
本帖最後由友子蜜於 12-11-2 02:10 編輯

各位咪誤會,唔想對住個人係我阿媽,唔係未來99......

傻豬，茶杯呀遮果D，妳向媽咪話：（有朋友話係結婚禮物送左畀我喇!）咁咪避過左唔駛借隔黎屋既囉~ 我媽咪都係自己出去租左衫，我讚：（好呀! 妳中意就好! 畀地址同單我去拎）又ok 喇~ 結婚係開心事，睇開D，以和為貴。預兩個半鐘斟茶好架，結婚好易over run , 時間預多好過預少，一世人一次，多D時間喺女家影相都好啦! 係咪?