同意樓上所講
如果我7歲, 阿媽仲提我飲水, 我都會同佢講: "唔記得"
問題, 根本唔係唔記得, 而係: 媽咪, 你好煩!
不過, 我又唔敢衝撞媽咪, 因為我骨子裡, 都仲係喜歡媽咪, 都係想佢開心, 唯有話: 唔記得! 其實媽媽有無尊重過, 我已經係7歲, 想飲水自然會去飲, 根本唔需要提?
做功課要小心? 咩野叫小心呢? 點先算係小心呢? 其實我已經小心, 不過都係錯, 點算呢?
媽媽, 請示範一次, 我應該點做?
不過, 當媽媽話我唔小心, 我又有咩法子反駁, 唯有話自己唔記得喇, 最少"唔記得"唔係大錯, 媽媽似乎只係唔喜歡我唔小心
咁我真係鐘意支筆, 媽媽, 唔通你無鐘意O既野? 鐘意到, 連佢唔夠好, 你都一樣鐘意, 唔夠好, 都唔介意...例如: 我?
媽媽, 你同我睇故事, 係想我"學習", 定係同你一齊, 有D開開心心O既時間, 點解連O係屋企, 我都要面對你O既"考試"?
我唔知樓主小朋友O係唔係咁唸, 不過, 代入佢O既想法同年齡, 其實我覺得小朋友好辛苦, 但唔想惹媽媽唔開心, 唯有咩都推說:唔記得
如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉
發表於 
用咩方法對付佢
用左十五分鐘同佢溫生字，三生字，都吾識丫！
返回列表
