, 舊工人因為結婚所以唔續約, 佢原本想做到10月中左右, 我去左一間朋友介紹既agent到搵新工人, 咁我揀到個香港做過四年既海外印, 7月19日去左agent到簽約, 因為朋友用過同埋仲有成三個月, 咁我就冇打過去催, 點知佢九月底打比我話要跟新工資喎, 我話冇問題, 咁幾時會到吖, 佢竟然答我12月中
, 我話有冇搞錯, 佢話因為印尼新年同埋政府hold左兩個月唔批工人, 所以而家先可以搞手續, 我當時好怒, 你唔早同我講, 但我仲要靠佢又唔想嘈到反面, 佢叫我試吓搵其他agent有冇本地既印印, 你身為agent仲叫我搵其他agent, 有冇搞錯呀!!!最後唯有叫佢繼續搞手續, 而我就搵吓有冇完約既印, 好彩我哥既工人介紹左個11月10日完約既比我, 見過面都覺得ok, 咁又開始搞手續, 因為想有個backup, 所以冇stop海外嗰個. 之後舊工人走左, 我要請個鐘點頂住先, 點知11月頭收到入境處電話話我申請既工人有問題, 唔會批比我, 真係嚇死我, 我話冇理由架, 香港完約又有人介紹都有問題, 講講吓先知係海外嗰個有問題, 佢話係刑事, 可能係偷野啦, 收左線後, 我即刻打比agent, 嘈佢仲咩咁都介紹比我
, 要佢比返哂agent fee比我添, 佢都自己知自己事, 過兩日退返哂啲錢比我, 好彩我冇一早stop佢, 唔係就冇左呢筆意外之財. 工人已經黎左幾日, 暫時都ok, 只係要比個囡適應吓個新姐姐.
發表於 
返回列表
