婆媳關係今日: 0|主題: 27778

收藏本版

發帖

返回列表

跳至頁

查看: 10138 | 回覆: 150

12 3 4 5...8

積分: 7839

1^#

發表於 12-6-14 22:25 |只看該作者 |倒序瀏覽 |打印

本帖最後由 joechan1999 於 12-6-15 10:30 編輯

上文提到我發現自己有左而4磅仔又出左世, 99又開始佢湊4磅仔既生涯. 次次返去食飯呢99都會呻既. 講4磅仔好好湊. 不過無賴哥冇錢俾. 奶粉錢又冇, 尿片錢又冇. 個仔病又冇俾錢同4磅仔睇. 星期六日4磅仔又唔係跟自找嫂, 因為自找嫂拎返外家俾媽咪湊. 呢下真係激到99死. 因為99當個孫係寶, 日日鍚, 日日抱, 孭都唔捨得. 點知自找嫂都唔當個仔係寶之餘仲要唔湊. 當時我個心真係好涼. 終於都有人搞得掂你囉99.

又過左幾個月, 我記得4磅仔都有3/4個月既時候, 當時係7/8月到. 因為我個女快幼兒園畢業, 甘當時我都有左3個月到啦. 為左暑假有人湊個女, 我地提早左請工人. 再者都要俾工人熟下屋企環境仲有就係好多BB野要執返出來洗. 甘有一晚又一家人返99屋企食飯啦. 甘99未見過工人, 甘叫我地同埋工人返去睇下佢識唔識做野啦....唉都算, 返去幫下啦叫姐姐洗下碗, 唔駛99甘辛苦, 始終佢都老又湊個BB, 真係唔同工人返去好過返.

係開飯個陣. 無賴哥同99講, 佢屋企個業主呢要搵人上無賴哥屋企整D水喉既野. 因為個業主一定要日頭, 甘無賴哥呢叫99過去佢屋企開門俾業主. 甘99就話好耐都冇去剪髮. 如果可以就係無賴哥樓下既髮型屋到剪, 因為平. 不過都唔可以啦. 因為湊埋4磅仔過去無賴哥屋企.甘無賴哥就將個頭向上提一下同時講左句:叫佢湊住4磅仔咪得囉. 甘99就話喇:　你老婆唔駛返工咩。唔駛返工仲叫我過去你度。點知無賴哥講：唔係我老婆呀，係佢呀，叫佢係髮型屋抱住４磅仔睇住你剪咪ｏｋ囉。大家估唔估佢個＂佢＂邊個，　係。。。。。佢係我工人！！！我個下真係忍冇可忍。我就話：甘我個女去邊。我屋企ｄ野邊個做。大家當時冇人出聲。大家都係望住ｃ６，好似想佢出聲話我甘。好可惜，ｃ６冇出聲，無賴哥見冇人出聲，佢就發難起身拍枱講：我唔會同ｄ甘ｘ自私既人一起食飯。甘ｘ仆ｘ計較既人唔好同我一起走。跟住無賴哥就起身走，而自找嫂就起勢甘追左出去。　　

當然飯就一定要食。食完後返到屋企ｃ６都同我講，　無賴哥係唔岩，不過我係甘多人面前落佢面係唔岩既。不過ｃ６係企係我個邊既。佢都知佢大佬衰。我都發癲呀個下。我話我生左個女係唔係我錯。係唔係生女就要俾人蝦。生仔就大晒。我為左ｃ６先甘委屈左甘多年。咩都就晒佢屋企，就係唔想ｃ６難做。而家俾人蝦到上心口。仲用埋我工人，而家係唔係當我死。錢唔還都算。而家甘叫點。駛唔駛我個女都要服待埋佢一家３口。我唔出聲真係咩都玩啦。我同ｃ６講由個一刻開始我為個女為左個家，我咩都做我出。叫佢地唔好惹我。無賴哥係大仔，我係我屋企都係大女，我都唔受人閒氣。我唔會再叫佢一聲無賴哥。ｃ６係甘叫我冷靜，有大有細。唔好甘激動。ｃ６話佢知我受左好多苦。初時以為９９係俾個下馬威我呢個初歸新抱，點知９９偏心成甘。所以ｃ６唔會再俾９９亂黎。個下我真係喊到傻左。因為ｃ６終於都面對到佢呀媽偏心呢會事。

如果想知道故事既發展，請留個言支持下丫。ｔｈａｎｋｓ！！