被人整古呀
話說屋企電話有雜音已經成個禮拜, 咁打去和記叫佢搵人CHECK啦, 咁都好正常丫. 原本約左星期三晚上六至八, 點知六點打黎話要遲一日, 星期四六至八;星期四下午打黎又話唔關佢地事, 佢地同PCCW租線的, 要P黎搞, 又要再約星期五.
咁我老公打去HOTLINE嘈啦, HOTLINE接電話條女態度好差, 一時話係咩, 一時話唔知, 一時又話唔關佢地事...
我老公咪嬲囉, 叫佢轉線比經理聽, 條女話轉啦... 等左一陣話經理開緊會, 要開幾個鐘頭. 我老公堅持要搵經理, 佢又扮轉線, 之後再聽返電話, 條女係度扮聲, 博我老公唔認得把聲. 我老公咪問返佢, 你係咪一直同佢講緊個張小姐, 佢話咩... 比人鬧多幾鬧先至認自己係張小姐...
之後條女話幫佢搵負責技術個邊同事聽, 聽完一輪之後 (總之就九唔搭八啦), 話我地大廈管理處唔開門比佢地整 (但係我住村屋架), 你咁講當然比我老公插死佢啦, 是旦搵個大話黎講... 
最後終於搵到個似人的物體講電話, 話今日會派人黎睇喎. 咁都算啦.
點知.... 夜晚12:00屋企電話響, 扲起左即刻玩斷線個隻. 我地不嬲無比屋企電話人架, 咁可想而知咩事啦.......
全職/全母乳媽媽大仔在8/8/2004出世了! 3.02KGS細仔在23/2/2007出世! 23/2/07 2.84KGS 26/2/07 2.81KGS 08/3/07 3.12KGS 24/3/07 3.79KGS 23/4/07 4.77KGS 25/6/07 6.67KGS 25/8/07 7.73KGS
發表於 
返回列表
