夫婦情感 今日: 1 | 主題: 42779

積分: 30295

1^#

發表於 06-6-13 15:50 |只看該作者

有冇人諗過搬去第2個國家度住黎避開99?

我就有勒!!
所以我成日聳容我老公去讀埋個博士架~~
因為佢果科香港冇得讀(佢個doctor唔收佢喎), 要讀就一定要去外國, 所以我成日聳容佢去考架~~ 哇卡卡卡!!

拿, 我幫佢度過架啦, 去外國讀博士, 通常都會有返d助教之類既野做, 佢個同學之前都去左讀, 人工夠比學費之餘仲有剩要黎做生活費, 夠我地2個人使架啦!

我一諗到可以離開99 3~5年, 真係成個人情緒高漲呀~~~

不過我老公又話, 要比3幾年時間佢溫返晒d書先去可以去考喎..... 都好, 比個希望比自己都好丫~~~

(唔係發夢, 我真係諗左好耐架.....)

可想而之我真係比隻極品嚇驚左!!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

mannc

積分: 6673

好媽媽勳章

2^#

發表於 06-6-13 18:46 |只看該作者

Re: 有冇人諗過搬去第2個國家度住黎避開99?

冇諗過, 因為 1.我家人係香港, 2. 唔需要因為99搬去第二個國家住, 3. 冇$

除非為左個細, 我就會考慮!

私人傳訊

onon1022

子爵府

積分: 12600

好媽媽勳章

3^#

發表於 06-6-13 18:53 |只看該作者

Re: 有冇人諗過搬去第2個國家度住黎避開99?

如果有錢...或者會考慮...不過如果去其他國家生活...又要從新適應...都幾麻煩...

[url=http://lilypie.com][img]

私人傳訊

54heima

水晶宮

積分: 55644

4^#

發表於 06-6-13 23:54 |只看該作者

Re: 有冇人諗過搬去第2個國家度住黎避開99?

避唔到，因為99得我老公一個仔。。。我99雖然煩D，但都識的關心人，唔系甘難頂

少奶奶的身份，丫頭的命...

私人傳訊

積分: 6770

5^#

發表於 06-6-14 00:12 |只看該作者

Re: 有冇人諗過搬去第2個國家度住黎避開99?

唔洗咁嚴重呀

但你3-5年後始終都要返來,除非公司
幫你地移民,或者你趁陪老公讀博士時生個BB,咁就係最
快捷可以以後都唔洗返既移民方法.

私人傳訊

積分: 30295

6^#

發表於 06-6-14 12:17 |只看該作者

Re: 有冇人諗過搬去第2個國家度住黎避開99?

野蠻仔,
哈哈, 我都有諗過架, 去到果面生個b, 然後話果面教育好d, 咁就一去冇回頭, 最多放假返黎探下親, 又飛過!!

其實我係咁諗, 如果可以離開佢3~5年, 咁返黎之後可以順便買過層樓, 咁根手搬埋入去, 哇~ 簡直係very good呀!!!

(後面果段就真係發緊夢啦.....)

私人傳訊

積分: 6770

7^#

發表於 06-6-14 15:09 |只看該作者

Re: 有冇人諗過搬去第2個國家度住黎避開99?

小寶貝兒到你出去住357年,就唔會返來買樓咁on居架
啦

私人傳訊

積分: 30295

8^#

發表於 06-6-14 15:24 |只看該作者

Re: 有冇人諗過搬去第2個國家度住黎避開99?

希, 你唔知架啦, 我老公話佢最鐘意香港, 同我去外國住下就得, 定居就咪搞!!
所以就算出左去357年, 最後咪又係要返黎香港.....
所以我先發夢話如果返到黎可以買過第2度就好啦......

其實諗返現實d, 我真係好想搬去我阿媽度住架, 返正咁多吉房, 又可以唔使自己煮^^(我婆婆煮!! 哈哈, 因為我媽咪話唔想煮, 去婆婆度搭伙, 晚晚都係食完飯先返屋企, 我老豆仲勁, 住埋係婆婆度, 當正係自己阿媽一樣!!)
仲可以多d陪我公公婆婆呀, 幾正呀!! (我細個有一半時間係婆婆湊我架~~)

最衰我隻佬唔肯!! 如果我有左, 我就點都會返去, 因為呢度實在太大壓力啦!!

私人傳訊

積分: 6770

9^#

發表於 06-6-14 19:56 |只看該作者

Re: 有冇人諗過搬去第2個國家度住黎避開99?

小寶貝兒你係咪好年輕? :-P
你諗下如果你跟埋你阿媽去你婆婆度搭伙婆婆會唔會好
吃力架?我同阿媽住架但我咩都食自己,要睇面色,要比人
針對,要交水電,其實你都唔係好大壓力啫起碼有屋企人鍚
,老公又上進,我就無99係身邊所以一直都係一腳踢照顧
老公,自己同BB,你99有咩唔好呀?

私人傳訊

1928mickey

寶石宮

積分: 415537

2018父親節勳章 2018母親節勳章 2018復活節勳章 15週年勳章親子王國15週年勳章畀面勳章 BK猜猜猜慶中秋 BK Milk勳章 hashtag影視迷勳章最關心BB問題熱投勳章美好大世界2017勳章開心吸收勳章

10^#

發表於 06-6-14 21:55 |只看該作者

Re: 有冇人諗過搬去第2個國家度住黎避開99?

我想換去另外國家住
但不是避99

私人傳訊

積分: 30295

11^#

發表於 06-6-15 13:47 |只看該作者

Re: 有冇人諗過搬去第2個國家度住黎避開99?

野蠻仔,
我岩岩26歲囉, 算唔算後生呀???
我婆婆應該唔會好吃力既, 因為佢成日都煮十幾廿人既飯, 不過如果我係度住, 我會幫手做家務架~~
之前我都有話過不如請個賓賓幫下婆婆手啦, 但係婆婆話唔使, 佢話人老左就更要做多d野, 如果搵人服侍, 就仲香得快d添呀~~
丫~~ 我屋企人又唔會比面色我睇架喎, 佢地都不知幾想我住近d添呀, 我婆婆成日叫我不如買返附近, 等佢可以煲多d湯比我飲~~ 而家一星期我都會去食一次飯, 而且次次佢都會煲定d花膠湯比我飲架~~ 你都知煲花膠幾麻煩架啦, 但係我話鐘意飲, 佢就個個星期都煲啦~~ 真係好鍚我架, 所以我先想搬返去住~~ 哈哈~

我99..... 唉~~ 佢呢, 有神經衰弱, 又有高血壓, 即係話佢會成日無啦啦鬧人(3日一小吵5日一大吵果隻啦), 而我又唔可以辯解, 一句都唔得, 因為佢有高血壓, 佢有咩冬瓜豆腐我就死啦!!

佢好鐘意監視我地既生活, 佢住係鋪頭既閣樓, 日頭就會看鋪, 而我住果度既大門就係正佢鋪頭對面, 每一次出出入入都要比佢監視住, 去親邊都要報告, 遲左返黎就會比佢盤(其實出街都要盤...去邊度? 做乜野? 同邊個去? 咩人? 識左幾耐? 會去幾耐? 幾點返? 佢個仔會唔會去? 唔去佢有冇飯食? etc..) 仲加上我住一樓, 佢成日係樓下望住我d窗, 睇下我做緊乜, 有時熱得濟開冷氣就會被佢鬧, 有時冇掠衫又會被佢鬧, 拉埋窗簾又會被佢鬧!! 2日買一次送佢又話我點解唔日日買, 買左菜佢就問點解唔買魚, 買左魚佢就問點解唔買肉, 成日話我唔煮飯比佢個仔食(至於我食唔食唔在考慮之列)!
一星期至少要去同佢食一次飯, 飲一次茶, 如果冇做到, 佢又會鬧我帶壞佢個寶貝仔, 話我唔知醜勾引佢, 又話我親佢唔起!! 又話我又肥又醜又冇學識, 乜都鬧一餐!

結婚前有一次, 要買梳化, 我同老公睇中左一張L型布梳化, 好靚好舒服既, 比左錢再打比佢話比佢聽買左, 點知佢又買左, 仲送埋黎添, 一D都唔同我地商量就做! 果次搞到我係條街度被佢激到暈左! 差D入醫院!

幾個月前佢又無事啦啦捉住我黎鬧, 講埋好多尖酸刻薄野, 又自己作左好多我既衰野出黎鬧, 我點樣同佢講冇做過, 點樣同佢解釋都冇用, 佢一直係咁鬧, 得我地2個人, 我完完全全冇反抗既能力(我可以點做....), 又係差D暈底, 我心跳加速, 頭暈手震, 即刻唔理佢返上樓, 一返到上樓打比老公, 一聽到佢把聲即刻失控咁喊左出黎, 透唔到氣, 好辛苦, 老公被我嚇死, 以為我咩事!
我起初都以為自己有心臟病, 唔激得, 好驚啦, 點知後尾先知原來我係有驚恐症, 敏感原就係我99!!

而家我每次對住佢我都好大壓力, 唔知佢幾時又再鬧我, 次次對完佢返到屋企我都好攰, 好似用晒全身既力去對抗咁.....

佢而家又開始搵第2個題目黎鬧我, 鬧我做乜落仔, 我話之前果次以為係有左, 點知原來係個醫師斷錯症, 跟本我就未有過BB, 佢唔聽唔理, 剩係次次見到我都話我係咪因為未去度蜜月就落左個BB...... 我真係頂唔順啦!!!!

我覺得如果佢一直都係咁樣, 我真係冇可能會有BB囉, 佢成日話我M唔準就好難有, 我話我結婚前準都冇人有, 連幾點鐘會開始M我都可以計到!! 但一結左婚, 壓力大左, D M即刻亂晒! 佢又唔聽, 剩係話叫我去睇醫生........ 好似咩問題都係晒我度咁, 實情係佢個仔唔同我行埋, 我點會有BB姐, 無性煩植咩!!!!

唉..... 仲有好多, 但我而家打左咁多都有d暈暈地.....

而家, 你知我點解要搬, 仲要有咁遠得咁遠, 最好離開地球添呀.........

成日話自己身體差, 又話自己果頭近, 唉..... 被佢咁搞法, 真係我死佢都未死啦.....

私人傳訊

積分: 6770

12^#

發表於 06-6-15 14:25 |只看該作者

Re: 有冇人諗過搬去第2個國家度住黎避開99?

小寶貝兒:
咁我都係大你好少啫hehe,you're so cutie

我睇到一半本想叫你99高血壓唔好走寺叫你多d就下佢,
原來你先係全屋至高血壓果位,咁你老公話要3年溫習先
可以去讀書,3年喎咁你會唔會考慮搬開先定等下?
平時你係屋企有咩做呀?

私人傳訊

積分: 30295

13^#

發表於 06-6-15 14:45 |只看該作者

Re: 有冇人諗過搬去第2個國家度住黎避開99?

唉~~ 我老公就話要3年溫習姐, 但睇佢而家做野做到咁落力, 睇怕我地去外國住下玩下就可以, 住357年就真係唔多得lu~~

唉~~ 我對住99真係想死, 好想叫佢不如當我冇到, 當我死左, 或者當我唔存在啦.....

我地而家努力儲緊錢搬架啦, 希望3年之內可以儲到錢搬到啦~~

係屋企我咪做下家務咁囉, 冇乜特別野做架, 我咪當自己被軟禁, 可以唔出街就盡量唔出街, 可以唔見就盡量唔見, 自己係屋企搵d野做下, 上下網咁囉..... 唔係可以點呀~~
返得多娘家佢又話我架啦, 又話我嫁左人就唔好成日返去, 又話自己係上家唔去下家(我娘家), 叫我都唔好返......

多d陪我傾下計啦~ 哈哈~~

妳呢, 妳又係屋企嗎? 定返緊工啊?

私人傳訊

積分: 6770

14^#

發表於 06-6-15 15:03 |只看該作者

Re: 有冇人諗過搬去第2個國家度住黎避開99?

小寶貝兒:
我依家係全職媽咪,係屋企揍囝揍狗發吽豆,我同屋企人
斷六親唔講野,99係越南工作62都有佢既生活節奏,所以
我既世界十分簡單,因為冇人理我架

私人傳訊

積分: 30295

15^#

發表於 06-6-15 15:41 |只看該作者

Re: 有冇人諗過搬去第2個國家度住黎避開99?

哈哈哈~~ 咁開心?
我都係全職家庭主婦, 妳個仔幾大啊~~ 好得意呢~~

妳99點解會去左越南做野既?? 搵得多d咩? 點解62又唔跟埋去既??

簡單就好啦, 好過我咁鬼復雜!!

而家有線live緊霍金個演講, 前果段有線個主持同d嘉賓起勢咁講野, 好煩, 人地想聽霍金演講, 又唔係想聽佢地講!! 差d想打電話去鬧有線叫佢地收聲架啦!! 好彩後尾發現可以轉到唔聽佢地講野姐!! 佢地把聲大到c, com晒霍金把聲!! 激c我!!
我仲要幫我老公錄架!!!

私人傳訊

積分: 6770

16^#

發表於 06-6-15 15:54 |只看該作者

Re: 有冇人諗過搬去第2個國家度住黎避開99?

明珠live緊呀轉台啦~禾食緊肯得雞成手油,一陣講~

私人傳訊

積分: 30295

17^#

發表於 06-6-15 15:58 |只看該作者

Re: 有冇人諗過搬去第2個國家度住黎避開99?

我而家轉左剩係聽霍金囉~~ 有線有時有d野真係好唔掂!! 又唔一早提我搞到我錄唔到前面果段霍金演講!!!

煩, 真係好想柄佢地!!

禾鄧理!!

私人傳訊

積分: 6770

18^#

發表於 06-6-15 16:23 |只看該作者

Re: 有冇人諗過搬去第2個國家度住黎避開99?

返來咯
我99同62分開左架啦所以各有各生活,99做製衣,以前東
莞冇依家摬爭咁大,時移勢易先走去越南貪果度紙水超抵,
我99鐘意自由自在,見佢做到都唔想返來,最上一次見佢係
前年了,果餐飯我啤到佢恒,果時我C6好唔生性,我一接觸佢
就火藥味好重忍唔住"盤"佢怪佢唔教仔咩都唔理,佢怕左我
所以少同我接觸,唔搵我地仲好,係咪黎水丫唔係黎水唔好
搵呀 :tongue:

私人傳訊

積分: 30295

19^#

發表於 06-6-15 16:32 |只看該作者

Re: 有冇人諗過搬去第2個國家度住黎避開99?

sor, 原來係咁!!

哈哈~~ 佢怕左妳, 好過妳怕左佢呀.... 而家我咪係咁囉...
日日怕左佢唔敢出街....

呢, 我真係好想搬呀~~ 成日行過d地產鋪就會望下今日d心水樓樓價如何, 跟住會係心裡面計下要幾多首期, 要幾耐先可以搬到, 發下夢都好丫.......

私人傳訊