alkyng 寫道:
你好, 我個姑奶生完大仔之後一路餵人奶以為無m就唔會有bb, 點知響大仔四個月時再驗到有bb. 而我本人亦試過響餵人奶期間有左bb唔知道, 當時每當大女飲奶時, 個子宮位置覺得好唔適服, 但個時仲未知乜事, 後來知道有bb, 我問健康院d姑娘可否繼續餵人奶, 個姑娘同我講無問題, 那時我又唔識只好聽姑娘講, 但每次大女飲奶時我都會覺得個肚好痛(因飲人奶時會令子宮收縮), 點知到左睇私家婦科時(大概知道有bb後一個星期), 醫生同我講一定要停餵人奶, 個時真係好辛苦, 因為有左bb個人事事都要小心, 但大女已歲半一下子要佢由全人奶轉全奶粉, 佢當然唔肯, 最終過左好奈先肯接受奶粉, 不過好可惜響第二次覆診時醫生同我講肚入面個b無大到, 佢話比多兩個星期時間, 下次覆診都無大到就即是話阿b留唔到, 點知....最後要做挖宮手術, 所以我想講如你地餵緊人奶就要安排好d, 如想再有bb都要戒左餵人奶先好再有, 咁樣我相信對身體好d, 因經過這次之後我身體差左, 後來隔左大半年再次有bb, 但都係留唔到, 個時我就開始睇中醫(因我真係好想生多個妹妹), 每日飲一碗中藥, 大概飲左一年我發現自己意外有左bb, 不過今次好開心bb可以黎到呢個世界, 佢依家13個月.
發表於 
返回列表
