吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 你會點對呢個"好朋友"？

心聲留言今日: 0|主題: 17563

收藏本版

發帖

返回列表

跳至頁

查看: 1546 | 回覆: 13

你會點對呢個"好朋友"？ [複製鏈接]

*i*

複式洋房

積分: 145

1^#

發表於 06-6-14 22:29 |只看該作者

你會點對呢個"好朋友"？

最近好苦惱，我唔識點處理呢種友誼，個故仔係o甘：
我響一年前認識o左一個女人（同我差不多年紀），佢就住響我家就近，因為當時我經常帶住我個仔仔出出入入，而佢又有個BB同我仔仔差不多大，大家見面多就識左。開始認識都好好傾，但熟落之後佢就越來越對我"好"，好到我當時有d驚，
例如1: 我無意講起我細個都幾種意食朱古力（但事實大個已不太愛吃），隔了幾天，佢竟買了二百幾蚊某名牌朱古力送比我，我當時吃驚之餘都幾感動。
例如2: 幾乎每日都比電話我，甚至一早就上門，然後塞一大堆我講過話中意的某牌子的化妝品，雖然佢話係買左無用才比我，但那是全新的，這樣的事發生不止一次，我開始有點覺得怪怪的。

例如3: 我老公生日，那時識佢才幾兩三個月，佢竟去訂了個幾百蚊的蛋糕話要同佢祝生日，而且仲送買名牌小禮物，我都無佢o甘有心，但我仲不覺得有咩不妥，心想佢可能是一個大好人，曖於面子，我同老公還是跟她一家過了正日生日。

之後的日子裡佢越來越想知道我的事同不停地找我，有時會話要帶BB來我家玩，又有時會失驚無神同埋佢老公上來我家，而多數都係會無預約，我還在吃晚飯時，到我家後又以熟賣熟問也不問入我間房，有次仲坐埋響我張床看書，我出聲叫佢出廳看，佢又係那句：我地o甘熟，無計啦！
我實在忍受不住這種“好友“的態度，我無聽佢電話一段時間，佢不厭煩地一日搵我幾次，後來終於生氣無找我一排。

我以為可以淡忘這人，點知最近又惹上，更甚的是佢留意住我幾時響屋企，幾時又出門，仲要問埋我去邊，我好煩，但又不好意思拒絕佢，有時我家人到我屋企，我想家庭樂，佢又話要帶個女o黎同我仔玩，我話我屋企人響度,佢話佢唔介意，我又話我要出去，佢繼續問我去邊，如我答我不帶個仔去，佢就會話不用召乎佢,佢自己上我屋企玩得啦。但事實佢上親o黎都會不停問我屋企野或o弟我d書然後就走，跟本就無同個女玩。

更離譜的是佢成日話同我老公好相襯（講笑o甘講），一唔係就話我同佢老公好襯，最慘係佢老公聽左都無反應！有時講笑講得多又講佢自己同老公d
咸笑話，好核突，但佢個樣係斯斯文文，無人信佢會講得o甘露骨。
我最近以生仔為由無見佢，佢竟話佢老公好掛住我要探我，結果那次探完我之後成個月我都話好忙無見佢，有時見都兜路走，但佢終於搵到我，點辦啊？我對這個好友實在生厭，但住得o甘近又不想得罪人，我覺得佢有問題時已太遲,佢已當正我係知己。我唔想傷害到佢，但又好怕再見呢個人，對住佢我無晒私隱，佢成日送野比我，好似要我對佢再好do甘，我唔要，佢一比我就走。

有無人教下我點做先可以唔再識佢？我開始好討厭。。。。這"好朋友"

私人傳訊

袁太

大宅

積分: 1397

2^#

發表於 06-6-14 23:16 |只看該作者

Re: 你會點對呢個"好朋友"？

我都識一個差唔多的人，但冇你個"好朋友"咁嚴重。實在只可以推，每次佢搵你都扮匆忙快快掛線，同最緊要話呢排好忙得閒至搵佢。但係你一定要諗定原因，例如某家人要你幫忙，忙完又要做家務之類，如果佢問咩事你可以話人地既事唔方便講佢知，如果佢又搬出話同你熟之類，就答話你同佢熟，但事主同佢唔熟，唔想講人地既事。最最緊要又係話得閒至搵佢。跟住唔聽佢電話...如果上到來可以話你正想出街、剛回家好累正想訓...得閒會搵佢，仲話你時不時會出街，叫佢下次一定打個電話搵到你至好上來費事摸門釘，跟住拜拜，總之一定唔可以俾佢入屋...盡量推啦，一次都唔好心軟，但唔好得罪佢，因為唔知佢係咪唔正常。

私人傳訊

miffymiffy

瑪瑙宮

積分: 131833

好媽媽勳章醒目開學勳章畀面勳章環保接龍勳章親子達人勳章 BK Milk勳章

3^#

發表於 06-6-14 23:39 |只看該作者

Re: 你會點對呢個"好朋友"？

我覺得有種怪怪的......恕我冒味講句.....

佢好似想同你倆公婆...

私人傳訊

carcar123

別墅

積分: 784

4^#

發表於 06-6-15 00:23 |只看該作者

Re: 你會點對呢個"好朋友"？

我覺得佢可能對你屋企另有企圖, 可能熟左你之後想點都得! 分分鍾拐埋你個仔/女.

話比佢知你有個做 police 既呀哥以後般黎同你住, 因此以後都唔係咁方便比佢上黎, 同埋話佢知多左小朋友需要照顧, 日常生活都好繁忙, 唔會好似以前咁得閑同佢一齊.

私人傳訊

ringoivy

翡翠宮

積分: 76971

5^#

發表於 06-6-15 10:21 |只看該作者

Re: 你會點對呢個"好朋友"？

佢買埋d咁貴重既野比你, 你唔好意思收的話, 下次打比我丫, 等我黎攞

電話: 48709394

其實佢咁老實不客氣, 我覺得你應該抱有一副笑臉虎姿態對佢, 佢入你房睇書 / 家庭樂係都要痴埋黎, 你咪笑笑口同佢講你唔介意我介意喎

咁樣等大家都好落台d囉

私人傳訊

小路

琥珀宮

積分: 161936

好媽媽勳章醒目開學勳章畀面勳章環保接龍勳章大廚勳章

6^#

發表於 06-6-15 11:14 |只看該作者

Re: 你會點對呢個"好朋友"？

我最怕呢D咁熱情既人！！！我好唔鍾意人地無啦啦去我屋企架！！俾我唔理得咁多！實俾說話佢聽！話之佢嬲！最好唔好搵我添！煩到咁！ :tongue: :tongue: :tongue: :tongue:

私人傳訊

蘇菲姨姨

大宅

積分: 2768

7^#

發表於 06-6-15 11:39 |只看該作者

Re: 你會點對呢個"好朋友"？

搬屋或者同佢講清楚你唔鍾意佢咁熱情. :evil:

私人傳訊

janeleung

公爵府

積分: 27683

8^#

發表於 06-6-15 12:24 |只看該作者

Re: 你會點對呢個"好朋友"？

1. 我諗先將d貴重野擺曬入房, 跟住鎖埋 (防止佢地宊然

私人傳訊

*i*

複式洋房

積分: 145

9^#

發表於 06-6-15 13:03 |只看該作者

Re: 你會點對呢個"好朋友"？

miffymiffy 寫道:
我覺得有種怪怪的......恕我冒味講句.....

佢好似想同你倆公婆...

係啊，我都有少少o甘o念，不過佢同老公個樣都o甘正常又唔似，係米我太保守接受唔到佢的"笑話"呢，但佢兩公婆連幾多日無做都講笑o甘講，聽到我毛管棟。
今日佢又打比我問我係米好忙，我話係啊，遲d先搵你啦。
我亞媽就話佢可能太寂寞，所以o甘。

上次我無搵佢，佢竟問我：點解你最近對我好似o甘冷淡？
佢真係問到我口啞啞，好似同佢拍拖o甘。