吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好嬲，大家評下理，自己阿媽咁對個女(超長) ...

婆媳關係今日: 0|主題: 27782

收藏本版

發帖

返回列表

跳至頁

查看: 7196 | 回覆: 100

好嬲，大家評下理，自己阿媽咁對個女(超長) [複製鏈接]

12 3 4 5...6

melmelyan

男爵府

積分: 8594

1^#

發表於 12-12-6 03:26 |只看該作者 |倒序瀏覽 |打印

我4月發現有左bb，所以今年9月註冊結左婚。兩邊屋企都知我同c6唔想擺酒，但其實4大長老都好想我地擺，所以我地話想留錢俾bb而唔擺。但因為c6係拉仔，對上得兩個家姐，62好想我地擺酒好好睇睇，所以6299話佢地出錢擺酒，俾十圍我媽當禮金。我同99關係好好，佢當我女咁錫，我自己本身好唔好意思接受呢個恩惠，亦都覺得要搞一場大龍鳳真係好煩，但c6想順62意，咁就當係俾面男家做得好好睇睇啦。我媽知道我地都係擺酒後，當然好開心啦。但我表明立場，由於唔係我出錢，所以我係冇話事權的，一切我會尊重6299既意見。我媽就覺得咁仲好，有人幫佢搞埋，佢唔駛煩又有面。

咁我99係家庭主婦，我媽要返工既，99雖然係好傳統既師奶，但都好開通好潮。講到擇日，99梗係睇通勝啦，我知我媽一定唔識，但我都專登問左佢，佢想由我99擇日丫，定佢搵我婆婆擇，我媽就話既然99識咁就交俾99擇啦。由我有bb果刻開始，我媽日日打黎問擇左日未，問到我煩，我解釋左萬九幾次想2013年尾，所以99要等到有通勝先擇到日，佢就日日都要打黎追問買左未，點解咁耐都未出通勝，冇理由仲未出，煩到我燥，我話你咁叻你買本返黎俾我，佢就停左一排…

點知過一排，又再追問我地揀左酒樓未。我解釋左好多次，由99決定，因為唔係我出錢。而我媽不停推介a酒樓，又或者佢朋友講b酒樓好，佢又會叫我揀。佢揀親果啲唔係冇雷公咁遠呢，就係彌敦道一定冇得泊車既酒樓，我全部都唔得(男女家都係住新界)。如是者推介左好多間俾我，我都係果句99決定。同埋我話日子都未諗好，諗好先算啦。但佢都繼續keep住追問做乜唔揀呢間，做乜唔揀果間，我真係就快俾佢激到嘔血，好似唔識聽廣東話咁!!!

好喇，買左通勝喇，99要夾一日係唔沖我同c6 & 6299 & 我父母，都係想為大家好，而c6同99講想要weekend 或假期既日子，唔好揀weekday，所以99都真係好難擇，擇左好耐(當中又要忙c6家姐結婚既事)，終於揭到本通勝爛咁滯今日就擇左13年12月8日或14年1月1日係最夾我地既。而同時99都揀左一間喺大埔好出名擺酒既酒樓(我女家&女家親戚都住大埔，男家住北區)，99都有好多朋友住大埔，又方便男女家，酒樓又好好睇睇而價錢亦好公道，所以99決定呢間，我同c6都冇意見。咁好啦，99驚住得返一年時間，唔知會唔會俾人訂左，所以打鐵趁熱今晚即時就去左酒樓食飯兼落訂，咁我就拿拿臨同我媽講啦。我媽話唔鍾意果間酒樓，話逼喎，我又講多次唔係我俾錢我冇得話事，咁我媽就冇再講。點知12月8日已俾人訂左，淨返1月1，咁我又同阿媽講，點知佢好大反應話果日唔得，因為佢偶像生日年年果日都請佢地飲，我一聽到呢個理由即刻火滾，你個女嫁緊要啲定你偶像年年都有既生日緊要啲呀！佢問我揀過第二日得唔得，我話唔得，因為得返呢日最夾我地，佢話唔信成年得果一日好日，我又要再從頭解釋俾佢知點解得果一日，佢就話我唔就佢，話我野蠻，話我錫晒99得架喇冇老母架喇!! 救命，我真係嬲到震，宜家係邊個野蠻? 我同佢講，如果你偶像咁重要，咁得啦，果日唔聯婚，淨係男家娶新抱，女家我一個都唔請。佢話佢唔去飲偶像果餐唔緊要，但佢班40幾年好姊妹一定會揀去飲偶像果餐而唔飲我呢餐。哈，我聽到呢度仲火滾，個阿媽為左要就自己啲朋友而要我改期，多麼無稽的一個理由。我堅決唔退讓(何況我冇得退讓因為我真係冇得話事)，我媽就鬧爆我，點解佢都係主人家點解唔可以就佢唯一呢樣野，佢話總知果日一定唔得，我話其實果班aunties 唔黎真係冇所謂，我唔介意，但我媽話佢介意，佢介意自己嫁女班姊妹唔喺度，我話第一，你啲姊妹如果係當你姊妹俾面你就一定會黎，第二，宜家係我結婚唔係你結婚，如果唔係男家俾10圍你你根本一個人都請唔到。結果成晚我就同我媽爭鬥左好耐，眼見99要落訂喇，我要我媽即刻決定要聯婚定分開擺，我媽冇應我，而我99已經照原訂計劃聯婚而落左萬幾蚊訂金。其實全程99都唔知我同我媽發生咩事，只知我媽有啲意見，我99仲不停問我，"係咪襯家有意見，駛唔駛我同佢傾下"，我梗係話唔駛啦，我媽野蠻到咁我真係唔想佢兩個會嗌交收場兼搞到我同99關係有變化(我媽係果啲明明自己踩到人都要鬧返人地果種人)

到宜家呢一刻我媽依然覺得係我衰我不孝，但其實我個心有幾痛佢知嗎？各位jm，係咪真係我做錯係我不孝?? 我bb今個月尾出世喇，今日勞氣到bb踢到我宜家都未訓到，希望呻完我訓得著啦。

0 2 0

私人傳訊

我愛Corina

瑪瑙宮

積分: 139410

2025勳章蛇年勳章 2024年龍年勳章好媽媽勳章醒目開學勳章環保接龍勳章

2^#

發表於 12-12-6 04:13 |只看該作者

回覆：好嬲，大家評下理，自己阿媽咁對個女(超長)

你亞媽都幾攪笑

偶像生日

點評

gracechanbb 係九唔搭八！好彩樓主正常！發表於 12-12-8 22:57

私人傳訊

Lovely_4

大宅

積分: 4596

3^#

發表於 12-12-6 04:45 |只看該作者

回覆：我愛Corina 的帖子

你99好遷就同錫你們。唔好嬲你媽媽啦，如果係汪明x,真係她們大日子，妳媽當然想朋友不用取捨黎飲。已成定局了，隨心啦。

私人傳訊

rayrayus

翡翠宮

積分: 86765

馬年勳章 2026勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

4^#

發表於 12-12-6 05:10 |只看該作者

你阿媽的確係好煩，我係你我都會堅持，大佬呀，係人都總有選擇，一係去，一係唔去，佢朋友去搵偶像咪由佢地囉，真係奇怪

私人傳訊

showman

伯爵府

積分: 19444

5^#

發表於 12-12-6 07:24 |只看該作者

回覆：好嬲，大家評下理，自己阿媽咁對個女(超長)

我個時結婚，我阿媽同你阿媽有得揮，99搵人擇好日，我阿媽個日又唔得呢日又唔好，係結婚前一日我仲同佢吵鑊金，但無計，個果始終係阿媽，好快就無事架啦！

私人傳訊

mother904

翡翠宮

積分: 82093

畀面勳章

6^#

發表於 12-12-6 08:00 |只看該作者

你呀媽係煩d，但又錯唔哂，雖然係男家出錢，但唔代表唔可以互相遷就。偶像生日呢個理由係無聊，但一班好姊妹黎唔到，又真係幾掃佢興。

雖然實際日期未必改到，但你既態度亦擺明唔可以有商有量，乜野都係呀媽錯，係佢煩，佢連小小發表意見既權利都好似唔存在。身為母親既角度，又真係會幾唔開心。

日日是好日

私人傳訊

wingwong1102

大宅

積分: 4007

7^#

發表於 12-12-6 08:25 |只看該作者

回覆：好嬲，大家評下理，自己阿媽咁對個女(超長)

分開擺啦

私人傳訊

gloriamcy

男爵府

積分: 8366

8^#

發表於 12-12-6 08:28 |只看該作者

引用：你呀媽係煩d，但又錯唔哂，雖然係男家出錢

原帖由 mother904 於 12-12-06 發表
你呀媽係煩d，但又錯唔哂，雖然係男家出錢，但唔代表唔可以互相遷就。偶像生日呢個理由係無聊，但一班好姊 ...

我都同意…樓主好似係通知佢媽媽係呢日…而唔係商量邊日結婚咁…其實你媽媽係咪擔心到時會少左好多朋友黎…先反對呢日呢？有十圍又點…朋友都唔到…不如唔好攪囉

私人傳訊

wingwong1102

大宅

積分: 4007

9^#

發表於 12-12-6 08:50 |只看該作者

回覆：好嬲，大家評下理，自己阿媽咁對個女(超長)

擺酒其實唔係為自己，係為長輩，佢地先係主角，可惜我婚後才明白呢個道理

點評

偷懶喵星人

發表於 12-12-7 12:53

mother904 agree x10,000 發表於 12-12-6 09:05

私人傳訊

hui.lai

子爵府

積分: 14261

10^#

發表於 12-12-6 08:54 |只看該作者

回覆：好嬲，大家評下理，自己阿媽咁對個女(超長)

99俾錢吾代表你吾洗問下媽咪嫁喎，你媽咪都係對個日同地點有意見遮。。。
試下搵過第二間啦，

私人傳訊

kktsoi

男爵府

積分: 8213

11^#

發表於 12-12-6 09:37 |只看該作者

如果你媽都企到甘硬, 不如分開摆仲好. 反正你99都預左10圍俾女家, 10圍單獨摆一d都吾會失禮, 又可以就番你媽咪的時間. 或者甘講拉, 雖然摆酒係男家出晒, 不過有時都要尊重番女家的, 你媽咪都想佢d好姐妹見證自己個女出嫁, 出發點係好, 只係表逹吾好, 你就吾女子惱佢了.

雖然落左訂, 但圍數可以減小, 或者果10圍照係番果度摆, 只係吾同時間, 應該無問題的. 摆酒真係維四大長老摆架咋, 所以最好當然四老都開心滿意

私人傳訊

loverbaby

大宅

積分: 3540

畀面勳章

12^#

發表於 12-12-6 09:48 |只看該作者

回覆 melmelyan 的帖子

其實每對新人擺酒都會遇到４大長老提出麻煩問題，不只係你，你比ｄ時間媽媽消化下，過幾天／一排就會無事，吾好吾開心，要為個胎著想．他會感受到你的情緒．

私人傳訊

Phoebe_snufkin

公爵府

積分: 25021

hashtag影視迷勳章 BK Milk勳章

13^#

發表於 12-12-6 10:00 |只看該作者

陀緊bb唔好咁勞氣, 好日難求, 仲要咁到日子真係唔易, 一係分開攞, 但要同你媽講明分開攞女家只係會攞10圍, 因男家只係俾10圍佢, 係呢個婚禮上, 佢已經算係"坐享其成", 既然係幾十年朋友, 偶像生日年年有, 好朋友嫁女得一次都唔黎既, 呢d似豬朋狗友多d囉

點評

siu_siu828

發表於 12-12-7 00:26

丫雅 agree~~ 偶像生日哦~~ 唉...頂唔順發表於 12-12-6 17:17

私人傳訊

shpfamily

伯爵府

積分: 16757

14^#

發表於 12-12-6 10:17 |只看該作者

其實地點我覺得無話事權, 如果日子仲有得傾, 我覺得可以傾下.
搵到大家都HAPPY 果一日, 咪仲好.

私人傳訊

chunchunk

禁止訪問

積分: 3348

15^#

發表於 12-12-6 10:19 |只看該作者

回覆：好嬲，大家評下理，自己阿媽咁對個女(超長)

提示: 作者被禁止或刪除內容自動屏蔽

私人傳訊

weeweed

子爵府

積分: 11041

BK Milk勳章畀面勳章

16^#

發表於 12-12-6 10:36 |只看該作者

如果多幾個偶像?咁仲煩.一於唔好理佢

私人傳訊

tsoi520

男爵府

積分: 6167

17^#

發表於 12-12-6 10:37 |只看該作者

在情在理都係1月1號擺正常D,
事關擇咗日, 個日真係最夾你兩公婆(雖則我唔信呢D嘢),
再加上男家出錢, 女家$1都冇出, 都係唔好咁多意見,
你99冇所謂唔=其他男家親戚冇所謂,
如果你阿媽1月1號唔方便的理由充分D,
其實就佢又唔係問題, 但個理由咁弱智,
真係好難就佢囉.....
學你話齋, 40年姊妹, 個姊妹嫁女咁大件事,
唔係撞紅白二事都會出席啦下化??
唔出席個D真係心照啦....

樓主我好明白你, 事關我都係有個類似你媽咁樣的野蠻媽媽,
但我媽比你媽野蠻100倍, 但係我都想你明白,
阿媽冇得揀, 無論佢點野蠻, 對你點唔好都係你阿媽,
自己睇開D啦~

好彩我同你一樣都有個當自己係女的99咋

私人傳訊

littlelittlepra

侯爵府

積分: 23395

18^#

發表於 12-12-6 11:55 |只看該作者

我覺得你媽咪似係積埋積埋一次爆喎...
佢其實都好緊張你,唔緊張都唔會係咁追問你邊日,又推介D酒樓過你..
但可能你KEEP ON俾佢GE態度都係唔知,唔好理,奶奶搞,男家話哂事..
佢一D主意都唔可以俾..
養到個女咁大,你都未正式嫁過去就咩都話人地話事,當自己阿媽D說話耳邊風...做你阿媽梗係嬲啦~~
(雖則話男家出哂錢,但都唔代表咩都唔可以傾唔可以講......你奶奶都無咁GE態度,你就唔好成日都男家話事咁掛嘴邊啦...你阿媽聽到實唔開心)