話說我同ex bf分手係因為J小姐介入,ex同J一早已經認識,仲可能一早已經搭ex糖,經常喺fb撩ex例如話:「架跑車好型喎,唔知幾時可以坐你隔離呢?」我果陣完全無為意,卒之呢句說話出街無耐,ex就突然失蹤,等到佢reply我時就話:「我發覺我地溝通唔到,我地冷靜下先」我問:「你咩意思?係咪想分手?」佢無再答我,我狂send msg比佢call佢都無理我,連fb都唔止delete我仲block埋我,係我frd話我知第二日ex喺fb status話:正式脫離單身行列,仲in a relationship with J小姐,我先恍然大悟原來我地有人介入,由frd囗中知道佢地好sweet,一齊之後幾個月內又去坐郵輪又求婚,我果陣都仲係好痛苦,心諗我有乜好唔過個J小姐,真係好憎好憎個女人,佢樣貌學歷職業家底都唔係我對手,點解佢咁輕易就fight贏我,自己日日鑽牛角尖,其實我同ex分手後兩星期就認識咗我老公,果陣一唔開心就同老公傾訴,我老公好識開解我,借啲心靈書我睇,又幫我喺生意上解決好多問題,慢慢我自己都抽離好多,加上老公嘅攻勢又好猛,半年後同老公一齊了!時間過得好快,最近我frd又過料,ex又一星期7晚飲酒飲天光,每天晚10朝6咁連掃兩間bar咁飲,連佢啲frd都問佢咩事要咁飲,陪佢一齊飲果啲係最frd果啲,反而唔阻止佢仲晚晚陪佢癲,佢同佢老婆J小姐喺fb已經無聯繫,唔知邊個del邊個,ex自己仲搬番去自己阿媽度住,我覺得呢個男人真係無得救,以往啲情史幾呎厚都算,同得人結婚好心就收心養性啦,年紀唔細都將近40,結婚生仔正正經經咪好囉,講真果句,雖然佢狠飛我,我都曾幾何時好憎佢地呢對9男女,但心諗如果大家真係好夾第三者都好難介入,佢地可以去到結婚呢步可能先係真正嘅一對,呢個賤男真係爛泥扶唔上柄,宜家個女跟你結咗婚,佢又係用番對佢ex ex 同居gf嘅招數離家出走玩失蹤唔番屋企,唔知係我戇居定咩,突然間我真係好戥佢老婆慘,呢個賤男仲要傷害幾多個女人先夠,之前有女人為佢自殺好彩死唔去,但傷到隻手有好深嘅疤痕,跟住又有女人因為佢嘅離開患咗抑鬱症醫咗大半年,我算無嘢係好唔開心啫,宜家又到佢老婆,我真心覺得呢個男人睇吓幾時有報應,臨老無人無物,剩係得幾個酒樽陪佢過世!