袁太 寫道:
如果可以就唔一齊住啦，始終大家生長環境唔同，生活習慣唔一樣，兩個人一齊生活都要適應，但係係兩個人一齊改變自己少少去適應對方。如果老爺奶奶一齊住，新抱嫁入去，就好順理成章係新抱去溶入夫家生活，有時做仔的習慣左屋企野覺得無問題，但係新抱習慣唔係咁，一日半日就話忍，要無了期咁忍就好辛苦。我俾個實例你， 奶奶、姑奶習慣沖涼後自己洗內衣褲，唔撈男人野洗，新抱做女時都係成家人D衫一齊開洗衣機洗，咁換左衫就放落污衣籃等洗，點知奶奶係要揀出來手洗，仲同人講自己連新抱內衣褲都要洗埋。咁個新抱唔敢唔洗啦，晚晚都多左野做好煩，仲永遠都要做。呢件事你話有無人唔 arm？唔好講話鬧交之類咁嚴重，呢D睇落好小事但係都可以好唔開心，加多幾樣就更甚。如果必須一齊住，老公就必須事事幫老婆出頭，因為係仔，講野易受D，而且要站係老婆立場諗，要聽同要安撫，如果唔係老婆就更孤立無援。
發表於 
返回列表
