Baby Kingdom - 親子王國 香港 討論區 › 首頁 › 夫婦情感› 仲有好多好男人

夫婦情感

收藏本版
發帖
返回列表
跳至頁
仲有好多好男人 [複製鏈接]

首頁
12

尾頁
   0
man4good


大宅

積分: 1217


1#
發表於 06-6-26 15:14 |只看該作者

仲有好多好男人

唔知呢度係咪絕大部份都係女人，留言多數都係講自己老公有咩唔好，甚至經常都有“男人係咁架啦”、“個個男人都係自私”呢種說話，但我可以講香港男人都唔係差。

由拍拖到宜家同老婆結左婚兩年，我從來無改變過，我每日都問自己可以為老婆做Ｄ咩，屋企所有家務都係我做，由一開始我老婆未問聲時我已經主動係咁，我只想我老婆舒舒服服咁享受。有時Ｄ朋友都話我老婆咁耐連鍋剷都未拎過，當然我唔係寵佢，我都讓佢明白幸福唔係必然，佢好想幫我做家務，只不過我唔想佢辛苦。

放工返到屋企做住家男人，身體係辛苦，但我從來無計較過，以前拍拖時，有好多女性朋友已經問我“你駛唔駛咁做呀”，我只會答“好係無上限，關心愛一個人唔係只限於「需唔需要」，說實話，就好似佢有手有腳，我唔需要幫佢夾送、拎野、送外賣，但我選擇去做，因為只要做得到，我一定去做，我更會問自己有咩可以做好Ｄ”

多Ｄ欣賞自己老公吧。我身邊都有不少好男人，香港男人都唔係喧 差者
私人傳訊

莎莎莉莉


伯爵府

積分: 17389

好媽媽勳章


2#
發表於 06-6-26 15:22 |只看該作者

Re: 仲有好多好男人

其實呢度留言話自己老公唔好的女人--好似我咁---都唔會覺得所有香港男人都唔好. 起碼, 我見過有好多都好好, 好好既男人, 同埋學歷、外貌係無關係架, 有好多學識唔多, 外貌其貌不揚既, 佢地對另一半真係好好, 我有眼睇.

不過, 真係有d係好衰下, 所以女人在忍受時, 都想呻下, 咁你係度, 咪就見到呢班女人咁做囉. 好似我咁, 唔想再鬧交, 但係又唔開心時, 係度講下, 都好過無吖!

希望你繼續做個好男人, 如果有仔女既話, 你既身教係好重要. 父母識得主動關心人, 仔女自然都會學識. 我既另一半做唔到, 我覺得自己既身教更加重要, 要俾個仔知道, 唔可以做一個唔識主動關心人既人.
私人傳訊

iloveuhb


別墅

積分: 572


3#
發表於 06-6-26 15:39 |只看該作者

Re: 仲有好多好男人

我都同意你既講法 !! 首先恭喜你老婆, 佢嫁左個好老公.

其實係我身邊亦不少好男人. 就我自己個老公來講, 佢都係一個絕種好老公, 佢亦會主動幫我做家務, 不過我同你一樣, 唔想佢辛苦, 都唔會比佢做家務, 佢無不良嗜好同習慣, 又愛鍚我同囡囡, 我d朋友都非常羨慕我有個好老公ga !!

除左我老公之外, 我2個細佬都對佢地老婆好好, 有時好到我同媽咪都會話 "駛唔駛呀?"

因為果個始終係自己細佬, 有時都會"鄧"佢辛苦, 相信你家人都會咁諗. 所以, 有時唔好做得太過份/出面, 否則, 你既家人(媽咪)會呷醋喎 !!
私人傳訊

小寶貝兒


珍珠宮

積分: 30295


4#
發表於 06-6-26 15:49 |只看該作者

Re: 仲有好多好男人

我老公都係好男人, 佢係我地拍拖既時候, 已經話我唔想做野就唔好返工啦, 等佢養啦, 對雙方父母都好好, 佢會比錢我叫我同佢地飲茶同比家用我父母, 其實我唔需要佢幫我做家務, 因為一黎佢做得冇我咁好, 2黎佢返工咁辛苦, 咁我唔使返工, 自然就係我做晒啦!
而且佢答應左我, 以後有左bb, 我如果對99既做法有意見, 只要講比佢聽, 佢會出面同佢地傾, 雖然我會自己湊返bb, 但總會有同檯食飯既時候, 我好擔心, 因為我見到99而家每次食飯總會比d有味精既魚呀, 湯呀bb飲, 搞到而家bb唔飲奶, 佢只係10個月咋... 已經完全斷奶, 剩係食大人既送, 我覺得咁樣唔係咁好囉.... 我老公就已經答應左話一定會諗辦法同佢阿媽講清楚, 因為咁樣事實上真係對bb唔好架喎...

不過iloveuhb講得好岩架, 我老公都話佢父母唔會鐘意個仔好鍚個老婆, 尤其是最唔鐘意個新抱點個仔做野!!! 例如裝飯之類, 所以我老公係佢屋企人面前對我真係好差架, 唔會夾送比我食, 唔會幫我裝飯, 完全當我係阿4咁使, but, 就係因為咁樣, 加上有個人辦係度(2新抱成日使佢老公), 所以6299都覺得我好好!!

有時候老人家唔出聲, 唔等於佢地冇條刺架.... 尤其是我99....

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

LuLaLa


大宅

積分: 1303


5#
發表於 06-6-26 16:02 |只看該作者

Re: 仲有好多好男人

man4good

我想講, 你老婆真係好幸福, 因為佢有個好老公, 係一個自動自覺既好老公. 但係好可惜, 係香港, 其他大部分好幸福既人都係老公而吾係老婆, 因為佢地都有個好老婆, 肯自動自覺, 任勞任怨咁為頭家去付出. 但問題係呢大部分既任勞任怨既老婆係"長期"都係一個壓力下生活, 而班"老公"就長期係一個"理所當然"下生活, 兩者當然會做成兩個極端...

又比如說, 你無私無條件的愛可以為你妻子付出, 而你妻子又非常欣然地去接受, 只是她當作這是理所當然的, 一年一年的過去, 或者你不介意, 但總會有一天你會覺得很累, 很想很想她可以跟你一同分擔, 但到時她要是習慣了你的好而不願意改變的話, 你仍是跟我們這些女人沒有分別, 我們大部分的女人都只不過是想在這裡呻一呻, 發洩一下, 然後我們仍舊回去工作崗位再努力!!!

我不是說每個男人都吾好, 只係他們都自持要養家, 便理所當然的將工作以外的事全部推到妻子身上, 但可惜他們根本忘記權利與義務的平衡; 而最重要的, 是現今大部分的妻子亦一同要背起養家的責任, 而回家之後, 我們更要做理所當然的家務! 其實我們都並不介懷這一切, 我們只是要求一點點的關注和一點點的愛罷了!! 難道這也是錯嗎, 就算錯, 我們都只是錯在寵壞我們的男人罷!!!!
私人傳訊

mannc


男爵府

積分: 6673

好媽媽勳章


6#
發表於 06-6-26 16:05 |只看該作者

Re: 仲有好多好男人

如果d男人好似你咁識做就好, 起碼老婆感到老公愛錫, 問題自然會少好多, 女人好簡單, 亦都好易氹, 只不過有時d男人好似要"奉旨"! 我都替你老婆開心, 因為有一個咁好既老公!
私人傳訊

亞婆


別墅

積分: 660


7#
發表於 06-6-26 16:49 |只看該作者

Re: 仲有好多好男人


係咩，邊度仲有，最好果個已經比我mark左
[img align=left]http://www.hk-laufamily.com/_818.gif[/img]
不過唔怕話你知，好既女性有更多喎
私人傳訊

魚生


禁止訪問

積分: 35771

好媽媽勳章 畀面勳章


8#
發表於 06-6-26 17:16 |只看該作者

Re: 仲有好多好男人

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

野蠻仔


男爵府

積分: 6770


9#
發表於 06-6-26 17:19 |只看該作者

Re: 仲有好多好男人



魚生 寫道:
係咪有先？！
私人傳訊

talkative


禁止訪問

積分: 205825

畀面勳章 環保接龍勳章


10#
發表於 06-6-26 17:21 |只看該作者

Re: 仲有好多好男人

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

callycms


大宅

積分: 1200


11#
發表於 06-6-26 17:57 |只看該作者

Re: 仲有好多好男人

男人女人都有好有唔好,其實睇妳用乜野角度去睇,如果可以我話將優點放到最大,將缺點縮到最細,咁就人人都開心啦~~講真,有時我都會對老公有微言,但總括佢喺我心目中都係好男人,起碼佢唔會賭錢,又顧家,又識哄我,又會做家務等等,算係咁啦
私人傳訊

Mrs-Kan


洋房

積分: 199


12#
發表於 06-6-26 19:03 |只看該作者

Re: 仲有好多好男人

同意callycms講
男人女人都有好有唔好,其實睇妳用乜野角度去睇,如果可以我話將優點放到最大,將缺點縮到最細,咁就人人都開心啦~~

其實同得佢結婚, 佢一定有你欣賞之處, 不過婚後大家忽略左"欣賞"對方, 反而好努力去找錯處.
好似我老公咁, 做家務嘅時候佢真係笨手笨腳, 有時我會覺得佢阻住我做野添, 不過佢咁落力幫手, 咪由得佢囉, 起碼佢係因為錫我, 唔想我咁辛苦先幫手啫. 所以我好多時都還佢一d肉麻野氹吓佢.
其實個個人都有自己嘅長短處, 既然選擇結婚, 就應該互相包容, 繼續欣賞及發掘對方的優點. 至於對對方嘅不滿, "申"完就算喇~~
私人傳訊

魚生


禁止訪問

積分: 35771

好媽媽勳章 畀面勳章


13#
發表於 06-6-26 23:56 |只看該作者

Re: 仲有好多好男人

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

sharonhwyc


珍珠宮

積分: 35618

好媽媽勳章 畀面勳章


14#
發表於 06-6-27 00:37 |只看該作者

Re: 仲有好多好男人

我好想問下,咁你老婆平時會做d咩架???
唔係話你,我覺得男人返工,女人做家務係份內事,
佢都幾唔識做喎!
(只係個人意見)
郁D就起晒鋼, o係論壇好難生存架, 學下大方d接受人地建議, 唔好咁小家!
私人傳訊

man4good


大宅

積分: 1217


15#
發表於 06-6-27 01:03 |只看該作者

Re: 仲有好多好男人

sharonhwyc

hehe... 呢個年代好多夫妻都要做工,邊個話家務係女人份內事呢? 其實我太太平時都要返工,而我覺得我做得到,我就盡量做,一對夫妻無分邊個做多邊個做少,當然我有累既時間,到我做唔到或真係需要休息時,我太太都會好主動咁做
私人傳訊

paiwai


大宅

積分: 4316


16#
發表於 06-6-27 11:01 |只看該作者

Re: 仲有好多好男人

man4good,
真係恭喜你老婆.....有個(((你)))咁好o既廿四考老公....

(我雖然有時都覺得自己無咩時間去照顧自己老公, 因為要照顧個仔又要做屋企野, 但係每次想老公幫手都要開聲叫佢, 就覺得好無癮law )
私人傳訊

Emmama


大宅

積分: 3612


17#
發表於 06-6-27 11:21 |只看該作者

Re: 仲有好多好男人

man4good

我個case同你差唔多,兩公婆都要返工, but做家務我地會share做! 冇辦法啦又請唔起工人!
佢煮飯,洗衫,朗衫, 我就洗碗,素地,拖地..我唔想佢辛苦時, 佢都唔想我辛苦啫
有時佢煮完飯會洗埋碗, 有時我見夠一機衫又會自己開機洗衫,朗衫.....
大家互相體諒啫.....所以我都冇話老公唔好,但我自己都唔錯咁啦!

佢最唔好就係...有時有野想同佢商量佢就話"是但"你話事啦!
我就覺得大佬呀..好似比我話哂事咁,但咩叫商量先....我有時都好想有人幫我話事揸主意架!
hehe 我都想"申"下啫, "申"完就算喇!!

Mrs-Kan講得"arm",我會繼續欣賞及發掘我老公的優點~~~大家努力啦!

私人傳訊

芒


大宅

積分: 3610


18#
發表於 06-6-27 12:50 |只看該作者

Re: 仲有好多好男人

其實女人真係好易話為，只要個男人氹吓，錫吓，關心吓，咁就可以任怒任怨咁同佢一生一世，好似日頭返工，夜晚照顧仔囡仲做埋家務，ｄ男人呢，真係可以放工返黎坐係度等食飯，仔囡教育就指意亞媽，家務就指意老婆，呢ｄ男人要黎做乜呢？點解唔可以公平ｄ？ｓｈａｒｅ　ｄ野黎做？以前細個見亞媽係屋企淨係做家務，煮飯，以為好ｃ服，點之宜家做左人地亞媽，先知所謂既”手板眼見功夫”係一ｄ都唔易做，只係當時細個唔識諗者！幾時先諗到ｄ男人有咁既體會呢？莫講話自已老婆，就算係自已亞媽，我諗佢地都冇咁既體會，咁樣去欣賞．．．
私人傳訊

Eggwhite


洋房

積分: 69


19#
發表於 06-6-27 14:03 |只看該作者

Re: 仲有好多好男人

實不相瞞, 我幾個月前和老公的關系非常差, 幾乎變成住係一齊的陌生人. 我覺得他自私,粗心,懶, 不關心我, 於是也對他態度差, 或是不秋不睬, 慢慢, 大家都非常冷漠, 知道有野ng妥但又不想主動改善. 我直情想離婚. 後來上BK看其他人的事, 尤其是有第三者的事,覺得老公雖然有以上的缺點, 但起碼他so far還是顧家和專一的, 慢慢自已開解, 說服自已接受他的缺點(雖然還未完全ok), 最近大家好好多了. 我是想告訴大家, 老公比上不足比下有餘就ok了, 當然他不能過我的Bottom line: 就是打我和搞婚外情. 24孝老公我是一定無了, 但他令我生活安定,無咩大風浪就算了, 個位BK姐妹門, 繼續努力ah!
私人傳訊

sharonhwyc


珍珠宮

積分: 35618

好媽媽勳章 畀面勳章


20#
發表於 06-6-27 14:27 |只看該作者

Re: 仲有好多好男人

o...原來佢都要返工嘅~
咁你就真係一個好老公啦!
因為好多男人唔會咁識做架!
郁D就起晒鋼, o係論壇好難生存架, 學下大方d接受人地建議, 唔好咁小家!
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見