夫婦情感今日: 4|主題: 42775

收藏本版

發帖

返回列表

跳至頁

查看: 989 | 回覆: 2

近來都好唔開心! [複製鏈接]

PriscillaLee

民房

積分: 60

1^#

發表於 06-7-10 21:31 |只看該作者

近來都好唔開心!

仔仔兩個多月大了,原本很開心的,(因為結了婚六年才有BB)但BB出世後,我同老公成日爭吵不休,以前未生仔仔時佢好就我,就算係我錯佢都會同我say sorry,但近來佢選擇唔出聲,我唔理佢,佢亦唔理,唔會主動問我咩事,可以兩日唔傾計,除了必須的事

自問佢真的對我同仔仔很好,佢會做家務,掃地.煮飯,買買餸.洗衫都係佢做,(因為佢係番一日工放兩日假的),但我地的問題真的愈來愈多,我話請工人湊bb,佢話好,然後就無反應了,唔會去搵agent公司,講完好就算了,佢永遠做事慢半拍,我就係一個好心急的人,我地好似愈來愈唔夾,我叫佢攞宿舍,唔好租屋住,可以儲多些錢比個仔將來讀書用,佢又話唔使儲咁多.

昨天,我終於火山爆發了,我叫佢搬去佢阿媽度住一個星期,我忍受唔到佢吊兒郎當的性格,佢永遠覺得錢唔使儲都得,可能因為佢覺得自己份工穩定,退休後又有長糧,唔使憂,但我的性格覺得一定要有的錢係身,萬一有咩事都可攞出來用.

我唔知點解好想同佢離婚,今日佢番咗工,我好唔開心,係屋企又亂想,我有時都懷疑自己係唔係抑鬱,但我真的唔知道點樣可以令自己開心啲? :cry: :cry: :cry:

Priscilla

私人傳訊

parker

別墅

積分: 551

2^#

發表於 06-7-10 21:51 |只看該作者

Re: 近來都好唔開心!

就咁聽你講既野, 你可能真係抑鬱, 因為我覺得你有點吹毛求疵.

你老公只係無以前對你咁千依百順, 可能係你d脾氣太大, 佢頂唔住? 費事睬你? 睬你你更變本加厲? 呢樣野你自己諗下係唔係.

佢慢半拍都唔係第一日係咁卦, 只不過唔係你講完即刻飛身去搵agent, 可能佢都想再諗清楚, 或問下人意見....等等, 我唔覺佢有咩咁大罪.

同埋你會忍唔住叫佢返佢媽度住, 即係趕佢走啦, 你脾氣似乎好勁.

最後, 一個食長糧又有資格申請宿舍既公務員, 坐定粒六好正常, 我相信好多人都會係咁, 既然政府包你食住包埋生仔, 咁有錢做乜唔享受下? 你估我地呢d 冇人照既打工仔唯有乜都靠自已?

綜合各方面, 你要檢討下, 除非有野你冇講.