大仔大女媽媽會今日: 0|主題: 177860

收藏本版

發帖

返回列表

跳至頁

查看: 1027 | 回覆: 7

[2006年] 我生阿b既經過 [複製鏈接]

andie_chow

大宅

積分: 3901

1^#

發表於 06-7-5 12:46 |只看該作者

我生阿b既經過

話咁快我個b已經係星期五(30-6-2006)個日滿月喇~
依家先有機會上黎分享下我生阿b既經歷
雖然生阿b既過程令到身邊既人好擔心..尤其係我老公..
不過我諗我過2,3年會再生多一個阿b..因為...bb真係好得意呀!!
5月28日
早上見紅..之後就入左廣華
醫生話如果24小時阿b冇動靜就要出院

5月29日
早上羊水穿了..好開心..因為知道阿b就快出世
醫生話24小時阿b唔出世就要催生..結果全日冇動靜

5月30日
上午8:00開始催生...打個支黃豆已經痛到我喊..可能因為我冇諗過會咁痛
由於我係助產士小組..我老公可以陪產..所以佢一早就係產房出面等..
早上11:00..姑娘已經將0的催生藥整到10分鐘痛4次
可惜..我只係痛痛痛...而只係開得一度
而我選擇閒氣減輕痛楚..可惜唔得..因為我覺得0的氣好臭..
1:00-2:00
探房時間..我老公可以入黎探我..
當時既我已經好痛...不斷叫..我知佢個心好痛..因為覺得一0的都幫唔到我~佢唯一可以做既只係幫我抹汗
2:15
醫生話我開得3度..
0個刻既心情真係唔係好開心
因為個日早上同我一齊催生既媽咪有幾位
眼見佢地一個二個都可以推入產房..點解我仲未得架!!
5:00
我終於忍唔住喇
我真係好痛好痛..又聞唔到笑氣...成日覺得好想all屎
姑娘話唔好all..唔好用力...呢0的只係您自己既感覺
其實係2:00之後到5:00呢段時間..姑娘已經問左我幾次打唔打止痛針...但係我心諗...如果萬一係呢三個鐘入面我生阿b..阿b一出世要打多支解暈針..好慘..所以我堅持唔打
不過到左5:00..我終於忍唔住喇..叫姑娘幫我打..真係好好多
5:50
醫生幫我check開左幾多度
oh!!!!!!!!!!!!佢竟然同我講"太太..您仲係開得3度..我相信俾您痛多幾個鐘都係唔會開到10度, 加上您已經穿水穿左好耐..所以要開刀喇!!"
跟住就叫左我老公入黎簽紙...
6:00
被推入手術室, 我選擇左半身麻醉..
6:30
阿b終於係我個肚拎左出黎喇..佢一被醫生拎出黎就喊..
0個一刻我眼淚不斷流...不過唔係因為生佢覺得痛...而係覺得...oh..我個肚入面真係有個bb呀!!
而且仲覺得呢個世界既每一個媽媽都好偉大
7:20
我被推出手術室..當時我既心情係好開心..
不過當我見到我老公既時候..唔知點解我0的眼淚又不斷流..
而我屋企人見到我既時候都不斷喊..可能冇諗過我要開刀生阿b掛~
由於我穿水過左24小時..所以阿b就要到兒科觀察

我結果6月4日出院..而阿b要8號先可以出院
理由係因為阿b可能飲左一啖羊水..所以要打消炎針..

6月6日
早上11:00幾
我去完洗手間..之後打算泵奶..下午去探阿b
突然之間下面流好多血..仲要係鮮血…真係好多好多
立即call白車….去到醫院..醫生立即要我入院…
照完超聲波..佢話我子宮入面有0的陰影..可能係血塊(因為剛剛流血)..亦可能係胎盤(不過呢個可能性唔大)因為我係開刀
後來醫生要我訓床24小時..如果冇再流血就可能因為之前子宮收縮得唔好..突然之間收..所以先咁多血

6月7日
原本醫生話我冇流血就可以出院
點知早上11:00幾既時候..下面又好似尋日咁不斷流
之後醫生好緊張..連最高級既醫生都黎睇我個case
佢地話我入面一定有一個傷口..所以就不斷流血
唯左保住大人既命..要立即做手術
首先做一個導管既手術..用x ray去搵出我邊條血管流血..之後就搵0的野室住
不過如果呢個手術唔成功或者係手術當中我又流血咁就要切除個子宮
個刻聽到..我既眼淚不斷流..因為我覺得自己好冇用..
想順產又唔得..之後又要催生…結果仲要開刀…開刀完之後0的血管又唔識收縮!!!!!!!!!!!!!
手術做左2個幾鐘..好彩成功!!!!!!!!!!!!!!

6月9 日
我同阿b一齊出院回家

講真…我唔會因為呢次既經歷而唔再生
不過係呢次生bb既過程入面….我知道我老公真係好釤好鍚我~我好開心可以嫁到俾佢

依家我地一家三口過得好好!!!