Baby Kingdom - 親子王國 香港 討論區 › 首頁 › 夫婦情感› 我的故事

夫婦情感

收藏本版
發帖
返回列表
跳至頁
我的故事 [複製鏈接]

首頁
1

尾頁
   0
happy_cow


大宅

積分: 1451


1#
發表於 06-6-28 19:16 |只看該作者

我的故事

上年我有咗bb, 因為我真係好鐘意好鐘意我老公, 我決定生個bb出; 果時我地已經拍咗拖6年, 其實之前都有結婚的打算, 不過可能係過多一兩年嘅事, 因為咁, 我好驚, 怕佢因為個bb, 係責任問題而決定同我結婚, 我有諗過唔同佢講我有bb, 自己一個人去一個佢唔知的地方生佢出黎.. 朋友笑我傻, 講到底佢係爸爸, 有權知道..我結果講咗俾佢聽

佢的反應並唔係我想像舨開心, 佢一直只係擔心人地點睇佢, 我心傷心... 佢叫我自己決定係咪要個bb, 要的話一定要同佢結婚, 如果唔結婚就唔好要個bb... 結果... 我的婚禮係一個冇求婚的情況下進行... 或者求婚對我黎講只係一個夢, 而我亦只有跟佢搬去同佢屋企人住

半年後的今日, bb出世啦... 我好開心因為佢好可愛.. 但同時, 問題不斷發生...

老公因為工作不斷夜返屋企... 每日除咗瞓果幾小時佢係我身邊外, 我地根本冇時間見面, 佢的確好忙, 唔係去做咩, 不過拍拖時再忙佢都會偷偷打電話俾我, 依家一日一個電話都冇, 我試過打俾佢, 佢啲語氣已經變曬, 只會答"係""唔..好啦", 好多時都九唔搭八, 好似好怕俾人知道老婆打俾佢咁... 就連依家返屋企講電話佢都會走入房, 怕人地聽到bb的喊聲.. 佢唔係屋企的時候, 就叫佢屋企人陪我, 佢又點會知道我根本唔洗人陪, 要的其實只希望佢係我身邊, 生完bb都只有自己, 感覺又點會好受

bb出世後我同佢家人亦開始有小問題...雖然大家相處好似好好, 但教bb的方式有所不同, 問題亦不斷發生..即使老爺反到屋企, 我根本冇野同佢講, 唯有自己返入房

結果我終於忍唔住同佢講, 講出我對佢的感覺, 佢笑說只係因為佢太忙, 叫我俾時間佢, 我好怕, 我地冇經過新婚最開心的日子, 冇過過兩口子自己係屋企開開心心的經歷, 雖然時間好短, 但我冇勇氣繼續落去啦....

另外, 有時關於bb, 同佢屋企人唔多唔少有一兩句難聽的說話, 我有提過不如搬出去, 始終相見好同住難.. 即使住近啲都冇問題, 但佢就覺得佢想陪多啲佢爸媽... 但佢爸媽今年只係50歲左右, 其實仲好後生; 但我真係好擔心, 唔通等到有問題至分開住, 大家到時一定唔好過...

婚後原來發生咁多問題... 我好希望佢明白我, 講我經已講過, 我仲可以點做呢???呢段路我應該點行落去呢?
私人傳訊

mantracy


大宅

積分: 1640


2#
發表於 06-6-28 19:32 |只看該作者

Re: 我的故事

希望在明天....be happy！
私人傳訊

SkySiu


伯爵府

積分: 18757


3#
發表於 06-6-28 19:57 |只看該作者

Re: 我的故事

宜家唔好唸咁多, 既然現在系到住, 搬應該唔系短時間內的事, 先要做的系溶入老公一家, 開心點, 人多自然意見多, 要抱平常心去睇, 斷古佢地都唔會害bb, 只系意見多多又唔多啱聽啫.

我以前都有執住佢地一句話而唔開心, 現在想番起都覺自己無謂. 佢地都可能唔記得講過物, 呢d系佢地生活習慣, 系你唔慣, 你老公就習慣左. 所以聽左就算.

就算將來唔住一起, 都唔好搞差關系, 好難修補架. 好泥好去嗎. 開開心心咁去過日子, 無謂日日以淚洗面, bb仲細要聽的意見還多著呢

如果凡事都從負面先行, 生活系好痛苦的. 一家人大家有意見比下你, 其實唔一定系差架, 亦唔須要去同佢地辯論, 覺得唔啱聽的, 你可以問下老公意見是不是一樣, 理據在何, 聽左先, 點做系以後的事, 慢慢泥. 條長路遠呀.

如果每件事你都上心, 咪攞自己泥煩 !? bb已降臨, 湊bb系好開心既事, 比心機呀.
私人傳訊

Mrs.Chan


公爵府

積分: 26464


4#
發表於 06-6-28 20:06 |只看該作者

Re: 我的故事

可能你地係無準備情況下結婚同生子,
結婚同生子是人生大事,
一下子未能適應,
多點溝通, 給大家多點時間去適應。

恭賀新禧，迎春接福！
私人傳訊

happy_cow


大宅

積分: 1451


5#
發表於 06-6-28 20:56 |只看該作者

Re: 我的故事

我的確好想同佢溝通多啲, 結婚後我覺得同佢疏遠咗好多, 好陌生, 我同佢講過... bb出世後更差.. 我曾經以為因為bb我少咗理佢... 但唔係..

已經好耐好耐冇大家好好坐埋一齊食飯, 我試過主動打俾佢, 問佢返唔返屋企食飯, 佢話唔得嫻, 結果俾我發現佢叫朋友陪佢食飯... 如果早返, 返黎打機就去瞓, 全日我聽到只有一句, "攰啦, 我瞓啦"...

我又試過問自己係咪煩佢, 試吓唔搵佢咁多... 佢原來真係可以唔理我...

我試過努力, 但一個人努力, 根本做唔到啲咩... 婚姻就係咁咩??
私人傳訊

ac321


侯爵府

積分: 24705

好媽媽勳章


6#
發表於 06-6-28 21:16 |只看該作者

Re: 我的故事

happy_cow
我估妳地都係廿幾歲後生仔女，right?
妳老公好似係逃避緊照顧bb多d.... 男人係呢方面係比較遲先成熟。妳試下多d找人幫手睇住bb，自己同老公2個多d行下街、食下飯、又或者去下旅行！！記住，吾好成日圍繞住bb做話提，understand?！
私人傳訊

OneTwoThree


男爵府

積分: 5598


7#
發表於 06-6-28 23:35 |只看該作者

Re: 我的故事

我始終覺得女人大住個肚先結婚會蝕底左, 點解我咁講, 因為大家都必未肯定對方係咪結婚既對象, 某程度上一d男人為左面子or責任(驚俾人話係負心漢)而去同對方結婚, 好老實講陀個果唔係佢、生個果唔係佢、湊就梗加唔洗講啦, 佢講一句生就好easy, 但你要生就要將人生完全改變, 咁究竟要bb係邊個要付出多d呢?? 你自己而家都知啦, 唔係點解d呀媽咁怕個女蝕底俾人就係咁解啦!! 其實你老公只不過係負左明義上既責任, 你叫佢老公佢叫係老婆bb有爸爸媽媽, 但真真正正係生活上只係得你同bb一齊相依為命, 你老公就係度選擇逃避, 我有個親戚都係咁, 個女既問男既有左要唔要個bb, 個男人話好, 女人生左之後就同個男人去註冊, 婚後個男人話公司要佢返大陸做野, 所以成日都上大陸, 女既就晚晚望郎歸, 後來bb出左世, 個男既仲成個星期係大陸做野, 只係星期日先返嚟, 咁既生活個女既過左兩年, 女人係新公司識左個男同事, 個男同事成日對佢表示有好感, 起初個女既都唔接受, 因為佢仲等緊個老公回頭, 可能係等得太耐老公依然係咁, 個老婆心淡, 於是就同個同事try吓, 結果就係個bb3歲既時候佢地兩個正式離婚, 老公依然係大陸工作, 而老婆就同左個新歡去左澳門做野, 而個bb就留番俾個女人既呀媽湊, 其實個女人由頭到尾都好愛佢老公, 拍拖個時為左留住個老公仲走去玩自殺, 後尾一路都keep住睇精神科, 佢老公怕左佢都避過佢一排, 後尾唔知點樣佢地又走番埋一齊, 仲生埋個女, 而最終佢地都係要走離婚呢條路, 我講俾你知既係一個真人真事, 而你既結局係點你應該要理智咁去唸下, 既然bb出左世巳經係事實, 不如你唸下第時應該點行條路係會對大家都好, 你而家等待係希望對方有改變、回會心轉意, 但事實又係咪你想像中咁呢?? 你自己都心中有數, 之不過係搵唔到人去支持你啫, 我講左咁多之不過係想講我心中說話, 亦都希望幫到你搵番條o岩既路俾你自己行, 希望你能夠解開心中鬱結, 快快樂樂咁生活落去
私人傳訊

happy_cow


大宅

積分: 1451


8#
發表於 06-6-29 12:12 |只看該作者

Re: 我的故事

係嘅, 或者你地講得啱, 我就黎30歲, 未有bb前我好鐘意玩, 因為份工收入好好, 放工會同一大班同事去玩, 當時的生活真係好開心...

因為佢比較大男人, 成日唔鐘意我出去, 又試過有好幾個比佢更好條件的人追我, 我都放棄, 我希望佢明白我係愛佢的...以前佢成日同我講一個屋企應該咁咁咁, 好似好美好咁... 呢個至係原因令我以為呢個男人係成熟的...

有咗之後, 我決定改變我的生活, 一黎為咗BB, 我冇理由放低BB自己去玩, 二黎為咗我同佢呢個屋企, 既然結婚生仔, 我覺得我地應該長大啦....我仲辭咗份工打算專心做個好媽媽, 好老婆

當時佢好似好開心, 但呢段日子只維持咗一個月, 之後佢開始早出晚歸, 可能佢仲怕我周圍去, 成日叫佢屋企人睇住我; 打後的生活我就好似自己一個咁.. 我有試過溶入佢屋企人的生活, 但生活方式好唔同, 我可以唔理, 但奶奶連我房的擺法/一切都要理, 而我湊BB呢, 又理, BB 依家開始搵媽咪, (可能跟得我多), 老爺奶奶又唔鐘意, 一返黎就抱走BB, BB望住我喊, 佢地又唔俾佢返過黎, 而我又唔可以表現得太緊張... 心又點會唔痛呢....

如果佢係自己身邊支持自己, 感覺可能好唔同, 但得我自己一個, 同當初我自己生BB出黎根本冇分別, 我冇後悔生BB, 因為BB我學咗好多野; 但我開始後悔結婚, 原來同一個唔明白自己的人生活係好痛苦架... 我希望大家去溝通, 但對方冇心, 根本冇用...
私人傳訊

Dolla


別墅

積分: 773


9#
發表於 06-6-29 13:01 |只看該作者

Re: 我的故事

happy_cow ,
其實我有好多野同你都好似, 我一樣係有BB先結婚, 亦無經過求婚既階段, BB亦係佢問我要唔要先生落黎架, 我亦都係同佢屋企人一齊住, 我可能仲多你一樣野, 就係我阿媽唔鐘意佢, 唔俾我跟佢, 我就離開屋企, 最後揀左同老公一齊;

我嗰時陀BB都係好alone (嗰時我老公係一個人住) 覺得無人支持(自己屋企又唔返得), 老公嗰時都會成日同fd去飲酒到天光, 淨得我一個人係屋企等通宵, 嗰時我就係覺得好慘, 好可憐, 我試過想走, 但諗返以前既野又唔捨得, 最後只係坐左係公園一陣, 喊完就算;

到而家, BB9個幾月, 有時叫佢幫手揍下, 佢就顧住打機, 叫十次百次先應, 又係電話都無個, 但好過之前好多. 我亦唔奢求咁多, 只係知, 佢心裡仲愛我, 愛BB, 咁就得啦.

有時既野, 都係一時衝動而起, 但你要諗清楚, 好多野做完就返唔到轉頭!! 你唔好咁偏激, 好多時, 男人對改變生活會顯得唔習慣, 佢地會選擇去逃避, 有時俾佢地放鬆下(當然唔係過火嗰隻) 當佢慢慢適應, 就會調整過來.

或者你冷靜d同你老公出去傾傾, 聽下佢點講, 如佢仲愛你, 你咪俾次機會佢囉. 你要知道, 你仲有BB, 你大前提一定要為BB著想呀
做父母不容易~我們努力吧!![/color]
私人傳訊

Canna826


民房

積分: 85


10#
發表於 06-6-29 13:04 |只看該作者

Re: 我的故事

所以搵老公一定要搵個佢愛你多過你愛佢嘅人...................我就搵錯咗嗱.....我又係有咗先結婚,當時佢重話唔要tim,不過,我唔肯,到現在over　ａｌｌ　ｏｋｌａ（２個女嗱！），間中吵吓嘴，尋晚前晚先吵完，做人就係咁架ｌａ，男人永遠都唔成熟嘅，感受呢樣野見人見智ｌａ，你可以試吓ｓｅｎｄ　短息比佢，我老公好似啞咁我都係咁，ｓｅｎｄ咗比佢，就算佢唔覆都起碼佢知道嗎！睇開ｄ　ｌａ，時間過得好快，開心ｄ面對吧！！！
私人傳訊

SkySiu


伯爵府

積分: 18757


11#
發表於 06-6-29 13:11 |只看該作者

Re: 我的故事

happy_cow

1) 你老公的問題, 你有沒有認真同佢傾過 ? 如冇, 你就要好好地同佢傾下, 話比佢知你的感覺及須要, 看他有何表示.

2) 要真正溶入他的家, 首先你要付出愛, 對他家人的愛,

"BB望住我喊, 佢地又唔俾佢返過黎, 而我又唔可以表現得太緊張... 心又點會唔痛呢...."

如果抱住亞b的系你亞爸/媽, bb望住你喊... 你個心又會唔會痛呢 ?? 我就會話"傻朱泥嘅, 公公/爺爺泥嗎". 如果掉唔得番轉頭, 系咪跟本未當佢地系親人 ?
好多時問題就系咁來, 所以如果有唔開心時, 試下掉轉泥唸, 睇下ok唔ok. bb多人鍚多人抱咪好囉, 自己又可以多d時間休息,做下自己野都好, bb斷古唔會當左抱個系亞媽嘅.
唔好成日覺得佢地針對你, 唔啱聽真系當聽唔到就算啦.

且你對他家人好, 在好多問事上都會對你有益處, 多d笑啦, 你先有笑容, 人家都會感到舒服, 有意見比你都和順d架. 我覺得你越差時, 佢地的惡意批評會越多.

既然已住左系到, 得到佢地支持, 系老公問題方面都會好d架, 起碼唔幫口都唔會加一腳.

平衡夫家關系都系婚姻的一部份, 仲有好多野要學架, 慢慢泥啦. 努力.
私人傳訊

Canna826


民房

積分: 85


12#
發表於 06-6-29 13:21 |只看該作者

Re: 我的故事

當時我老公重需到連起身番工都唔肯呀，　我大住個肚叫佢．．．唔起，拍佢．．．唔起，鬧佢．．．唔起，唯有拉佢落床睇吓你起唔起　－　死未！（跟本就幫佢呀媽揍仔）
一個星期出咗去半個星期，佢出街我就出淚，去完街番黎彩你都’疏’你哭你嘅事佢重快罰過你，真係人都’ｄｉｎ’呀！又唔想比屋企人知唯有啞忍，諗番好惷，屋企人有嘜唔講得ａｈ！講咗起碼有人分擔吓先，你都係千期唔好諗太多，男人就是這樣的．．．．．．．．．．．．．． :-( :-( :-(
私人傳訊

onon1022


子爵府

積分: 12600

好媽媽勳章


13#
發表於 06-6-29 13:33 |只看該作者

Re: 我的故事

其實你可以諗...比bb接觸多d人...咁佢就唔會怕陌生...多d同佢屋企人傾偈...例如一齊同bb去玩...如果你老公放工返黎...你可以幫佢按摩...或者食完飯...要求佢陪你行一陣公園或者去附近行下當散步...如果屋企人可以照顧bb...試下放低bb...去接你老公放工...雖然你老公未必可以即時改變自己...但係見到你既轉變...相信佢都會為你同bb...改變自己...比d時間大家...同埋試下出去搵份工做...一黎可以有d寄託...二黎可以儲錢...



[url=http://lilypie.com][img]
私人傳訊

happy_cow


大宅

積分: 1451


14#
發表於 06-7-2 07:47 |只看該作者

Re: 我的故事

其實你地講嘅我都做過, 但真係好辛苦好辛苦, 每樣嘢都好似要我求佢, 求佢俾機會我接觸多佢少少, 少少...

好似今日佢唔舒服, 我俾電話佢話咗會整定啲嘢俾佢食, 佢仲話好...結果夜晚, 佢同佢阿媽講冇嘢食... 根本佢完全忘記咗... 可能好多嘢看似好小事, 但, 比著以前一定唔係咁, 我嘅心真係好痛好痛.

佢屋企人方面, 我都仲可以, 最多真係唔啱聽就唔聽, 但, 睇真啲佢地都冇當我係屋企人, 無論老公, 佢屋企, 我都係一個人自己去付出, 好辛苦呀... 佢屋企人唔明我, 我明白, 大家仲可能用時間去適應; 但老公呢, 佢唔明我, 係最傷心架... 感覺就更加alone

當然我同老公傾的時候態度唔係咁激, 佢試過聽, 聽完第二日會打俾你傾兩句, 第三日就故態復萌, 你的一切佢可以唔記得, 係真係完全忘記... 我成日諗, 我地可以對的時間又有幾耐呢, 假如今日我有咩意外, 佢係咪要咁至可以珍惜, 到時可以太遲啦, 當然我唔係要做傻事啦, 只係我覺得, 假如我同佢可以活到70+歲, 我地只有40年左右對住, 其實好快架, 點解大家唔珍惜呢...

依家我對佢的要求已經一日比一日少, 我知道架, 即使更愛一個人, 都會有感情淡的一日, 可能我冇你地咁叻, 我覺得我好希望大家可以努力去維繫住, 但佢的表現話俾我知, 佢根本冇諗過, touchwood果日黎到, 我已經心淡而冇心機繼續啦, 點解一後本來好好的感情要變成咁
私人傳訊

onon1022


子爵府

積分: 12600

好媽媽勳章


15#
發表於 06-7-2 15:00 |只看該作者

Re: 我的故事

不如試下用張紙...寫你今日做過d咩...整左咩野比佢食...想同佢講既野...甜言蜜語等等...然後貼係佢會睇到既地方...或者會有幫助...付出未必會有回報...但係未試過...又點知會唔得...



[url=http://lilypie.com][img]
私人傳訊

sharonhwyc


珍珠宮

積分: 35826

好媽媽勳章 畀面勳章


16#
發表於 06-7-2 15:22 |只看該作者

Re: 我的故事

你有冇諗過會唔會係產後抑鬱呀?
郁D就起晒鋼, o係論壇好難生存架, 學下大方d接受人地建議, 唔好咁小家!
私人傳訊

happy_cow


大宅

積分: 1451


17#
發表於 06-7-5 19:30 |只看該作者

Re: 我的故事

我相信自己唔係lor...
但有邊個生完bb唔想老公係身邊架, 偏偏佢就冇時間; 而好多野係我地一結婚之後就變!
私人傳訊

KAREN789


大宅

積分: 2223


18#
發表於 06-7-6 00:41 |只看該作者

Re: 我的故事

我其實都係有左先結婚,講真其實唔關事嫁,只要你一嫁左比佢,佢就會無咁緊你,不過只要你地唔好成日好似老FULL老妻咁，要過下２人世界，有時要放底BB比人幫手，仲有當你BB再大０的，你就會覺得好煩，同你老公屋企人一齊住，佢地教仔方法同你唔同，會好多交０益，最好唔好一齊住啦....　
私人傳訊

vespa


子爵府

積分: 10508


19#
發表於 06-7-6 03:23 |只看該作者

Re: 我的故事

你出番黎做野啦, 好多野都會解決, 你有番你自己嘅生活, 就無時間諗咁多自己同老公, 身邊多個錢, 對屋企又多D貢獻, 屋企地位又會穩陣D, BB老爺奶奶湊, 再唔係請工人, 放工自己睇返, 到時同老公話題多左無咁沉悶, 又或者自己根本忙到老公搵你都無時間覆佢, 佢就會懂得珍惜你....
私人傳訊

sylviawu


複式洋房

積分: 280


20#
發表於 06-7-6 17:26 |只看該作者

Re: 我的故事

我都係有咗先結婚,仲要係我知道有咗前一日決定咗同佢先分開下,諗清楚係咪可以同佢一齊,點知就發現咗我有咗..
我都問過佢要唔要個bb,佢就諗都唔使諗咁話要,仲係好開心果隻..所以我就決定咗同佢結婚..

其實結婚同生bb係人生中嘅大事,好似我咁,大家其實都未有足夠準備去面對,當中梗係會有好多問題啦..而我最初都成日唔開心,因為我老公唔係一個細心嘅人,仲係一個大細路,成日依賴屋企,又唔理我大咗肚,唔幫我做家務,又唔會幫我攞重嘢,又要成日返6299度,你知啦,好辛苦架..但係我成日同自己講,既然已經發生咗,又無人迫我行呢條路,係要自己負責,總之最堅要係阿b..

而個bb出世之後,雖然大家都好開心,佢仲請咗假陪我,但有時都見到佢好似好唔開心咁,成日唔出聲,可能佢係未適應做人老豆,發覺好大壓力,另外,佢搵得唔多,所以成日都好擔心,你知啦,一頭家嘅使費都好多架,而家仲多咗個b,又要諗佢第日d讀書費等等,好在我無諗過唔做嘢.. 而佢屋企人好煩,成日睇住我份糧,成日問佢攞錢,一d都唔睇量我地有小朋友同要供樓,攪到我老公同我都好唔開心..最後都係由我出馬同佢屋企講最多係咁多,再多d都無架..當然佢地梗係唔高興啦,不過我唔會再為佢地d唔合理嘅要求勞氣..

最初我都唔知我老公做乜,後來我捉住佢傾,你知啦,男人除咗適應比我地慢之外,最鐘意逃避問題,唔願去面對,我都試過好唔開心,係呢度同大家呻..好在而家好似有d問題大家了解多d,咁先可以開開心心咁去面對問題..

所以我覺得會唔會係你地好似我一樣,可能係大家未適應新嘅角色,你又無再返工,又搬去一個新嘅環境,尤其是要同佢屋企人一齊住..一定會好唔習慣,而佢亦可能覺得壓力大咗,可能佢屋企人又比咗好多壓力佢,唔知點去面對先會咁..最好係大家真係可以認真咁傾下個問題,我相信一定會解決..
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy