吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 個個都係講62同99,其實我覺得自己亞媽都唔多好... ...

夫婦情感今日: 4|主題: 42774

收藏本版

發帖

返回列表

跳至頁

查看: 3610 | 回覆: 48

個個都係講62同99,其實我覺得自己亞媽都唔多好... [複製鏈接]

12 3

bb鼠

伯爵府

積分: 17924

好媽媽勳章

1^#

發表於 06-7-6 23:50 |只看該作者

個個都係講62同99,其實我覺得自己亞媽都唔多好...

見到各媽咪都係話62同99唔好,其實我覺得自己亞爸,亞媽都唔多好...希望各位衡量下,定係我自己多心呢

...就由我自己搬出去住開始啦..
我18歲就搬出去住,因為我唔鐘意老豆唔比我拍拖,佢成日聽d鄰居8婆講話我成日帶男仔返屋企(我亞媽都係屋企,我帶同學返屋企有咩問題)

我搬左出去後無再比家用,因為自己都好難頂,亞媽話無比錢唔好返屋企,費是比老豆見到唔鐘意(其實我都唔知佢邊句真

)
到沙士啦,我地住係高危地方,佢地成個月一個電話都無打過黎,亞媽仲話如果你有事你大佬實講,咁我地住係果些地方咁大壓力,你關心下唔得咩,佢仲話佢都唔敢同人講我地住係淘大

之後我就結婚啦,我亞媽話"我唔理啦,你地鐘意點就點啦"其實係佢驚佢有咩要求就要佢比錢...我老豆一樣野都無送比我,淨係送左隻介子毛比我老公

我同我大佬好friend,我問佢送咩比我,佢話亞媽話未結婚唔洗送,我問番亞媽,佢話"車...第時佢結婚你咪又要送番比佢,唔洗啦"

我話"如果佢結婚我好樂意送比佢" :tongue: 結果,我2佬同我老豆係咩都無

而家有時睇朋友d結婚帶,我都好想cry :-(
到04年,我2佬結婚啦,我老豆穿套"老西"去飲,我果時只係夏威夷衫,到我2嫂"針"茶比我果陣,我留意到點解我放係亞媽度對耳環會係佢耳仔到,亞媽仲大大聲聲話"呢對hello kitty係我係邊度邊度買"嘩...果對明明係我對miffy耳環,後來我問佢做咩將我d野無問個我就送比人,佢話"車...你都大把唔要啦"

咁你將我d野送比人係咪要問下我先

仲有呀,亞媽佢上次我結婚話大佬未結婚唔洗送野同做人情,今次佢叫我大佬做人情呀 :tongue:
到上年啦,我話比亞媽聽d m 遲左,後來confirm話佢聽,佢話"下...唔係中焦呀"我都結左婚幾年啦,有咩問題,跟住佢話唔同d親戚講呀,都我亞姨打黎話佢個女有左佢先話比人聽 ?-( 因為有左bb,想近亞媽會方便些,我地就賣左樓搬去佢附近, 未生時口口聲聲話點樣點樣多左個b會上黎多些,點知亞b3週啦,都只係上過黎2次(1次仲係帶人上黎), :-( 我又比佢騙左啦,早知係咁我就唔搬黎呢度,因為我都唔係太鐘意呢度d環境,我又唔想同老公講,因為係我話搬黎呢度,我想番呢d野已經cry左幾晚啦 :-(

私人傳訊

幸福藍妹

大宅

積分: 1110

2^#

發表於 06-7-7 00:00 |只看該作者

Re: 個個都係講62同99,其實我覺得自己亞媽都唔多好...

連自己屋企人都咁經典既~~如果我喺咁既家庭長大我早就離家出走~~你屋企係咪重男輕女果d呀?

私人傳訊

bb鼠

伯爵府

積分: 17924

好媽媽勳章

3^#

發表於 06-7-7 00:09 |只看該作者

Re: 個個都係講62同99,其實我覺得自己亞媽都唔多好...

我對上又2個亞哥,亞媽話想要個女所以追,仲話如果生女就請晒全"塵"樓食紅雞蛋,但係照睇....係咪講大話

私人傳訊

牛魔王

大宅

積分: 1206

4^#

發表於 06-7-7 00:19 |只看該作者

Re: 個個都係講62同99,其實我覺得自己亞媽都唔多好...

bb鼠,

唔好唔開心! 而家坐月唔好cry!
亞爸亞媽唔錫你唔緊要, 最緊要有老公錫你, 遲d 重有bb錫!
對於屋企人只好放棄, 無必要少見面, 免得自己唔開心!

私人傳訊

lo8189

子爵府

積分: 12454

5^#

發表於 06-7-7 11:44 |只看該作者

Re: 個個都係講62同99,其實我覺得自己亞媽都唔多好...

bb鼠
我同你一樣咁慘！ :-( :-( :-(
因為自中一開始我同呀媽就'火星撞地球',日日鬧交,所以我16歲就同佢哋傾想搬去同男友住(當時16歲我已經返工)佢哋都話OK！
點知唔夠1個月我失業,第2個月又有咗BB,我哋雖然冇乜$,但男友有份工衰衰哋都叫捱到嘅！當時就約埋2家人出嚟傾,我99 :-( 因為佢都冇$兼單親、個仔又搞大人哋個肚,但我mami、daddy堅持要擺酒同埋$40000禮金

如果唔係就落咗bb :cry: 跟住我老公就捱到cc下,做part time揾$,加上我自細有儲$,都有萬幾蚊,咁跟住就大住肚結婚擺酒！(我哋比咗$38000,呀媽買咗$10000以下金比我)但之後佢同親戚講話d$係佢嘅,話我貼$嫁人！！唉........
我大肚咁耐,mami冇乜打比我,只約過我一次飲茶,其他係我約佢;過節過節返去食飯,我老公收工趕嚟,我老豆又同人講我老公成個乞e咁,直到我生完bb喺醫院都唔嚟探我,到十二朝先嚟一次,仲有好多事..........總之佢哋勁睇唔起我哋窮 :cry: :cry:
直到近呢兩、三年我哋買咗樓,佢哋先主動揾我,仲問洗唔洗借$比我裝修,我拒絕咗,因為我心唸:我受唔起

當初窮到c又迫我哋比$40000,而家又咁？

咩意思？ ?-(
我一提到我屋企人就心淡........ :cry: :cry: :cry:

私人傳訊

Kinexma

男爵府

積分: 6606

6^#

發表於 06-7-7 12:42 |只看該作者

Re: 個個都係講62同99,其實我覺得自己亞媽都唔多好...

最終都係一個錢字,
冇個陣騷都唔騷你驚死連累佢地,
到你好似環境好 dd 咪走泥贈慶,
連自己人都做唔得到雪中送炭,
好鬼灰

私人傳訊

lo8189

子爵府

積分: 12454

7^#

發表於 06-7-7 12:46 |只看該作者

Re: 個個都係講62同99,其實我覺得自己亞媽都唔多好...

100% agree~ :-( :-( :-(

Kinexma 寫道:
最終都係一個錢字,
冇個陣騷都唔騷你驚死連累佢地,
到你好似環境好 dd 咪走泥贈慶,
連自己人都做唔得到雪中送炭,
好鬼灰

私人傳訊

edea

王國長老

積分: 119109

王國長老

8^#

發表於 06-7-7 13:03 |只看該作者

Re: 個個都係講62同99,其實我覺得自己亞媽都唔多好...

呢個topic令我睇完好傷感...

奶奶點對自己唔好,都冇阿媽對自己唔好咁心痛.
:cry:

我唔係經常上BK, 想搵我嘅朋友請email: [email protected]

私人傳訊

lo8189

子爵府

積分: 12454

9^#

發表於 06-7-7 13:11 |只看該作者

Re: 個個都係講62同99,其實我覺得自己亞媽都唔多好...

edea
"奶奶點對自己唔好,都冇阿媽對自己唔好咁心痛"--真係會架！但係未必人人都明白,可能例子少d啦 :cry:

私人傳訊

edea

王國長老

積分: 119109

王國長老

10^#

發表於 06-7-7 13:22 |只看該作者

Re: 個個都係講62同99,其實我覺得自己亞媽都唔多好...

lo8189 寫道:
edea
"奶奶點對自己唔好,都冇阿媽對自己唔好咁心痛"--真係會架！但係未必人人都明白,可能例子少d啦 :cry:

係呀,我諗我比較好運,我媽媽自細好錫我,而家我又係好錫我個女,自己有個諗法,做媽媽既梗係要好錫自己既仔女啦,如果做媽媽既都唔錫佢地,做仔女會內心好難受.

出黎做野,有好多氣受,但係內心既支柱係有父母錫,有老公女兒錫,先會忍完又忍... 家人既愛係生活裡面心靈既支柱.

我唔係經常上BK, 想搵我嘅朋友請email: [email protected]

私人傳訊

CYK

大宅

積分: 4240

11^#

發表於 06-7-7 15:07 |只看該作者

Re: 個個都係講62同99,其實我覺得自己亞媽都唔多好...

我覺得人比人,比死人

我既結論係,嬲佢都浪費氣力,D人做得出,就唔覺自己有錯,你自己介意+嬲到自爆,都係辛苦那個是自己(雖然要完全忘記又係幾難)

所以,我出來做事,受幾多氣都頂得順,因為那些點同我在家所受的相比,簡直係小兒科

edea 寫道:
......
出黎做野,有好多氣受,但係內心既支柱係有父母錫,有老公女兒錫,先會忍完又忍... 家人既愛係生活裡面心靈既支柱.

私人傳訊

onon1022

子爵府

積分: 12600

好媽媽勳章

12^#

發表於 06-7-7 15:12 |只看該作者

Re: 個個都係講62同99,其實我覺得自己亞媽都唔多好...

其實好多父母都好鍚自己既仔女...問題係...當仔女令佢地傷心...或者反叛...唔聽父母話...覺得你地已經變壞...都令父母...由疼鍚佢地...到放棄佢地...同埋講錢失感情...好多父母認為...自己辛苦養大仔女...都希望仔女會比錢養番父母...如果屋企有幾個仔女...一個仔女唔比家用屋企...其餘仔女...又聽話...又比家用屋企...自然會變得厚此薄彼...人人都唔同...不過始終都係父母...無佢地...就無而家既我地...可能佢地未必疼鍚自己...但係只要自己盡一d孝心...終有一日...父母會知道...邊個最好...

[url=http://lilypie.com][img]

私人傳訊

小寶貝兒

珍珠宮

積分: 30295

13^#

發表於 06-7-7 15:35 |只看該作者

Re: 個個都係講62同99,其實我覺得自己亞媽都唔多好...

CYK,
妳最後果句, 我真係好認同!! 因為我老公都係咁樣講!!

佢屋企其實物質上冇問題, 之但係佢阿媽有問題, 成日鬧人, 冇道理可以講, 同佢講親乜野都唔聽, 仲要成日講話為左d仔同老公, 點樣點樣捱生捱死, 又話冇食過d仔半餐飯(實情當然唔係咁啦, 只不過佢係選擇性失憶)

我老公由起初好孝順佢, 乜都聽佢講, 佢唔開心就氹佢至少1個鐘, 矮佢半個鐘出去食餐飯, 到而家被佢鬧得太多, 心淡, 唔想理佢!

有日我地討論開點解我做野成日做唔長, 而佢就做2份工, 2份工都好成功, 佢講話就係因為佢阿媽, 由細到大都對佢做d無理既野, 就好似d老闆一樣, 所以d老闆點樣對佢差, 玩佢, 用粗口鬧佢, 佢都頂得住, 因為佢係屋企所受既係呢d老闆比佢既十倍!! 而我呢, 就係因為係溫室小花囉.....

有時我都好疑惑, 第時應該點樣教仔呢? 點樣可以唔令佢受傷, 但又知道世態炎涼呢?

CYK 寫道:
我既結論係,嬲佢都浪費氣力,D人做得出,就唔覺自己有錯,你自己介意+嬲到自爆,都係辛苦那個是自己(雖然要完全忘記又係幾難)

所以,我出來做事,受幾多氣都頂得順,因為那些點同我在家所受的相比,簡直係小兒科

[quote]
edea 寫道:
......
出黎做野,有好多氣受,但係內心既支柱係有父母錫,有老公女兒錫,先會忍完又忍... 家人既愛係生活裡面心靈既支柱.

[/quote]

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

麟媽媽

王國長老

積分: 89574

好媽媽勳章王國長老

14^#

發表於 06-7-7 16:20 |只看該作者

Re: 個個都係講62同99,其實我覺得自己亞媽都唔多好...

我覺得當你埋怨父母時，
先想想自己為父母做過D 咩呢？
父母將自己養大，眠乾睡濕，唔好講反哺咁孝義，
父母病有無陪佢睇過醫生？有無為佢煲過一啖粥？
如果自己對父母盡晒做子女既責任，
而父母對子女涼薄，咁呢對父母唔值得子女尊敬。
但如果係子女忤逆，做出種種傷盡父母心的事，
反而怨父母對自己涼薄，行雷時真係要盡量行騎樓底。