吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 是我有問題嗎?

夫婦情感今日: 8|主題: 42703

收藏本版

發帖

返回列表

跳至頁

查看: 2499 | 回覆: 15

是我有問題嗎? [複製鏈接]

karmen0411

大宅

積分: 3261

1^#

發表於 06-8-15 14:49 |只看該作者

是我有問題嗎?

我同我老公拍左2-3年拖, 係舊年10月結婚(因為有左bb), 當時佢係想叫我唔要bb, 因為佢未玩夠, 但最後我唔捨得加上我地係好難先有bb的, 先從結左婚, 我覺得我地感情大不如前, 佢成日都想出街玩, 好多時天光先返,後來我好唔開心, 大住個肚自己一個人係屋企間房, 我覺得好無耐, 可能因為我大肚,所以我地都好少ML,到左今年3月, bb出左世, 佢係去少左街, 但一星期總會有4日去左踢波,得我一個人食飯, 放工返到屋企只得我, bb同工人,踢到12-1:00am先會見人, 就算係屋企佢都打機(online and PSP and PS2), 打到天光先返入房訓, 其實我覺我自己好孤獨, 好寂寞, 每晚都係自己一個人訓, 如果唔係我主動叫佢入黎陪我訓, 佢都唔會入房, 唔知點解我覺得佢係到逃避我, 每個星期最多ML一次, 每次都係我做主動, 我地都係廿幾歲, 我生完都已經好快回復未生既瘦身型,我有send sms問佢, 我生完係咪唔同左所以你唔中意同我ML, 佢答我唔係, 無唔同而係驚我ML後唔舒服,我真係覺得莫明奇妙,未結婚前,主動果個係佢, 仲要一星期起碼2-3次, 反而而家一定唔會有呢d事發生, 我最近有作出主動, 佢連續兩次都拒絕我, 我覺得自己好可憐, 我忍唔住問佢,我係咪真係咁差?係咪我有問題?佢答我一星期一次仲唔夠呀???(但係我睇過好多統計,一星期一次真係算少)我心諗一星期一次可以無問題, 問題係每次我都係主動果個, 我都係女人, 我都想有人錫, 我成日見到呢到好多mami話通行係老公做主動, 一星期一定有2-3次, 但自己好似每次都苦苦哀求, 我覺得自己無自專, 同佢大吵.其實佢係ML時佢叫我做咩我都會做, 好少拒絕, 除非係極度不願意, 因為我知道一定要互相遷就, 奈何只有我一個人主動.
我同我自己講, 我以後都唔會同佢同一張床, 亦唔會再同佢ML, 我想揾返我自己..... :-(

私人傳訊

枝枝

大宅

積分: 3550

2^#

發表於 06-8-15 15:24 |只看該作者

Re: 是我有問題嗎?

karmen0411,
男人永遠都係大細路，可能佢當初真係無心理準備做老公/爸爸，所以佢現在對這家的投入感和責任感都較低啦...

不過如果你仲係好愛佢，你又feel到其實佢都愛你的，你咪嘗試同佢修補個關係囉...始終bb仲細嘛!

我剛生完bb知道老公心裏有第二個女人都好大打擊，後來老公都選擇左我，我就沉住度氣，同c6一起修補番個關係，起初都唔慣，要攪好多野，做好多野逗佢歡心e.g.送小禮物，心意咭，sms...有時佢的反應麻麻都會灰心，倦咪就休息下，自己去relax下，令自己開心番，咪又再關心佢囉...如果佢個心係你到，最後佢一定會明白的。

至於愛愛問題，都幾複雜的，既然你老公話唔係你生完唔鐘意你，又認為一星期一次足夠，咁你咪暫時唔好再要求住囉...可能佢倦啦...你話佢一星期踢幾日波，仲邊度仲有咁多精力呢? 或者暫時你做住主動先, 都ok的。

總之我覺得你現在要努力攪番好你同老公的關係，拍多d拖，培養番d感情先，跟住再唸唸點樣勾起佢對你的性慾，例如著多d低胸衫，扮靚d，真係有用架

私人傳訊

yantonbabyshop

大宅

積分: 3077

3^#

發表於 06-8-15 16:15 |只看該作者

Re: 是我有問題嗎?

會唔會老公怕你又話有bb.又要生先吾ml....??

私人傳訊

zoehui2000

複式洋房

積分: 157

4^#

發表於 06-8-15 16:46 |只看該作者

Re: 是我有問題嗎?

咁你老公對住BB係點呀，好錫？好煩？
如果你覺得佢對住BB係好煩可能係佢未適應做人daddy？我都認同男人係大細路，未玩夠，我老公都係咁，成日要出街吹水吃飯，食親都半夜一兩點先返，而家可能係過度期，你俾d心机揍bb，俾d心机落頭家度，如果佢唔係出面有女人，問題唔大，lee 個時侯係俾d空間佢，千祈唔好問佢愛唔愛你呀、點解咁對自己呀、lee d 問題只會觸發佢諗自己係咪唔愛你，有冇愛既存在等等....你知啦諗諗下就會變真，其實愛與唔愛都係d感覺。

至於愛愛，你暫時唔好主動先，一星期、二星期、甚至一個月睇下佢點先算啦﹗
lee 個時侯唔好 " 我" 佢
你自己唔好鑽手角尖呀，bb仲要你照顧。

照片 081

照片 100

picture[img align=right]http://photo.mybb.hk/albums/KiraKwok/MyBB_021.thumb.jpg[/img]

私人傳訊

麟媽媽

王國長老

積分: 87251

好媽媽勳章王國長老

5^#

發表於 06-8-15 16:58 |只看該作者

Re: 是我有問題嗎?

我諗最大問題係你兩個人係結婚生仔上無共識。
佢表明唔想生而你又要生個BB 出黎，
咁佢都話未玩夠而你生個BB 又想佢承擔，
咁當然會有衝突喇！佢唔想ML 都可能怕再大肚呢！

而家BB 都出左世，唯有等佢慢慢同個仔建立感情，
到時情況可能好D 呢？既然你地有工人，
點解你唔同佢一齊出去呢？你都要比D 二人世界佢，
唔好令佢覺得一生左仔結左婚便無晒以前既生活，
佢去踢波你都可以一齊去，打吓氣支持吓，
唔好拿口拿面，成日想走咁，等佢玩得放D。
到個BB 大D，同佢玩時有多D 反應，
咁到時可能佢自己都想陪個仔多D 呢？

私人傳訊

kitty0502

水晶宮

積分: 73995

好媽媽勳章

6^#

發表於 06-8-15 17:18 |只看該作者

Re: 是我有問題嗎?

你唔好唔開心啦,如果佢真係唔在意你同bb,咁你就試下將d時間放落bb到,或者咁樣你會開心d

加油我地支持你,多d上來同我地傾計,咁你就唔會咁悶啦

私人傳訊

onon1022

子爵府

積分: 12563

好媽媽勳章

7^#

發表於 06-8-15 19:40 |只看該作者

Re: 是我有問題嗎?

其實有d男人...未有心理準備結婚同生bb...佢地根本未玩夠...仍然享受單身生活...但係結左婚...有埋bb...佢地會覺得唔同左...要比錢養bb...其實當初佢唔要bb...因為你堅決要...佢可能覺得係你問題...唔關佢地事...佢同你一齊...已經負責任...其實唔好唔開心啦...試下心平氣和同佢傾...或者寫封信比佢...講出自己既感受...同埋你自己有無野做...如果有工人湊bb...不如你自己都出去搵份工做...廣濶自己既生活圈子...

[url=http://lilypie.com][img]

私人傳訊

karmen0411

大宅

積分: 3261

8^#

發表於 06-8-16 10:26 |只看該作者

Re: 是我有問題嗎?

其實我自己本身有份野做,但係自從生左bb之後,個心已經係bb到,一放工放假就會留係屋企唔想出街陪bb,因為我發覺bb而家成日都跟工人多d,而佢都唔係唔中意bb,其實都鍚佢,如果我要沖涼有野做時佢會同bb玩下,bb都好中意佢.
我尋日send左幾個SMS比佢同佢講我地分開訓,同埋既然佢咁中意打機就由得佢,咪係廳訓,我對佢已經無哂其望,從來佢只會說謊欺騙我,我已經習慣,所以都心死,佢都有回sms比我,話佢只有打機既籍口先可以令自己留係屋企唔出街,又話佢唔係唔想同我ML,而係佢唔中意用套,所以唔想ML,睇完之後唔知點解我覺得係千百個藉口.....
而家我決定每晚都同bb訓, 唔想同佢訓 :-|

私人傳訊

枝枝

大宅

積分: 3550

9^#

發表於 06-8-16 11:45 |只看該作者

Re: 是我有問題嗎?

karmen0411,
我好明白你的感受，比自己深愛的人冷落真係好難受。不過，請你想清楚，你地如果繼續冷戰落去，好危險架。除非你真係決定放棄這段婚姻啦...

總之我覺得大家如果要冷靜下係可以，但千萬不要用鬥氣的心態囉...冷靜過後，一定要心平氣和同老公傾清楚呀!我地支持你呀!

私人傳訊

clement326

禁止訪問

積分: 69

10^#

發表於 06-8-18 00:14 |只看該作者

Re: 是我有問題嗎?

提示: 作者被禁止或刪除內容自動屏蔽

私人傳訊

^Vivi^

大宅

積分: 3535

11^#

發表於 06-8-18 00:32 |只看該作者

Re: 是我有問題嗎?

karmen0411,

唔好唔開心啦!!可能你老公仲未慣做o左人老豆有壓力,心理上佢地應為生完bb,老婆有傷口未好返,所以驚整痛你o車!我相信香港好多夫婦因為生活壓力或者工作忙都係好小做,你無謂係呢件事上煩惱,總之佢對你同bb好咪得!至於佢去踢波,總好過去夜店蒲呀

私人傳訊

denise888

複式洋房

積分: 290

12^#

發表於 06-8-18 07:36 |只看該作者

Re: 是我有問題嗎?

karmen：可能佢真係因為唔中意用套先唔做呢，我老公都係好抗拒用套，可唔可以轉個其他避孕方法。兩公婆要慢慢去渠通，唔好咁快放棄啦，ｂb仲咁細。

私人傳訊

karmen0411

大宅

積分: 3261

13^#

發表於 06-8-18 11:29 |只看該作者

Re: 是我有問題嗎?

denise888,
你張相果隻係咪真狗黎家?好得意呀佢個髮型

其實我真係唔知佢係咪覺得一種束縛,我同佢由星期一晚開始無講野,星期二晚佢去左踼波1:00先返,而我就同左bb一齊訓,佢訓廳,星期三晚唔知佢去左邊,我都訓唔著,等佢到3:00am都未返,最後佢4:00am先返,佢都係訓廳,但每朝bb7:30起左身比返工人照顧時,佢就會返入黎張床訓,我無阻止佢,因為其實張sofa只是二人座位佢應該訓得好辛苦,但係佢一返黎就背住我訓,我個心好酸,佢好似真係無諗過氹下我,
其實我都諗住等今次黎M試下食避孕丸,我都想我地關係好d,好似以前剛剛拍拖咁,
而尋日我終於鼓起勇氣send左一大段SMS比佢係咁既：
我真係好唔開心,好多野想講,但始終都無機會...你其實個心想什麼?真係無人知撓???　（然後我收到佢電話,雖然我好開心,不過我好冷淡,一來我仲未回復心情,二來我係公司)
然後我再send SMS比佢:
我唔係唔想同你傾,但你會唔會覺得當時環境上我唔許可咁做呢?點解你返到屋企你又唔問下我關心下我呢?一係你去左踢波(通常12:30-1:00先返),就算返到屋企都只會見到你開住電腦打緊機,只會食飯時停一停然後又打過,有時你累了又訓左,起物出去食支煙又沖涼打機,有時我係公司上網見到dBB野我都想返屋企再上網問下你意見,但次次你都係on-line緊,個畫面一定比你個game hold住,如果我要上網,我又好似阻住你打機,要向你提出用電腦,試過我一用,你一起去沖涼一起去訓覺,到我叫你返入房同我訓,你又不斷叫我訓,好似唔想我講野,只想我快d訓你就可以出去打機,其實我根本無機會同你相處,最近我買左部機返黎整肚文,我自己諗你都可以打左成個半鍾,大家唔會打擾,我真係諗唔明點解連訓覺(我地自己關埋門,終於可以有我地私人空間時),你又好似應酬我好想我快d訓呢?唔通我真係一個好煩好霸道既女人…

尋日佢無打機,仲陪我添... 我真係好開心,其實我係一個好易氹又好易開心既女人... 我真係希望我地可以永遠都開心,唔係只是一天既快樂啦
而家有你地咁多姊妹同我傾訴已經好開心同舒服左好多... 真係多謝哂你地