我一向唔敢用點電足浴桶的只因怕漏電會電死，但今日見到這種「遠紅外線足浴桶」- http://item.taobao.com/item.htm?id=9176301432&ali_refid=a3_419780_1007:1102298093:7::d13cd0539b81c06a30694caee750fc1b&ali_trackid=1_d13cd0539b81c06a30694caee750fc1b，標榜：无需用水! 桶内配120颗托玛琳电石气, 温控最高65度. ，唔使用水合我喎，但大家認為這種產品可work的嗎？我有點擔心這產品一點都唔似高科技產品的啊，我驚會唔會係「祈福黨」專門用來欺騙老人家錢的啊，大家點睇呢？
真人示范实拍图
Obe2009 發表於 12-12-27 00:25
你呢款好似好正wor, 不過似乎好大座同埋都幾貴, 最好有jm買左試過好, 諗掂擺邊我會考慮跟風買...........
...
Obe2009 發表於 12-12-27 02:27
...我屋企無太多空間擺, 價錢又唔平, 我都係慢慢諗過先. 你會唔會做白老鼠先呀?
其實價錢同地方都唔係我最concern的，我最concern的反而係呢種產品係唔係真有功效、係唔係真係對健康有改善啊！如果係真的話，就算再貴我都會照買，但如果係騙人的呢？那就算唔使錢送比我都嫌阻定呀，係咪先？至於有冇地方擺的問題，視乎你有幾想擁有佢唶，如果丟了樣現有的東西，實有地方擺格，爭在你認為值唔值同捨唔捨得的而已，好多人都會話唔夠地方擺東西，但你有冇睇真其實有好多東西都係N年冇掂過鋪晒塵白白浪費地方架，正如一個緊握的拳頭，如你唔先攤開手掌又如何能握得住東西呢？這情形就類似喇，如果你覺得冇地方擺，丟了樣冇用的東西那樣咪有地方擺囉，都係果句，爭在你認為值唔值同捨唔捨得的而已咋。
至於你嫌佢成座太大，我卻反而鍾意喎，我想下半身可以一路做著足底反射treatment，而上半身就可以放個行動裝置一邊煲劇來打發時間唔使這麼無聊啊，而足浴盆或足浴桶就唔可以放這類產品在上面了，至於平時唔用時我都打算放佢在廳當几仔般用，因佢上面係平面的，我想都可以放點小東西如搖控器等的吧，不過我都未決定買住，正睇緊一些關於這種科技的文憲啊！
FYI，我問過個賣家這個產品連包裹要成12kg的啊，如果要買的話就要做好心理準備啊，宜家EMS、京廣同彪記運送這重量的件好像都有點困難，如果你真係要買的話，我知道這店的鄰近地區有集運係唔走以上的速遽的啊，如有需要可pm我！
Obe2009 發表於 13-1-18 19:32
麥豬豬, 你結果買左邊款, 用成點呀?
還掂都係咯，結果我買了個旗艦版的，即是有120顆托瑪琳電石氣那種，不過唔係在#1連結那店買，我是在另一店只買了￥960而已，呢個足浴桶有冇聲稱的對健康咁有益我暫時就未知住，不過呢排天氣咁凍的，用佢一路暖住對腳一路睇電視、或放部手提電腦在桌面做野，做完就即刻捐入被窿，對腳會成晚暖笠笠的，好正，以前我對腳成晚好似雪條咁架！
你就嫌佢太大部丫，我反而鍾意佢成坐的喎，我貪佢同時間可在桌面上一路暖住對腳一路做野啊！我宜家就係一路暖住對腳一路用iPad回你架喇！如果最終你決定買傳統用水浸的那種的話，給你分享一個竅門吧，特別適合常常見手腳冰凍的人用架，你或可拍兩舊薑加入一同浸，溫暖的效果更加會last longer的啊！
另外，早兩日你問我部手部按摩器最終有冇買到呀？今次唔係我做魔鬼引誘你，而係你自己問魔鬼架咋！ 
麥豬豬 發表於 13-1-19 02:20
還掂都係咯，結果我買了個旗艦版的，即是有120顆托瑪琳電石氣那種，不過唔係在#1連結那店買，我是在另一店 ...
我由腳板到大痺真係成日冰到雪條咁架. 依家成晚要用塊遠紅外線毯仔遂個位暖住,夜晚又放入被入面取暖. 較足一個鐘瞓左就OK.
呢塊毯仔果時響買七百幾蚊但安全, 計落使用率真係好抵LOR.
至於足浴,左諗右諗, 真係無可能再買一大座野放響屋企....我依家考慮緊買下面呢部, 係分體式GE, 無咁驚會漏電, 雖然只係普通足浴器唔係高桶, 但有埋熏蒸桑拿套装有需要時可以用, 我重諗住買埋個防寒套平時浸腳可以保溫同埋多多少少都可以蒸下小腿, 你覺得點?
http://item.taobao.com/item.htm?spm=a1z0d.1.1000638.34.kAq5UK&id=8214856178
手部按摩器我多數呢兩日都會拍埋, 趕在年假前買晒收爐...........
Obe2009 發表於 13-1-19 15:13
我由腳板到大痺真係成日冰到雪條咁架. 依家成晚要用塊遠紅外線毯仔遂個位暖住,夜晚又放入被入面取暖. 較 ...
至於部手部按摩器，套用高登仔的邏輯：早買早享受，遲買平幾舊…，遲D買會唔會再平D就唔知，不過就隨時有可能趕不及集運放春假前簽收與發來香港啊，還掂都決定買個咯，點解唔預早D呢？
發表於 
返回列表
