我想問下如果有大人成日無啦啦係bb身邊大嗌, 而bb既反應以前會成身震一震, 而家就若無其事咁, 究竟係個bb習慣左唔理, 定係個bb聽覺開始有問題? 點樣先觀
我想問下如果有大人成日無啦啦係bb身邊大嗌, 而bb既反應以前會成身震一震, 而家就若無其事咁, 究竟係個bb習慣左唔理, 定係個bb聽覺開始有問題? 點樣先觀察得到?
個bb並唔係我個仔, 係我老公既細路個仔, 而大嗌果個大人, 係bb個阿媽(以下簡稱2少奶), 我驚個bb有聽覺問題, 但我又冇辦法自己帶佢去睇醫生, 只能先觀察下佢有冇問題, 再同老公講, 所以想知道佢係真係有問題, 定只係習慣左!!
而家個bb 11個月大, 我都留意到個bb對任何人大嗌都冇話好似以前咁成身震一震, 而且佢到而家都仲未可以發出類似baba, mama, yeah yeah既聲, 但只要我望住佢笑(但冇笑聲), 佢都可以照樣笑返對住我!!
我真係有d擔心, 因為2少奶係大陸人, 我覺得佢其實唔識湊仔, 我好鍚bb架, 見到佢咁樣, 好心痛, 但佢唔係自己仔, 真係冇辦法.... 我老公都話如果佢做我地個仔幾好呢.....
而且我覺得2少佢地既婚姻有d問題, 而家仲ok, 但我覺得2個都唔定性, 將來分開既機會都有5成, 如果分開左, bb就最慘, 因為唔知邊個會照顧佢, 99就講明一日半日就冇問題, 長期就一定唔得, 2少更加冇可能, 因為佢成日都話個仔跟我都唔跟佢(佢老婆返左大陸時試過佢搞唔掂個仔, 急call我去幫拖....), 而2少奶.... 冇工作能力, 得20歲, 我好懷疑佢能唔能夠自己一個人照顧個bb, 又要返工又要湊仔.....
所以最後既責任好有可能落係我地身上, 一黎我地好鍚佢, 2黎我地環境比較好... 所以我好擔心, 如果佢真係有咩問題, 早d知道, 無論係邊個照顧佢, 都會好d丫
私心d去諗, 如果個bb真係有問題, 我怕自己承擔唔到..... 我承認我係有私心, 但我真係冇咁偉大.....
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
