基本上我已經講哂您教我講既野喇,因為我都掙扎左諗左成大半年至決定再生,我同囝囝講,佢都係話要我生BB,依家我話吾生,佢又係扭話要我再有BB,雖則我知佢只係細路仔黎,但係有時我都覺得佢吾多顧及我感受...媽媽岩岩由醫院受完苦番黎,已經吾開心,點解佢仲要咁扭...可能我仲未回復正常...真係有少少炆...至會諗埋呢D傻野卦...
miffymiffy 寫道:
可唔可以同仔仔講 , 話要等媽媽好番晒/身體復原番先可以再有BB? 同埋話俾仔仔知, 多個細佬/妹 , 唔係淨係有多人陪佢玩, 仔仔都要幫手做野, 幫手湊細佬/妹, 仲有到時媽咪唔能夠分心全面照顧到佢喎... 仲有到時洗費多左, 無可能再買咁多玩具/衫俾佢; 又唔可能成日帶佢去街, 去冒險樂園, 海洋公園, 狄士呢..... 要同仔仔一齊儲多D錢先得
始終,我都吾想佢同我一樣咁傷心難過,我吾想影响佢.Jen 寫道:
唔好諗禁多啦，剛剛小產完，身體同情緒都未康複，遲d先再算啦，遲d傷痛複原，諗法唔同的。小朋友的願望，我地冇辦法全部達成的。唔好叫自已太大壓力啦。試下同小朋友講要揀個好的bb有時係要等的。
我個囝都好想要bb，但係呢幾年我個女一出世就過身，大半年後又小產，再有bb，知道左兩日已經流啡，可能阿囝又失望啦。
我個仔本身有自閉傾向+過度活躍+言語發展遲緩+學習障礙架,佢本身社交吾好,呢樣亦係佢特徵之一,佢只可以同細過佢既小朋友玩得埋,佢成日都去公園玩,小學又有同學同佢玩,但吾多囉,呢次我想生bb,都係因為囝囝扭計話要生細佬妹扭左成兩年,我至鼓起咁大勇氣再生咋...所以呢次小產左,我第一下覺得傷心覺得對吾住既人就係囝囝!所以我至咁煩惱,我又因為呢件事同埋經濟壓力而吾想再生...但囝囝又好想好渴望有個細佬妹,搞到我都吾知點好... yingying 寫道:
雖然我未有bb, 好多野都唔能夠親身體會到, 但自己身體最緊要, 保補養好身體先再打算.
可能小朋友覺得悶想多個bb同佢玩, 妳可以帶佢同多d小朋友玩, 睇吓會唔會好d.
都仲有少少血水出呀...不過真係吾係好多,可能我着收腹褲既關係,因為之前我上網睇,個網話一定要着收腹帶,因為要黎防止子宮下垂...我都吾知呀...又無肚痛又吾係多血,我諗吾會有問題卦... 
edea 寫道:
JAY媽,妳而家點呀?d血停左未?
edea,多謝您既支持呀!查實我都無咩!都好番哂架喇~~~不過就真係吾知仲生吾生就真...始終之前我有左嗰陣,我都感受到好多人吾同意我再生,因為我真係無錢,只有我一心一意為左囝囝為左自己而去再生bb,有左嗰陣真係壓力好大,甚至又吾開心(覺得老公吾緊張我,仲成日同我嘈...吾體諒我...),搞到好似真係我自己一意孤行,自己攞黎衰咁...小產左嗰日我真係腦一片空白,心情亦好矛盾,一黎我少左點壓力(之前有左既壓力同憂慮...),但另一方面我又痛心我失去左我至愛既細b...我究竟應該覺得安心定係傷心呢...我嗰日响醫院真係做左一日傻婆... edea 寫道:
JAY媽:
妳已經做得好好,好堅強!
養好身子,下年再黎過, 一定可以.
妳唔好做任何運動住啦,至少等出血停左先
我諗住轉工呀...始終份工我真係做到好吾開心...吾想再見到D同事,我諗我呢兩個月會休息下,陪下個仔,之後就搵工做...當係俾自己一個新開始啦.edea 寫道:
或者妳當俾多少少時間你地儲定d錢,下年再黎過!
妳而家係咪有份工架? 兩公婆一齊努力,一定得既!
查實我都幾矛盾架...我又吾捨得份工,但係又極度吾想再見到D同事,又真係好想休兩個月陪住J仔...家下諗乜都係亂Q哂龍,所以我都吾鬼諗喇..吾做咪吾做囉!真係忍吾到好想番工自己依家咪拿拿聲搵下工先囉...家下搵工定讀書,我都未諗定,如果讀書/進修,我又吾知讀吾讀D好長既COURSE好...萬一我下年真係要再生BB,無理由讀讀下走去生仔架...家下我都好苦惱...一次小產,真係搞亂哂我所有野...之前我真係好有PLANNING去計劃呢幾年架...依家真係要等我完全回復正常我至可以再諗.... 好煩~~~~ edea 寫道:
咁都好,橫掂做得唔開心, 轉左佢,安定落黎再計劃下一個啦.
支持妳!
發表於 
佢又是係咁...不過佢咁講,我反而有少少覺得佢吾太想生...係吾係呢? 
返回列表
