本帖最後由 Arrin 於 13-1-30 11:19 編輯
以下內容純粹係小妹同賤精私人恩怨同個人感受~
如有以下推介事項之相同用家請當笑話則看待(不喜勿插, 賤精任插)
話明賤精, 佢痾篤屎都話係香架啦....佢經常強力推介佢個人認為天上有地下無天花龍鳳既野比我.....
大家睇下有幾勁... (牌子自自對號入座)
1) AIG_E膠鞋(雨靴)
佢以$1680既價錢買咗對可以容易收藏既軟皮蛇雨靴...我個人覺得對靴冇乜問題, 但落親雨我就大件事~因為佢每次著都會狂讚美佢對(貴)雨靴一輪...次次著就次次講...其實佢笨象FOOT 成39號鞋仲要啡色...我見到就會諗起葉問成日打果條木樁咁...仲要特登著短褲(有著絲襪)...狂話比我知佢特意咁襯返工...
品評:落雨C濕,大家怕濕同煩先著兩靴..但著到佢咁麻煩,又話要特登襯又成...但襯後佢個人表現毫無型格同美感...仲要返公司換鞋同騷擾同事...唔好話$1680...$168我都唔會買.
2) COM_VITA蜜糖
佢買係貴果隻..好似500蚊好大樽果隻...佢話佢每日都有飲一杯先返工, 皮膚好咗,有改善胃病同鼻敏感等症狀...因為果次佢上網亂落ORDER 買咗個DOUBLE...所以強力推介比我(想我幫佢HART EAT 咗佢...當然...睬佢都傻)
品評: 蜜糖係無罪既, 但唔覺佢講到咁勁...因為, 佢皮膚係冇乜粒粒但面色唔好...食極都係屍面咁既色, 胃病...我食過一次反而我胃痛(可能我飲過COFFEE)...鼻敏感...唔覺有改善LAW, 佢成日打乞痴唔掩住口鼻,呻完鼻鼻又唔去洗手, 又掂D文件, 又搞我隻MOUSE...(我自己都有兩樽細係人地送既, 試過....最後我用來煮雞...)
3) B_銀包
佢全身最貴係呢個名牌銀包架啦$4XXX~...藍色...中SIZE果隻...D格幾好...但成日串我個COAC_....CHEAP 喎...(紅色花花但我鐘意呀~我阿娘送比我既)
品評: 係靚既...但抵...我又唔多覺...後來我仲抵..我老早前睇中咗個(亞力山大勿昆)既銀包..$4200....一直等出雙糧先買....點知...蓮CAR佛玩減價...$2450...我唔諗啦~呀....買呀~....
4)孽姑城....佢屋企
佢話佢屋企市值300幾萬,
交通方便...出尖沙咀只需轉3車, 過海去灣仔轉5次,
實用面積比我住既好,
佢果度唔係舊樓(26年), 我住果度就係(28年)....
有時攰坐的士都係百幾蚊...
近市中心有商場......簡直講到全香港最正既豪宅咁
品評: 300幾萬...咪近成萬蚊尺(當我唔識計數)(人地大D單位就係300幾!)...佢市值$7XXX尺我有睇電視架...佢都吹水到漏水....
我出尖沙咀一程過...我老公返割金都係2程半個鐘就返到...仲快過我返TST
佢果度唔係舊樓,咁係咩?
我飲完酒坐的士都只係90蚊....15分鐘返到去
家陣樓下開咗吉之佬...我行5分鐘有甩色店.....
PS: 我C6老早已經成為咗真正既業主了~...人地仲要供樓呢....同佢講都SIDE 氣.
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
發表於 
返回列表
