吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我認識過一個極品男! updated 1#

自由講場今日: 663|主題: 1362043

收藏本版

發帖

返回列表

跳至頁

查看: 10856 | 回覆: 294

我認識過一個極品男! updated 1#

[複製鏈接]

12 3 4 5...15

172

myso

複式洋房

積分: 193

1^#

發表於 13-1-22 16:37 |只看該作者 |倒序瀏覽 |打印

本帖最後由 myso 於 13-1-27 01:49 編輯

佢識女仔, 主要目的係 sex & 夾份供樓!

除此之外, 重有好多小家嘢... 會慢慢update! 待續...

** 之前回覆jm的帖~~
舊公司同事, 已離職, 識咗幾年, 已無再聯絡了!

三十出頭, 佢以為自己好型! 無頭髮, 有肚腩! 個樣好 '會鎖', 得個高大!

佢話自己唔鍾意識港女! d港女好煩喎!

佢未結婚, 單身! 佢話自己唔識講大話! (厘個咪大講囉!)

佢未買到樓, 係話最好識到個人幫佢手供!

佢要靚女, 但唔好有公主病, 唔好有咁多要求ga女仔!

最重要係唔好煩親佢!

**
我想講佢唔係大奸大惡, 只係小家&自私, 男人之中, 佢算係極品!

出街食飯, 係踭唔比錢, 最好次次你出!

佢唔鍾意比錢睇戲, 最好上網download, 要買飛入場, 最好你買埋比佢睇!

入場想食爆谷, $10都唔捨得, 佢話你想食就自己買la! 但之後佢又會攞你嗰d嚟食!

成日問你有無no paid 嘢, 有無雪糕coupon呀, 啡咖coupon呀, 大家樂, 大快活等等,
最好成日食人哋d no paid 嘢.

有無d credit card 積分未用, 最好換埋嘢比佢.

＊＊ 23/1/13 1am
如果你幫佢買嘢$11.5, 佢只會比番11蚊你。但如果佢幫你買$11.5嘢, 佢會收你12蚊！

以前未轉用智能電話，SMS佢永遠唔會覆，因為佢話唔同台，要比$0.5，佢話你轉佢個台
咪覆你囉。

有一次，佢以為亞head唔返office, 蛇咗出去做gym, 點知佢亞head返office, 我好心call佢單聲，
佢miss call 無接我電話. 之後佢做完gym打番比我，我咪話比佢知佢亞head 返過嚟，佢唔該都
無聲，重好話我唔打多幾次比佢。自己蛇出去做gym, 唔覺自己唔啱，重响度怪人。

** 23/1/2013 4:30pm

佢鍾意食, 但唔捨得比錢買, 同佢去supermarket, 成日叫你買厘d果d, 最好整埋比佢食.
如果去百X買嘢, 佢會踭住比張易賞錢咭儲分, 去惠x就踭住比張八逹通儲分, 但永遠
唔會比張credit card 找數.

佢會whatsapp百x, 惠x 廣告比你, 有咩嘢咩嘢減價, 叫你買比佢食!

去睇戲, 去食飯, 睇咩嘢戲, 食咩嘢, 永遠要人就佢, 人就佢90%, 佢就人只有10%!

講到厘度, 各位jm會諗我同 '極品男' 究竟咩嘢關係....

我開得厘個post, 預咗講晒我心裡面嫁說話, 亦預咗比jm話我蠢, 話我傻! (但希望各位口下留情),
我好眼淺...

我就係用咗2年時間, 去認識清楚一個人! 付出但不求回報, 只希望對方會關心多d自己ga一個
傻女人!

佢以上嫁小家行為, 我仍可以接受. 我明白佢唔係大富大貴出身, 亦捱過苦, 厘幾年先搵到一
份叫做穩定嫁工作, 佢想儲錢買樓, 慳d洗係正常. 我同佢講, 我唔使佢送好貴嫁禮物比我,
亦唔使去食好貴嫁嘢, 我只希望同佢一齊有'拍拖', '被關心', '被愛' 嫁感覺, 出街拖吓我,
偶意攬下我, 我就滿足.

但我可以話比各位jm知, 厘2年我傷心比開心多, 我亦多次想過放棄厘段感情, 但我人心軟,
唔捨得, 希望佢會對我好少少... 但頑石豈能點頭! 每一次期望, 就令我更大失望!

重有好多嘢想講...要做嘢先...唔好意思! 又要你哋等....

** 24/1/2013 1:30am

JM們都好關心我同’極品男‘分手未？我同佢已經分咗手幾個月！就因為咁樣，我宜家可以
勇敢地將我一直而嚟屈响心裡面嫁情緒舒發出嚟！

我係一個single mum, 我同ex 分居好多年，幾年前正式辦理離婚手續，亞囡跟我。我同ex分居
唔關佢事，離婚都唔係因為佢，只係我自己知道可以完全放低同ex厘段關係。就响厘段時間，
我媽媽因為急病，時時進出醫院，有時失驚無神一個電話，我就要由公司趕去醫院， ‘極品男’
工作關係可以成日出街，所以好多時候佢陪我去醫院。响人最軟弱無助時，真係好想有一個
人可以依靠下，分擔下。

佢話唔介意我離婚，亦唔介意我有個囡！咁我又點會介意佢外形。我唔係要搵靚仔，又唔係
要搵有錢仔。我只係想搵一個愛鍚我同唔介意我有囡架男人。

以下內容可能引起JM不安，有些少2B級，如果某些內容唔可以POST出嚟，版主請通知我修改！

大家同一間公司，初初’拍拖‘，（其實我懷疑我哋係咪拍拖！），唔想比OFFICE同事知
係好正常！同佢出街，佢從來唔會拖我，更加唔會攬我和鍚我。行街行到離行離列！不是味兒！

拍咗2年拖，佢從來唔會講一句 ‘好掛住你’，‘我愛你’！但佢又時時要求SEX，SEX嫁時候，佢都
唔會鍚下我。每次只係為滿足佢嫁需要，而唔係為了表達愛！每次之後我都覺得好委屈，偷偷
哋喊。厘種有性無愛嫁感覺實在好難受！

我會想..如果鍾意一個人，點會唔想拖佢，唔想鍚佢攬佢。厘D都係表達愛嫁一種方法。
但佢似乎只需要一樣嘢！我有同佢講過我嫁感受，我好唔開心，佢係好咗少少，會做少少
’門面功夫‘，但我會FEEL到係無HEART！

好多委屈想講，但實在好攰，唯有明天再續！

** 24/12013 1200pm

好多謝各位jm正面嫁支持和鼓勵! 起初都有d擔心會被'插'! 而家放心多了.

其實寫厘個post, 對我嚟講都係一個療傷過程. 一路寫一路反思! 現家我無唔開心,
相反我覺得係一種釋放!

可能你哋會諗點解同佢一齊咁委屈, 重要繼續?

我宜家清醒, 當然可以睇透好多嘢, 但當時在局內, 我真係好迷失....
我媽媽急病後, 好快就離開咗! 我爸爸十幾年前已經走咗! 又沒有老公响身邊! 一個女人仔,
要返工, 又要照顧亞囡, 番到屋企又要做家務做到好夜, 好攰好攰... 好多時我感到好無助.
我真係好害怕寂寞, 我好想有人關心下自己, 安慰下自己! 一個msn/whatsapp 問候下,
我已經好滿足!

我同'極品男'一齊無幾耐, 我就知道佢唔會係我嫁mr. right! 我雖然婚姻失敗, 但我仍相
信婚姻, 我仍相信愛情, 我係想搵對象結婚, 想有一個家. 佢話我嫁愛情只會响故事書入面
先搵到. 但佢唔係, 佢唔信婚姻, 因佢身邊好多朋友都係離婚, 或有婚外情.

佢話唔想結婚, 亦唔會生仔 (其實係唔想付責任). 佢同亞爸亞媽同住, 但佢好想買樓.
佢話唔會因為供樓而cut亞媽家用 (這點值得欣賞), 一個人供樓會好吃力, 如果2個人供就會
好好多. 而我同佢講, 我無能力(亦唔會)幫手供樓.

其實我哋2個都明白, 我哋係唔會有將來! 我哋只係一個 '過客'. 但我心裡面仍有丁點兒希望
會有轉機. 雖然短暫, 但我仍希望對對方好, 另對方開心.

同佢一齊, 但那種不被接納, 不被認同嫁感覺最難受. 佢無同任何人講 (包括家人和朋友)
有女朋友, 我亦無膽同朋友講. 我好想光明正大咁享受拍拖, 但偏偏同佢一齊就要偷偷摸摸!

每個星期六or日 (當然我囡唔會响屋企) 佢總會嚟我屋企, 除咗叫我整嘢比佢食, 最重要咪佢
需要嗰樣嘢! 頭初初, 我都會好願意整嘢比佢食, 好多時我都會整早餐帶比佢食, 我好enjoy人
哋食得開心! 但佢唔係好識欣賞人, 只會不停要求和批評! 佢會咁講嘢: 如沙律.. 味道ok,
不過多d沙律醬好d, 下次加隻旦好d, 下次加d火腿好d.. 我話.. 下次你自己出錢買嚟自己整好d...
曾經有一次佢咁講: '厘d嘢, 食一世都願!' 對於一個女人聽到厘番說話應該會好開心, 但嗰一刻,
我係咁諗 [我唔想做一世囉!]

如果亞囡無街去, 佢嚟唔到我屋企, 佢會話我個囡阻住佢... 我聽到之後好心痛... 漸漸地, 我開始
用好多借口唔想佢上嚟! 之後佢重過份到朝朝早想上嚟, 我亞囡7:30出開口返學, 我8:00出門口
返工, 連厘半個鐘都唔放過... 大佬唔好玩啦! 我朝早返工好似打仗咁!

每個星期尾就msn/whatsapp問我, 星期六點? 亞囡點? 有無得嚟我屋企?
朝朝早whatsapp 問可唔可以上嚟?
夜晚做完家務, 諗住online同佢傾下計, 佢第一句會問, 聽朝有無整早餐比佢食!
大佬, 夜晚我做晒嘢, 可以坐低都已經 11-12點, 佢問候下, 關心下我都無... 只係問有無早餐食...

佢好多時候要出trip 大陸做嘢, 佢唔响hk時, 我反而覺得好舒服!
有一次佢响大陸做嘢做到喊! 我真係好想飛去陪佢... 最終佢第二日返咗香港, 我無飛上去!
佢成日compliant佢亞head唔賞識佢, 但佢無諗下自己幾無責任心, 成日'蛇', 佢覺得唔'蛇'對
唔住自己. 佢話想讀master, 我不斷鼓勵佢讀, 佢同我講, 讀書唔係求知識, 只係求張cert!
佢曾經話有份paper諗住比錢人做, 但我話就算佢攞到master, 我都會睇佢唔起! 咁佢先
自己做番份paper. 作為一個女朋友, 我覺得自己已經比咗好多支持佢!

雖然佢咁樣對我, 但我仍未捨得放手, 心想有一個, 總好過無...

我心裡面好矛盾, 好爭扎! 我嫁情緒因為同佢嫁不正常關係開始變得不穏定. 但我唔敢同人講!
唔敢面對... 我知任何一個人都會叫我離開佢! 我真係好需要正面嫁support!

唔好意思, 今晚繼續...

** 25/1/2013 1:50am

我開始情緒失控，覺得有罪咎感。當我同‘極品男’一齊時，我就覺得自己對亞囡唔住。
同‘極品男’出街，好驚比朋友見到！我唔知人哋會點諗自己！
再加上亞囡開始反叛期，同亞囡生活上有好多磨擦，令我經常發脾氣！我覺係自己未
盡媽媽責任，甚至覺得係報應！
在理性上我明白我要離開厘個男人，但再感性上我未能放手！
對於亞囡，我好明白要同佢保持關係，要接納佢，但我控制唔到我嫁情緒，我已經到達
失去理志嫁況態！我發脾氣得好利害，破壞屋企好多物件，晚晚喊到攰先訓到。

我知道我已經唔可以再係咁落去，我唔可以單靠自己能力。終於我去咗睇精神科，我未敢同
醫生講‘極品男’嫁事，我只係同佢講同亞囡嫁關係，同埋情緒失控嫁情況，醫生斷症我患咗
抑鬱症，一方面食葯幫我控制情緒，另一方面醫生建議我見輔導。

果時，我同‘極品男’講：「我睇咗精神科，醫生話我患咗抑鬱症。」換嚟佢一句：「你不嬲都有嫁
啦！你比錢我，我輔導你咪得囉！再唔係我幫你打支針囉（衰嘢嚟，係SEX）！」連一句關心嫁說話
都唔會講！我真係心淡了！

第一次見輔導，我仍未願意講厘個男人嫁嘢。到第二次見時，我終於講咗比輔導員知我一直
唔敢同人講嫁嘢出嚟！我終於搵到一個人，讓我可以舒發晒我咁耐以嚟所受嫁委屈和情感！講完之後，我就好似將心裡面嫁大石放咗出嚟，如釋重負。輔導員同我講：「一個淨係識問
你有無早餐食... 淨係會問你有無得SEX嫁男人.... 佢有幾愛你？你其實知道自己應該點做！
我相信你可以做到！」輔導員一句好簡單嫁說話，但比我有無限嫁力量！

就係厘段時間，極品男’同朋友去咗幾曰CAMP，佢完全無搵過我，佢話裡會接收唔到電話。但當佢
一出番市區，第一時間就WHATSAPP我.... 「聽日有無早餐比我？有無得去你屋企？」我真係火
都嚟！如果佢問候2句，我可能都會心軟！

我就回應佢：「你入CAMP咁多日都無搵我，一出嚟第一句就問早餐，問SEX？」佢就好話我
發脾氣.... 問我：「咁即係點？聽日點？」

終於我回覆佢（大致咁上下啦）：
我同你咁多年，你點對我？那種不被認同，不被尊重嫁感覺實在太難受！
响你心目中我嫁’工能‘只係整嘢食比你，同埋滿足你嫁性需要吧！
我患抑鬱症唔多唔少都係因為同你不清不楚嫁關係而成！一個普通朋友知我有事，都會
關心問候下我。但你身為我嫁‘男朋友’，就只係換嚟一句 ‘你不嬲都有嫁啦！‘
自問我已經盡了做女朋友嫁責任！我只想你拖下我，鍚下我，關心下我，難度我很過份嗎？
你連一個’愛我’，‘掛住我’都唔願意對我講！
我唔想再過唔見得光，偷偷摸摸嫁日子了。

佢不停問我：「即係點？係咪分手？」
我感到好煩，我回覆佢：「唔好再迫我...」之後幾曰我哋無再聯絡...

一直我同‘極品男‘都無共同嫁朋友，但响好偶然嫁機會吓，我同‘極品男‘去郊區食嘢嫁
時候，遇到我一個十幾年無見嫁中學男同學。我就叫厘個同學做‘大舊’啦。‘極品男‘同大舊
都好好傾，而且有共同啫好，所以佢2個熟落起嚟！之後佢哋一直有聯絡！

當我無再同‘極品男‘聯絡之後，我响大舊口中知道咗一D嘢... 一個我唔知嫁事實真相...

好想繼續打，但夜了，實在太攰，要留等明日繼續....

** 26/1/2013 1:50am

我已經睇晒各位JM嫁回覆！好多謝你哋嫁SUPPORT！真係令我好感動！

响我同‘極品男‘‘分手前幾個月，佢讀完書，攞到MASTER學位，無幾耐佢就搵到新工。
响佢轉工後，因為唔同一間公司，我哋開始疏離。佢份新工唔使出街，無得好似之前
咁成日‘蛇’，我哋亦少咗見面！

其實當佢打算轉工，我感到我哋之間嫁關係會好快結束！終於响佢轉新工無耐，嗰晚我
WHATSAPP鬧完佢之後，我哋就無再聯絡。

佢一路無再搵過我，我心有不甘，我心諗厘個男人點解可以咁無情！

我忍唔住，我好想將厘件事講比我中學同學’大舊‘知，大舊係唯一認識我哋2個嫁人，
大舊同‘極品男’經常約埋踩單車，但我從來無响大舊面前提過我同‘極品男‘嫁關係。我好想
响大舊口中得知一D真相。於是我CALL咗大舊：

我問大舊：你同’極品男‘係咪好FRIEND?
大舊：普通啦，有時約埋一齊踩吓單車咁囉！
我：佢（極品男）有無同你講過佢有無女朋友？
大舊：呀....我問過，但佢話無囉！
我：（開始忍唔住喊！）你知唔知我同佢一齊2年了！
大舊：估到啦！一男一女！普通朋友點會去咁遠地方食嘢！我試過問‘極品男‘你嫁嘢，
佢總係話唔知，依依哦哦！其實一直我都好想提你，你有老公有囡，唔好攪厘D嘢喇！
我：我離咗婚好耐.... 我同佢一齊咁耐，佢不但唔承認，重要否認！我同佢前幾日分咗手！
大舊：分手咪好囉！厘D男人唔值得你愛！佢好自私！樣樣淨係識諗自己！
就算同佢去踩車，成日都要我哋就晒佢！男人老九我哋就緊係無所謂啦！
我：其實當佢轉工，我就覺得會分開！
大舊：真正愛情係唔會受環境改變而影响！佢根本就唔識愛人！佢淨係愛自己！
唉... 我真係...有D嘢唔想講... 我驚講咗你重唔開心！
我：你話比我知啦！你係唯一一個認識佢嫁人！
大舊：‘極品男’ 轉工後，話公司有個女仔幾好，佢想追果個女仔...
我：唔怪之得，佢咁絶情！重硬係推話我要分手...
大舊：厘D男人，唔使恨！唔講得都要講埋！我哋一齊去踩夜車時，D女著晒單車衫，
好鬼貼身好野火，條友仔成日溝女，係女都想上..正一狗公！
（大舊唔好怪我，如果有一日’極品男‘見到厘個POST，會知係你爆響口！）

知道真相，雖然心好痛！但令我更加清醒！

當晚，我再一次WHATSAPP ‘極品男’：

我：恭喜你搵到新對象！
極品男：你講咩嘢？唔明？
我：你唔使否認！
極品男：咁我係咪都要祝你快D搵到新男友？
我：我無新男朋友，亦無打算搵！
你自己有新對象，唔肯承認！
你自己想分手，重要將責任推到我身上！問我係咪想分手？重話我’你想分就分啦！‘
你想心安理得去識新對象，就將提出分手推落我身上！
如果你係男人，唔該你承擔番厘個責任！唔好推落我身上！

之後，我DEL晒同佢所有嫁嘢，我要佢從此响我生命裡面消失！

分手後厘半年，我繼績睇醫生，見輔導！我嫁情況一次比一次進步！我好努力去修補同亞囡嫁
關係，亞囡亦因為我嫁改變，態度也改善了！我哋2母囡而家相處得好好！

我而家亦唔需要再食葯，亦唔需要再見轉導員！我在康服中！

我從未如此輕鬆過！而家我吸一口空氣都特別清新，望住天空都感到特別靚！

當我決定出厘個POST時，我响度諗自己嫁出發點係咩嘢？仍然有憤怒？想發洩？
我發現，我唔想將厘件事埋藏，而係清理，清厘晒過去唔開心嫁嘢！
當我一邊打厘個POST，一邊回憶厘件事，我心好平靜，不再傷痛！好似不再係我自己嫁故事！

同時，我希望透過自己嫁故事，話比其他JM知：如果你亦面對同我一樣嫁處境，唔好逃避！
勇敢面對！一定要搵一個你信任嫁人講！學習放手，放手就等於放過自己！自己就唔使受咁多
不必要嫁痛苦！可以好輕鬆，好好享受一個新天地！

我唔會再為一個唔珍惜我嫁男人流一滴眼淚！

謝謝各位JM陪咗我咁多個晚上，送上好多好多嫁安慰和祝福！

點評

smallbowlland 加油呀

發表於 13-1-30 13:07

CurryCheng

發表於 13-1-28 11:23

tsewong 加油!! 發表於 13-1-28 09:52

mmmo 加油!

發表於 13-1-27 00:50

Cutemom0808 加油，幸福好快就會找你

發表於 13-1-26 13:30

boel_ng add oil!! hope you will completely recover and take care your daughter...

發表於 13-1-26 13:07

hoimaho 加油

發表於 13-1-26 10:38

poohbb_hk Well done !! ^o^ 發表於 13-1-26 10:19

pwsmay

發表於 13-1-26 10:03

小肥肥媽媽加油 !!

發表於 13-1-26 09:18

irenecc 加油 !! 發表於 13-1-26 00:35

kawai120 what a MAN???????? 發表於 13-1-25 17:18

CurryCheng 加油

發表於 13-1-25 10:57

961123

發表於 13-1-25 10:14

961123

發表於 13-1-25 10:14

matthewconnielo 希望在明天, 祝你早日搵到一個錫你又錫囡囡嘅好男人發表於 13-1-25 09:57

ian723 祝你重獲新生, 加油發表於 13-1-25 09:01

Allyly sorry吾想刺激你, 不過呢個男人應該吾愛你, 只想拎著數! 希望你搵到真愛! 發表於 13-1-24 12:19

kwansara 你現在仍然跟他一起嗎 ? 發表於 13-1-23 17:18

wcpcelia

mouth: 發表於 13-1-23 15:15

yuexu

以為我以前機電署個毒男係極品..原來依家仲有咁多極品劣毒男架-~- 發表於 13-1-22 23:32

totheend :tongue: 發表於 13-1-22 16:42

0 8 0

私人傳訊

lovingyou_92

禁止訪問

積分: 3065

2^#

發表於 13-1-22 16:39 |只看該作者

回覆：我認識過一個極品男!

提示: 作者被禁止或刪除內容自動屏蔽

私人傳訊

showman

伯爵府

積分: 19436

3^#

發表於 13-1-22 16:40 |只看該作者

回覆：我認識過一個極品男!

咁佢有無呢個條件去識先?

私人傳訊

twc729

子爵府

積分: 13913

2023年兔年勳章 2021可愛聖誕B勳章 15週年勳章親子王國15週年勳章

4^#

發表於 13-1-22 16:42 |只看該作者

姜太公釣魚

私人傳訊

fanny3315

瑪瑙宮

積分: 126661

2024年龍年勳章畀面勳章 BK Milk勳章

5^#

發表於 13-1-22 16:42 |只看該作者

花生花生

私人傳訊

fathippo

子爵府

積分: 12405

6^#

發表於 13-1-22 16:42 |只看該作者

myso 發表於 13-1-22 16:37
佢識女仔, 主要目的係 sex & 夾份供樓!

除此之外, 重有好多小家嘢... 會慢慢update! 待續...

呢 d 咪叫騙財騙色lor, 大把呢 d 男人啦!

私人傳訊

jllulu

侯爵府

積分: 23064

7^#

發表於 13-1-22 16:43 |只看該作者

期待中 ......

私人傳訊

esmehouse

寶石宮

積分: 403301

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 HiPP勳章(2) HiPP勳章(1) 2018父親節勳章 2018復活節勳章 15週年勳章親子王國15週年勳章畀面勳章醒目開學勳章 hashtag影視迷勳章貓狗褓姆認識瑞士牛牛第一回美好大世界2017勳章開心吸收勳章

8^#

發表於 13-1-22 16:43 |只看該作者

等你

我鐘意你同我講 I Love U, I Love U Too！
You are the sunshine of my life. That's why I'll always stay around. You are the apple of my eye. Forever you'll stay in my heart.

私人傳訊