真係好唔like佢地
“佢地”係我老公的堂亞哥一家人
在我老公心目中, 佢堂亞哥/亞嫂簡直係恩人, 由於我老公是獨子(但身世非常複雜)由小到大都好照顧我老公, 請佢去露營/菲律賓旅行, 暑假上去堂亞哥屋企玩, 到大學簡科, 我老公都諮詢佢堂亞哥讀邊科, 佢堂亞哥話讀乜, 我老公就讀乜.
但在我心目中, 佢地一家都係冇禮貌, 永遠講嘢聲大大, 小事化大, 成日”了”人瘡疤, 自私, 貪小便宜(我期期都會買x週刊, 吩咐我老公留返本”娛樂”, 有時我唔記得冇比或者比埋時事個本, 係到喊打喊殺, 我心諗比你係人情, 唔比係道理, 我唔好拎落樓下回收, 次次都要我地山長水遠車埋比你!), 去街食飯老奉次次車出車入返屋企, 佢地一家4口我地又一家4口, 逼到呢….
近排, 我地換車, 我老公話送部舊車比佢地(可以trade到$30,000), 而我叫佢買一隻過萬的介子(係我的生日禮物)就嘈豬巴閉!
總之, 我真係好唔like佢地!
(純粹呻下)
發表於 
返回列表
