論盡家傭

收藏本版
發帖
返回列表
跳至頁

首頁
123

尾頁
   0
Bluestar


子爵府

積分: 12722


1#
發表於 06-7-4 19:52 |只看該作者

唔好以為bk媽咪介紹佢自己請緊的本地鐘點工人，一定會係好人，會做得好。

我個印印5月底回鄉一個月。
因驚住經agent請外佣做替工一個月係犯法，同埋找不到嫁左hk人的印印做，結果請了一位bk媽咪介紹，佢自己請緊的本地鐘點工人。
我和媽媽同住，個仔p1搭校車。位本地鐘點工人要打掃屋企，熨衫，煮飯，盡量洗碗。(我和老公晚上較遲返，一係食完自己洗碗，一係等佢next day下午洗。)
每天5hrs，星期一至六。佢收$200/天。

interview佢時，佢話自己做得好，又識煮食，英文聽說講，lark lark 聲。

個印印未飛走前，已請該位本地鐘點工人2天:
第1天，跟印印去買eggs，oranges，因為我家喝橙汁，要認住買那種橙。我們的時間，工作也由印印解釋。
第2天，印印去左小學接我個仔去游水。由本地鐘點工人煮飯。我返到家，見到 -------
蕃茄蝦炒旦 --- 在半碗水/汁中游水。
洋荵煎新鮮(並非凍肉)豬扒 --- 也有半碗水/汁。
之前打電話返家，個仔投訴: 好肚餓; 原來位 本地鐘點工人，洗米落水後，無按電掣。印印打開電飯煲，盛飯時才發覺，仍是米。

印印知道自己離開1個月，買了整雪櫃肉類 : 2隻雞，牛肉/牛柳/牛蹍，豬頸肉/肉青/豬扒。起碼夠食2星期，本地鐘點工人只需買蔬果/雞旦。

當佢未習慣la。

接著星期日，印印飛走。

星期一，無特別。

星期二，無la la買燕麥菜 - 我地:1無叫佢買，2唔食。(印印一早已告訴她，我家只吃普通常見的菜，其他菜不要買。)
我媽叫佢自己拎返家吃，以後我們無叫唔好亂買。
又去百佳買新式地拖，話會乾淨d !
之前印印要用毛巾抹地，家中無地拖。但d本地皇帝，矜貴d。還要用風扇吹乾地下，並非用乾布抹乾。

星期三左右 - 無la la買左$10豬肉，$10牛肉。問佢，我地整個雪櫃都是肉類，點解還要買 ？她說，她買的，不同。!!
星期五，我帶完仔游水，返家 - d 食送，滿是鑊撈！！我結果要裝碗水，將每件雞翼上的鑊撈洗去！
星期六，我自己去逛街市買菜。之前問她，印印告訴她去那間買生果，是街市左手邊，還是右手邊　？她答我，去那間買都一樣ga la. 証明並非去印印買慣那間，亦不理會我們在說甚麼。

每天去買少少菜，橙，旦(並非每天買)，便會順延30分鐘。

原本想等佢next day下午洗碗，但我媽會早上忍不住洗碗，結果每晚我都要自己洗碗。她還弄到個廚房，垃圾附近的廚櫃上有不少食物渣，引到整廚房都有蟻搵食。又要我抹。

星期五，她說廚房孖抽氣扇外的百頁簾滿是千年油漬，要買洗油漬的洗潔液。
星期六，發現她在用生果刀剷千年油漬，問她點解用生果刀，佢答:用完洗乾淨便成。我說: 我家的用具，吃的，和用的，是分開的。她再說: 是你媽給我用的。我說: 短短1星期，我已肚瀉3次! 不可以再用食具來這般用。

她的反應，簡直=賓賓 : 眼濕濕，然後抹眼淚。還對我媽說，我盡心盡力替你地做工。。。。。
死未。

第二個星期差不多情形下度過。

還有大概2星期印印會回來前，我發現家中房內牆上，有不少"卜泥"(小昆蟲)在散步。叫她用淨漂白水抹牆。她說家中無漂白水。結果我們自己去買漂白水。

她抹完漂白水那晚回家後，發覺 ---
地上，黏黏的;
櫃門，房門，也是黏黏的;
原來她 ---- 除了抹牆，同一塊布還要抹地，然後抹櫃門，房門
原全不聽清楚指示 !
第2天，叫她用清水抹去櫃門，房門，地上的漂白水。
但有些地方，如ikea白抽屜外，已經被漂白水la到一躂躂。

臨印印快回來那數天，我們雪櫃裡的肉類，已吃到8899，便轉買外賣。起碼比她煮的好味道。

印印回來那天，大概5/6點到。她見到印印，便急急說，你返到來，我都走得la。

接著，我們發覺:
印印的八達通，我放在我房內抽屜頂 - 不見了，找不到。
印印房內抽屜內，有2小瓶香水 -- 不見了，抽屜凌亂。
食油，原本印印剛剛開一瓶olive oil，--- "用"晒無晒。
漂白水，原本印印回鄉前剛買一大瓶 - 但用漂白水抹牆前，已經話用晒。
有間"雜物房內，顯然從來無打掃過，有袋食物生晒一條條小蟲，也不知 / 不理。
我個仔有不少衫褲放在他的bb床上 - d漂白水滴左落:1條levis jeans 上(有幾躂淺色左)，1條gap深藍色短褲後面，1件tommy hilfiger藍色shirt領上。
老公有件columbia gore tex 外套掛在衣櫃門 - 被漂白水滴左落衣袖一躂躂。


唔怪得知d本地工人，唔夠外佣做。

1。反應和外佣一樣，更過之而無不及。

2。無記性，or 索性你有你講，佢想點就點。
eg我個仔對返學鞋，每晚都是佢想走時，開門才見到，從未抹過，亦從來未曾記得過。

3。亂咁來
廚房碗布和抹廚房的毛巾(甚至抹地布毛巾)，及洗杯和洗碗/鑊/煲的百潔布，會撈亂用。用抹廚房的白毛巾，用來抹抽氣扇千年油漬，便一躂躂灰黑色，再用來抹廚房。叫她不可以撈亂用，永遠忘記 / 不理。她做那個月，開新毛巾和百潔布，等如印印的3-6倍。

4。打斧頭落格 - 印印每天用6個橙搾橙汁，她說7個才夠，後來我媽不忿，看住她，才不可以做。

5。做賊。
我捉左隻老鼠落米缸。

死未!!
還要每月抽$400"外佣稅"，來培訓d咁o既本地鐘點工人 !!


私人傳訊

carolmama2005


大宅

積分: 3025


2#
發表於 06-7-4 19:58 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

係唔係新移民黎架?
私人傳訊

bby


公爵府

積分: 27357

好媽媽勳章


3#
發表於 06-7-4 20:01 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

睇黎你真係好嬲
唔好話bk媽咪介紹, 有時經朋友搵既本地鐘點都好攪野
仲要收 $50-$70個鐘, 如果比佢一日做8個鐘, 一個月佢咪 $12000. 仲好過好多人

我都試過經d自願機構請鐘點, 同佢講左一定要識熨衫 (最緊要)
上到黎叫佢熨衫, 跟住同我講唔識熨 真係比佢激死我

不過請印印又好, 賓賓又好, 鐘點又好, 都係睇下你彩數, 好就好好, 唔好就激死都似

私人傳訊

Bluestar


子爵府

積分: 12722


4#
發表於 06-7-4 20:03 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

no ah。
佢話自己: 3歲來港，現年約50歲。讀加士居道，x道，英文lark lark 聲，可以教我個仔做功課。

梗係la，幫我教仔的話，米唔使做囉。

總之我post 出來，請大家提高警惕。
唔關那位bk媽咪事- 她太好人，請這位大姐，都只係2星期做3hrs那種。

係呀，她跟"職工盟"的，但那機構只懂打電話問，有無替她買保險，要報個no。給職工盟。
又唔見佢打電話問做成點!!

私人傳訊

winnie_sh


子爵府

積分: 10622

醒目開學勳章


5#
發表於 06-7-4 20:07 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

嘩！你打咁大編野去公開佢o既優點，睇怕佢真係值$200一日喎(佢比我 )
私人傳訊

Bluestar


子爵府

積分: 12722


6#
發表於 06-7-4 20:08 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

我都慣左打大篇野ga la。
私人傳訊

winnie_sh


子爵府

積分: 10622

醒目開學勳章


7#
發表於 06-7-4 20:26 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

所以咪你好人得滯，忍佢成個月，俾我就炒佢上天花板，本地真係唔憂請，我幾年前經家務通，試連轉四個我先滿意，個姑娘都同我講，1~2個鐘就知個工人得唔得，仲話份鐘頭勞保係任轉名的，所以佢講唔鍾意唔好忍！

你話佢撞倒你請佢係幾咁幸福呢！
私人傳訊

FA8866


公爵府

積分: 28578

好媽媽勳章 醒目開學勳章


8#
發表於 06-7-4 22:15 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

請著呢d工人真嘔血. 比我都剷到佢上天台.
私人傳訊

bby


公爵府

積分: 27357

好媽媽勳章


9#
發表於 06-7-4 22:31 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

Bluestar
係呀係呀, 你真係好好人, 仲比佢留成個月, 上次個位唔識熨衫既阿姐, 上左黎一次我叫佢唔駛再上黎

私人傳訊

Bluestar


子爵府

積分: 12722


10#
發表於 06-7-5 13:26 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

FA8866, winnie_sh,

再有下次我唔好彩撞到件咁o既野，
必定pass俾你地發洩下。

我老公原本說她做得比印印好，乾淨。
知道自己件goretex 漂白後都無出聲。
抵佢死，可憐件咁衰o既本地鐘點。
私人傳訊

crystal888


男爵府

積分: 9006


11#
發表於 06-7-5 16:17 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

係呀, 本地鐘點, 真係好恐怖架, 我媽子從前都搵過佢地幫手, 結果都係做第一日已經頂佢地唔順, 叫佢地唔使再來啦, 因為佢地好懶, 唔理係新移民, 定係本地, 因為佢地覺得$50一個鐘, 好多咩, 做咩要做得咁辛苦, 專搵D簡單同唔使點用力的工作去做. 大佬呀, 唔使用力, 同簡單, 我都識做啦, 咁做咩要搵你幫手wow.

有時, 佢地只係識偷聽個僱主搵幾多錢, 同八卦個僱主的私隱, 所以我唔會請本地.
小豬獻醜123

私人傳訊

maomama


男爵府

積分: 9908


12#
發表於 06-7-5 16:27 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

bluestar
你講得啱:d本地皇帝，矜貴d。雖然我個唔係bk媽咪介紹，但一樣係皇帝，佢整污糟個爐（煲湯煲瀉），唔會抹；又成日係女女面前講以前老細點好。呢樣唔想做，個樣又唔想做，越來越馬虎。衰野數之不盡，唉！
私人傳訊

verytired


大宅

積分: 1087


13#
發表於 06-7-5 16:52 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

我之前都請過一個.... 見工時講明出月薪..

第一日開工問可否半個月出一次... 第4 日 話等 $ 用.. 可否翌日.... 咁第5 日出左啦.... 第6 日問可否一星期出一次... 咁好啦.. 我地順晒佢意.....希望佢俾心機幫我地做好d....

點知工作方面..... 廁所唔係日日抹.... 成地頭髮..... 垃圾桶隔離幅牆... 滿晒"送"渣... 爐邊幅牆滿佈油漬.... 抽氣扇黑晒... 忍左一個月, 我終於搵張紙寫低有d咩地方想佢幫手清潔.. 佢竟然答我 : (其實你唔洗寫俾我啦.... 我日日都抹窗, 抽油塵機, 抽氣扇啦.)..... 各位, 你地信唔信日日抹呀? 有咁既必要咩?

佢一日工作4 個鐘, 中段時間會接我仔校車.... 日日o向樓下同人傾計..... 最離譜, 可以唔記得帶 key... 我要返工架.....我仔要陪佢o向屋企樓下等我回家....

佢搞到我對請本地工人失晒信心喇 :-(
私人傳訊

winnie_sh


子爵府

積分: 10622

醒目開學勳章


14#
發表於 06-7-5 18:52 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

我幾年前請鐘點時講明要試工一日的($40HR)無問題先俾佢上黎，我會放假係度同佢傾要求同試佢湊囡餵粥仔同煮午飯，因為我自己做開呢D野，係絕對可以睇得出佢手勢GOOD唔GOOD，之後睇佢做一次拖地我就知掂唔掂，因為呢D手勢無得呃，唔掂就唔掂，仲有當時係有我呀媽係屋企睇鐘點做野，所以完全無呢D問題出現，我覺得鐘點一定唔可以單獨係屋企做野，起碼有個人超住佢就一定唔會偷懶。

當然我都知未必個個屋企有家人幫手睇住啦，唔係使鬼勞氣咩？最衰都係"特衰"政府D所謂外傭政策，如果外傭唔使係我度住，我第一個請，因為已經無需要供應額外野俾佢地，等佢地淨袋D$$乜都"老FUNG"要僱主買。 :tongue:
私人傳訊

vic-wing


男爵府

積分: 6949


15#
發表於 06-7-6 03:53 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

過年前我都經一位bk媽咪介紹本地鐘點 呢位鐘點黎做

私人傳訊

kittylock


侯爵府

積分: 20863

好媽媽勳章 醒目開學勳章 畀面勳章 BK Milk勳章


16#
發表於 06-7-6 11:31 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

咁賓賓同印印每月俾果$400外傭稅咪好唔抵？？！！
私人傳訊

LL928


別墅

積分: 743


17#
發表於 06-7-6 11:47 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

無試工架咩？
第一曰唔妥就踢佢走啦
職工盟無得換人架？
那些年我們開心的日子不復見
私人傳訊

LSC


大宅

積分: 3353


18#
發表於 06-7-7 12:24 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

唔知你地會唔會遇過我99,佢又係有做家務助理,但次次佢都係做一次就唔會再有第二次,因為佢做家務超唔掂,超求其,煮野又唔得,佢根本就完全唔鍾意做家務,我都唔知點解佢會PASS到 ?-(
私人傳訊

Yukari


洋房

積分: 50


19#
發表於 06-7-7 15:35 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

Bluestar,
之前我請的本地工人也是把漂白水滴到我的CK Jeans到,條褲不能再著了. 除了沒偷東西,其餘的行為也差不多.
如真的一肚氣的話,可考慮把你打在這裡的文章改成信fax到消委會或所聘機構(如有的話). 我之前打電話去家務x投訴,他們沒有理會,反而強調那工人沒問題,會繼續介紹工作給她, 我不想其他人受害,所以說會去消委會,家務x的人才道歉!
私人傳訊

m29


別墅

積分: 573


20#
發表於 06-7-7 17:48 |只看該作者

Re: 唔好以為bk媽咪介紹佢自己請緊的本地鐘點工人，一定會係好人，會做得好。

我都試過請本地工人, 第一日返工就同我講"你屋企都好污嘈, 點做呀", 我答佢唔污嘈都唔使請你啦, 之後已經叫佢唔使再返.

最慘係我 "zip" 左份幫佢買勞保的錢
[url=]
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy