我住西班牙式村屋三樓連天台，二樓住左對年約六十幾歲的夫婦。
佢兩公婆應該感情不好，從沒一齊出街，各自洗衫晾衫，好似租房住咁。
但佢兩公婆經常性投訴我地呢樣果樣。
例如佢無啦啦寫張紙放入我信箱，鬧我自私，嘈住佢訓覺。
咁我收到張紙就問佢點嘈？
佢話我打麻雀。
但我屋企巳經冇打麻雀好多年(over 8 years)，搬入去十幾年都只係頭果幾年打過3-4次，仲要係曰頭。
近排佢又投訴我扔垃圾落簷蓬。
佢投訴吾係正面同我講。佢中意係樓梯大叫大嚷。或對住我菲傭係咁鬧我地x街、x家剷咁!
我本來應該吾睬佢，但聽到d粗口，又想了解下佢嘈乜!
上年佢屈我地倒d蚊香灰落去。
我地屋企個窗花不是活動式的，開窗倒野出窗口仲難過行去垃圾桶。我望出去果d亦吾似蚊香灰，亦請過佢個囝上我地屋企睇下倒蚊香灰出窗口有幾煩！佢囝亦同意，不過佢個囝吾係度住的。
我問過菲傭佢冇咁做，也問過哂我所有屋企人冇人咁做，
事實上，倒垃圾出窗口對我地絕冇好處，大家都知住村屋乜都要靠自己清潔，我地點會咁做?
今曰，個亞婆又鬧我倒d藥水落去。佢指俾我睇有些紫色液體係佢窗下簷篷頂。我屋企冇紫色的藥水，亦沒可能咁無聊倒野出去。但佢吾信！
跟住晏少少，到個亞伯見到我工人換石油氣，就狂插佢話早幾曰佢水錶爛左，要搵人換，一定係我工人撞爛。跟住數十字粗口咒我全家。我聽到嘈聲又落去睇下。佢狂鬧我工人，我同佢講我工人放假(21曰)，昨晚至返，叫佢冇証據咪亂講。
跟住果d係人身攻擊……..激到我真係差d想殺人。
村屋得三層，只有我住佢樓上，但我地真係吾會做d冇公德的事，我地係業主，吾係租客，整污穢公共地方對我地毫無好處。
我地仲經常清潔樓梯和外面空地，我反而見過果位亞伯亂掉垃圾入地下草叢。
如果間屋係租的我搬左九世，遇著呢d野蠻人可以點做呢?
大家指點下!
發表於 
返回列表
