Re: 請好好愛你們的太太...
唉.... 男人呀男人, 你地明唔明白, 自古婆媳關係都咁難搞, 就係因為本來就係敵對既!!
點解呢? 99會覺得, 自己辛辛苦苦養到個仔咁大, 一個唔該就比一個識左幾年既女人搶走左, 咁佢就梗係要為難下個新抱, 等佢知道, 呢度既話事人並唔係佢, 而係自己!!
而新抱呢, 就會覺得本來係一個嬌嬌女, 點知嫁左入男家之後, 就被99當成大罪人, 咁佢梗係要反抗架啦!!
結果, 婆媳關係咪越搞越喎囉.....
而d男人去晒邊呢??? 咪就係坐係岸邊, 驚死其中一方搵佢黎做公正, 一方係阿媽, 生自己養自己, 勞苦功高, 一方係自己深愛既女人, 結婚時發過誓話會永遠愛佢鍚佢既!! 手掌又係肉, 手背又係肉, 咁可以點呢? 咪避囉, 由得佢地2個嘈, 自己炳埋好過!!
(以上我相信並非全部男人都係咁做, 但我相信你地唔多唔少都會有以上想法, 係咪?)
其實男人們, 你地明唔明白, 只要你地"好仔2頭瞞", 呢邊氹下阿媽, 同佢講多d老婆既好說話, 而且仲要同阿媽講明, 老婆就只得一個, 即使佢走左, 都唔會娶第2個!!(唔好理之後既問題, 當你結婚時你的確係咁諗, right?) 我老公就係咁樣同佢阿媽講, 所以佢阿媽知道, 即使我被佢激到走左, 佢個仔都唔會再娶, 亦即係話佢一世都唔會有孫抱, 因為佢知道我老公係一個超級硬頸既人, 講左出黎既野係唔會收返既!!
當然啦, 佢都有同我講, 希望我多d就下佢阿媽, 而且只係要求我做到基本就得, 唔須要做其他野, 但當我做左d額外既野, 佢就會好開心, 好感激, 更愛我, 更錫我!! 而我就會有更多既動力去做更多額外既野!! 而且我老公最好既係咩呢? 就係即使我做更多額外既野, 佢都唔會提高佢既基本要求!! 呢個係一個令我安心既表現, 因為我知道, 我絕對已經達到佢既要求, 當我唔開心既時候, 我都能夠達到, 咁即係話, 我有自由選擇既權利, 當唔使被逼去做一件事既時候, 人都高興d啦!!
仲有, 就係千祈千祈唔好成日叫老婆忍, 因為忍得多會生癌既! 要講既係, 同佢訴之於感情, 同老婆講, 呢個係佢阿媽, 當係為左佢, 唔好同佢一般見識之類!! 而且, 同一件事, 說話唔同, 後果都會唔同!! 例如, 你想叫個老婆係同99飲茶時多d夾送比佢, 多d針茶比佢, 就唔好用命令式話"妳等陣記得多d針茶比佢呀, 唔係佢會發爛炸架!!" 咁樣講, 無形中將99會發爛炸呢件事同新抱針唔針茶掛左勾, 然後99可能真係飲茶時發爛炸, 但可能完全唔關個新抱事, 但因為你已經先入為主覺得係因為個老婆唔針茶, 所以阿媽先會發爛炸, 咁就死得啦, 大家都唔happy!!
你應該同老婆講, "老婆, 陣間去飲茶果時呢, 係咁易針下茶比我阿媽好啦, 塞住佢把口就算" 通常呢, 老婆如果同99關係唔係太差(又或者係初見面時)會話 "係咁易? 會唔會唔係幾好丫?" 咁你就話"唉....我唔想委屈左妳丫麻, 妳係我愛既女人, 我唔捨得妳受苦啊!!" 通常d女人聽到呢d甜言蜜語, 梗係會覺得開心, 覺得開心就唔會想自己老公難做, 通常就會做得比老公既要求更好!!
咁樣, 係咪3贏丫?!
以上既野, 唔係剩係我講架(雖然全部都係我既親身經驗), 尋晚discovery channel 既home & healty都係咁樣講架~~
junkone 寫道:
最近香港發生了一宗淪常慘劇，一名女子咬甩奶奶個鼻再跳樓，最後條屍無人認領。
「如果你阿媽同我跌左落水…你會救邊個先？」
「兩個跌落水等老公救」係一種對抗。如果我老婆同阿媽攪D咁既野，我會考慮自己跳埋落去先浸死自己。
點解唔可以同奶奶互相幫助游返上岸呢？點解唔可以你救奶奶又或奶奶救你呢？點解唔可以未跌落水之前互相看顧，等大家都唔駛跌落水呢？
[quote]其實我小時已聽過這個問題...如果你媽媽(奶奶)和我(老婆/女朋友)跌左落水...你會救邊個先??我真係覺得好好笑...
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
