大仔大女媽媽會

收藏本版
發帖
返回列表
跳至頁

首頁
1

尾頁
   0
pekkle53


別墅

積分: 568


1#
發表於 06-9-21 00:17 |只看該作者

傻太太 ------ 有事相求

傻太太,

你不是由日本雪印轉了 A+咩? 點解現在飲緊明冶呀???

係呢. 其實我想問你呀.
你初時食日本雪印時, bb: 每日食幾餐呀? 每餐幾安, 全日幾安?
轉了 A+: 每日食幾餐呀? 每餐幾安, 全日幾安?
現在明冶 :每日食幾餐呀? 每餐幾安, 全日幾安?

因為我bb 一開始就食香港雪印. 但一向都食得唔多呀. 而我又係上次會展bb展買了一箱 8 観 1 號仔, 一箱8 觀 2 號仔.
其實現在都想同佢轉奶粉,看看會否好d, 但基於唔想浪費果18 觀. 而又見你轉了奶粉, 所以想問下你囉.

因為我已經看了成6 -7 個兒科醫生啦, 佢地都話唔關奶粉事, 無必要轉奶粉或轉豆奶 (因為有些媽咪話可能bb 唔鐘意奶牛奶呀)
但又好多媽咪話不如轉下啦, 可能bb 唔鐘意食雪印呀.
現在醫學方法已經試了, 唯有做下一些民間傳統方法啦.
如轉奶粉, 轉奶咀, 開奶茶等等.........

如各位媽咪有轉奶粉後又食得好的, 請給一些意見

謝謝
[img][ing]http://i88.photobucket.com/albums/k187/pekkle53/33258240493567224471223522680321270.jpg[/ing][/img]
私人傳訊

anniewmau


禁止訪問

積分: 8080


2#
發表於 06-9-21 01:14 |只看該作者

Re: 傻太太 ------ 有事相求

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

傻太太


男爵府

積分: 5339


3#
發表於 06-9-21 01:21 |只看該作者

Re: 傻太太 ------ 有事相求

係呀..我個囡依家食明治呀!! 都真係轉左幾款....hheee...

1. 日本雪印 (3-4oz, 1日6-8餐) , 全日平均25oz左右啦
2. A+ (sorry, 未轉得成功, 頭3日只食1餐, 到第4日竟然飲完個幾鐘突然噴奶.......第5日飲完到第2餐又嘔奶...所以stop左)
3. 明治 (初初己經有明顯改善, 飲量大增, 5.5-6oz, 1日5餐, 可惜唔知係飲太多飲制左....上星期突然又厭奶, 仲要好嚴重....1日都係20oz咋...成個week, 到依家都係咁...)

最近試左, 將奶咀整多1個孔....睇下會唔會好d啦...未知...

醫生我反而無睇, 都知佢地會點講啦......算吧啦...
民間野我都有試.....不過都係麻麻地有效...有時1次有效..但之後又衰番...哎...真係心灰意冷.....!!
開奶茶最近都保過1次比佢....嗯....開個餐叫左好d啦....不過第2餐又衰番.....都係飲我3oz左右...激史我.....!! 依家只好少食多餐囉...辛苦自己!!為左個囡都無辦法啦~~~我有試過同佢轉奶咀, d人話chu chu十字個款好....可惜..我個囡好""專一""架....只係肯食nuk個款黃色咀...其他既情願絕食都唔要....哎.....臭b一名!!麻煩友......

其實你都可以試下轉奶粉既....!!

我選明治係因為佢營養多....雖然突然又唔多飲, 不過暫時都唔會再轉喇....至少佢營養夠, 總覺得好過之前日本雪印...雖然個隻真係飲得囡囡皮膚白d同靚d (真係無咩粒粒)....!!

唔知我意見幫唔幫到你呢??!!!!

加油呀, 唔好灰心呀.....!!
hello, 我叫澄澄yubi, 2009年5月29日出世 ^__^
私人傳訊

prutong


大宅

積分: 4879


4#
發表於 06-9-21 09:59 |只看該作者

Re: 傻太太 ------ 有事相求

下, 傻太太你o甘勁, o甘夠擔同bb轉o甘多次奶粉......我個女一直都飲雪印, 飲唔多, 依家最多個餐只係飲4oz咋, 但又唔覺皮膚好, 面仔有d粒粒, 老公都成日話會唔會佢唔鐘意食雪印洗唔洗換. 我見佢d便便無硬, 加上護士朋友話其實隻隻奶粉都係差唔多營養同成份, 唔洗轉來轉去, 而雪印味道是易入口類, 其他味道更難入口, 所以一直都唔同佢轉lor.

將奶咀整多1個孔, 小心澄澄"逐"親呀..

私人傳訊

傻太太


男爵府

積分: 5339


5#
發表於 06-9-21 10:34 |只看該作者

Re: 傻太太 ------ 有事相求

唔止架....仲未提..(香港雪印同森永)添呀...哈哈....
我個囡飲雪印真係白淨好多...同無咩粒粒架....
因為我仲有兩罐雪印,所以依家每日都會有1餐食雪印^^

但我覺得轉奶粉真係會有DD幫助....
每次比新奶粉OR新野佢飲, 都會飲多左......所以可能真係飲悶左!!不過.....我暫時都唔會再同佢轉喇....!!

唔會掛...?? ~不過有D媽咪話有效, 所以先試下...
hello, 我叫澄澄yubi, 2009年5月29日出世 ^__^
私人傳訊

sarah622


別墅

積分: 903


6#
發表於 06-9-21 11:57 |只看該作者

Re: 傻太太 ------ 有事相求

傻太太, 我都轉左奶咀個SIZE呀, 我個仔早前都係噤,唔係好食奶, 之後我去買過 level 2 size的奶咀(M size), 即係好好多. 佢開始病左鼻塞塞唔肯食奶,之後睇完醫生話佢食制左同感冒鼻塞, 我只有開奶時開多半安水, 又比多d水佢飲, 情況好左好多.
另外開奶茶我問過中醫, 3個月大的bb係唔可以成日飲的, 飲的份量1-2茶匙.(大家唔好比大多bb飲呀.)
比d心機啦, 小bb係噤架, 多多事幹.
私人傳訊

頂級美人


大宅

積分: 4394


7#
發表於 06-9-21 12:37 |只看該作者

Re: 傻太太 ------ 有事相求

My bb driniks A+....very good wor...
私人傳訊

pekkle53


別墅

積分: 568


8#
發表於 06-9-21 15:53 |只看該作者

Re: 傻太太 ------ 有事相求

傻太太,

多謝你的意見呀.
看你的數據, 你個女都係唔飲得好少咋.
我個b 呀, 由2 個月開始, (有一日嘔奶開始) 就每日都係飲 16-19 安咋. 真係好耐先有一日飲到20 安以上. 咁我個仔咪仲飲得少........ :-(
我在佢2個月大時, 已經幫佢轉了 M size 啦, 因為 S size 佢飲得好辛苦. 而近日我都買了nuk 的奶咀, 佢好似唔鐘意呀, 所以都係用返舊的奶咀....
而我都打算s26 比佢試下, 睇下佢肯唔肯飲, 同埋飲得多唔多. 如果同香港雪印一樣, 我應該會轉返雪印啦

你個女都就來 4 個月啦, 現在幾多磅呀? 比3 個月時重了幾多呀. 我個b 自從飲得唔多之後, 現在4 個月 比3 個月時, 只重了 1 磅咋. 見到都 心痛 :-(

我已經對住佢 & " 頭細行" 啦. 真係心灰意冷呀. 有時因為佢唔肯飲奶, 真係自己都哭左出來.

你個女都好呀, 肯少食多餐, 又肯就來睡著時同你飲奶 . 我個君昊呀. 一定唔會同我少食多餐, 唔夠4 個鐘唔食. 如果真係開比佢, 結果係倒落大海, 一係就嘔奶比你睇, 死未
佢就來訓著或已經訓著又一定唔會去食囉.
所以你真係比我好啦.
[img][ing]http://i88.photobucket.com/albums/k187/pekkle53/33258240493567224471223522680321270.jpg[/ing][/img]
私人傳訊

傻太太


男爵府

積分: 5339


9#
發表於 06-9-21 16:20 |只看該作者

Re: 傻太太 ------ 有事相求

係呀...次次厭奶之前都係有嘔奶情況, 唔知係咪佢地怕左嘔奶, 所以情願唔飲

我之前都有諗s26...不過又怕佢太甜, 又會嘔奶....
日本奶粉無咁甜, 之前又食開日本雪印, 所以咪決定比日本明治佢試囉......而且聽講營養係最高....!! 香港奶粉我怕佢便便會硬.....唔敢試....

我都唔知佢重左幾多, 3個半月個時自己磅好似都係重左1磅多dd咋....後黎就開始厭奶喇...我覺得佢瘦左添呀, 手臂仔都無咁大隻..... :cry: :cry: 依家我唔敢磅呀, 我怕壓力太大....下星期六返健康磅好過.....

哎...我之前都唔知幾多次...一邊餵奶, 佢又喊時我又喊....因為真係好唔開心....見佢食咁少....迫佢食又唔係, 唔迫又唔係.....哎......!! 不過依家睇開左喇~算啦.........最重要佢健康...細碼就細碼啦!!

依家餵奶真係好似小偷咁...要等佢訓左, 再靜英英咁餵....
要一d聲都無, 一有聲就醒~~好慘!!
有時仲要抱住一邊唱歌仔一邊餵........史未
真係唔知點同佢出街.....

唔好唔開心啦.......
有時會諗, 有d人想生bb都無......我地咁幸運生到個可愛bb (自己覺得係...哈哈... :mrgreen: )己經好幸福, 對比有d人想有我地呢d""煩惱""都無機會!! 而且我相信, 只要健健康康...呢d""問題""大個d應該會有""改善"", 唔會一直都係咁既.... !!

千期唔好灰心...要開開心心....需要真係好累!!
不過日子好快過....咁就4個月喇....
pekkle53 寫道:
傻太太,

多謝你的意見呀.
看你的數據, 你個女都係唔飲得好少咋.
我個b 呀, 由2 個月開始, (有一日嘔奶開始) 就每日都係飲 16-19 安咋. 真係好耐先有一日飲到20 安以上. 咁我個仔咪仲飲得少........ :-(
我在佢2個月大時, 已經幫佢轉了 M size 啦, 因為 S size 佢飲得好辛苦. 而近日我都買了nuk 的奶咀, 佢好似唔鐘意呀, 所以都係用返舊的奶咀....
而我都打算s26 比佢試下, 睇下佢肯唔肯飲, 同埋飲得多唔多. 如果同香港雪印一樣, 我應該會轉返雪印啦

你個女都就來 4 個月啦, 現在幾多磅呀? 比3 個月時重了幾多呀. 我個b 自從飲得唔多之後, 現在4 個月 比3 個月時, 只重了 1 磅咋. 見到都 心痛 :-(

我已經對住佢 & " 頭細行" 啦. 真係心灰意冷呀. 有時因為佢唔肯飲奶, 真係自己都哭左出來.

你個女都好呀, 肯少食多餐, 又肯就來睡著時同你飲奶 . 我個君昊呀. 一定唔會同我少食多餐, 唔夠4 個鐘唔食. 如果真係開比佢, 結果係倒落大海, 一係就嘔奶比你睇, 死未
佢就來訓著或已經訓著又一定唔會去食囉.
所以你真係比我好啦.
hello, 我叫澄澄yubi, 2009年5月29日出世 ^__^
私人傳訊

pekkle53


別墅

積分: 568


10#
發表於 06-9-25 19:46 |只看該作者

Re: 傻太太 ------ 有事相求

傻太太,

我已決定同君昊轉s26 呀. 今日係第三日啦. 但我覺得效困一般咋. 同飲雪印無咩分別.

雪印: 一日 4-5 餐, 每餐 2-4 安, 好少時間係飲到 5 安. 全
日都係15-18 安.

而我轉s26, 係第一日轉一餐: 飲得3 安咋. 第二日轉二餐, 分別都係 3.5. 效果都係麻麻囉.

我想問你轉明冶時, 是否都係第一日轉一餐, 第二日轉二餐, 直至轉完呀? 是否一開始轉第一餐明冶時, 已經有好多分別啦? 例: 雪印平時係3 安, 轉明冶第一餐已經可以飲到 5 安, 跟住就6 安? 還是初初開始都係飲得 2-3 安. 要全部轉埋, 先會有明顯的分別同埋飲多左?

我個b 都係飲得 3 安左右, 是否佢都係唔鐘意s26? 還是真係唔關邊隻奶粉事. 而係佢根本唔鐘意奶粉或真係胃細?

有時間, 請回覆我
[img][ing]http://i88.photobucket.com/albums/k187/pekkle53/33258240493567224471223522680321270.jpg[/ing][/img]
私人傳訊

debbieip


大宅

積分: 1113


11#
發表於 06-9-26 14:33 |只看該作者

Re: 傻太太 ------ 有事相求

HI, 咁我位媽咪, 我BB都係有食奶問題呀! 我都唔知點先好! 依家三個月, 有時食3安, 有時食2安就發脾氣! 我一日比佢食6餐, 3.5hrs 一餐, 同健康院d姑娘講佢唔肯食奶, 姑娘又話問題唔大, 或者隔4個鍾先比佢食, 等佢每次食多d!
但問題係就算4個鐘先比佢食, 佢都唔一定會食多d, 因為我以前每3小時一次, 佢食4安, 一日有7餐, 依家3.5小時一次, 每日6餐, 都係食4安, 仲經常食剩好多.....都唔知點算....

我仲想請較各位媽咪, 你地bb每日的食奶時間係唔係一樣? 即係例如每日5:30am係第一餐, 就要日日都係 , 唔理佢醒未, 第二餐如隔3.5hrs就係9:00am, 如此類推, 就算bb sleeping 都叫醒佢食?
因為我依家就係咁, 我都問過醫生&姑娘, 佢地話唔係食藥, 唔需要咁準時, bb有自己生理時鐘, 比佢睡醒先食!
但係因我同奶奶住, 佢主張要咁, 無論我點講佢都要咁! 加上依家 bb唔鐘意食奶, 佢就更加話我d時間亂(其實只係有一日遲左半小時比佢食)! 我真係好大壓力, 但又好嬲呀!
私人傳訊

prutong


大宅

積分: 4879


12#
發表於 06-9-26 14:54 |只看該作者

Re: 傻太太 ------ 有事相求

睇完幾位媽咪回應, 原來好多BB都係O甘唔願食奶, 包括我個女在內, 真係無法, 食幾多真係佢話事, 無得迫, 見住個女快4個月, 真係比起2個月時瘦左.

debbieip 寫道:
HI, 咁我位媽咪, 我BB都係有食奶問題呀! 我都唔知點先好! 依家三個月, 有時食3安, 有時食2安就發脾氣! 我一日比佢食6餐, 3.5hrs 一餐, 同健康院d姑娘講佢唔肯食奶, 姑娘又話問題唔大, 或者隔4個鍾先比佢食, 等佢每次食多d!
但問題係就算4個鐘先比佢食, 佢都唔一定會食多d, 因為我以前每3小時一次, 佢食4安, 一日有7餐, 依家3.5小時一次, 每日6餐, 都係食4安, 仲經常食剩好多.....都唔知點算....

我仲想請較各位媽咪, 你地bb每日的食奶時間係唔係一樣? 即係例如每日5:30am係第一餐, 就要日日都係 , 唔理佢醒未, 第二餐如隔3.5hrs就係9:00am, 如此類推, 就算bb sleeping 都叫醒佢食?
因為我依家就係咁, 我都問過醫生&姑娘, 佢地話唔係食藥, 唔需要咁準時, bb有自己生理時鐘, 比佢睡醒先食!
但係因我同奶奶住, 佢主張要咁, 無論我點講佢都要咁! 加上依家 bb唔鐘意食奶, 佢就更加話我d時間亂(其實只係有一日遲左半小時比佢食)! 我真係好大壓力, 但又好嬲呀!
私人傳訊

ivan_rachel


民房

積分: 18


13#
發表於 06-9-26 23:08 |只看該作者

Re: 傻太太 ------ 有事相求

hi...你們好呀!!其實你們真的不要同 bb 左轉又轉奶粉呀....如果 bb 食住原本的奶粉是沒有問題的話...根本就唔應該轉...這只會另 bb 唔適應...更加唔飲奶...你們要知道每個
bb 都係獨特...係你和丈夫獨一無二的心肝寶貝....根本唔可以和其他 bb 比較...試問你和你老公,朋友等...會唔會一樣每餐都食2碗飯..3條菜...5舊雞....2隻蛋呃? 如果係的話...我無話可說!.....你們應該用換奶粉的時間和研究邊隻奶粉好d的精力去了解下自己的寶貝為咩唔食奶...係厭奶?...奶咀size唔夠大?...奶溫唔好?.....抱的姿態唔好?....玩耐左可能要小睡一會才有精神繼續食?.....又或且現在進入好奇階段..不能集中注意力食奶......甚至根本未肚餓...那就可以將喂奶時間延後一些才喂......好多原因的! 點解我會知...因為問題都發生係我自己身上...我就睇書了解 bb 的心理發展...用多d時間了解 bb既真的需要.....最後我發現以上所有情形都會發生...根本唔關奶粉事...除非你們的寶貝有食左痾的情況....希望你們唔好話我煩....仲有係 bb 睡覺既時候喂奶係不要得的懷習慣...bb係睡夢中被灌飽....根本就唔識得係醒既時候識肚饑...所以之後每餐都係睡左覺先飲奶....你們要俾 bb 知道睡緊覺係冇奶飲既...要醒既時候先有得飲....就算呀b開頭唔飲...餓了一餐後,,,呀b一定飲...我唔信呀b肚餓都唔食奶....唔好聽講句除非呀b有病.......希望大家明白啦!
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy