論盡家傭今日: 1|主題: 134091

收藏本版

發帖

返回列表

跳至頁

查看: 597 | 回覆: 5

大家點睇呢個工人呢? 可否俾d意見? [複製鏈接]

superbreadkaka

別墅

積分: 934

1^#

發表於 13-3-19 22:53 |只看該作者 |倒序瀏覽 |打印

新菲姐嚟左兩星期，係海外菲，未出過國，有四個小朋友(但佢仲後生, 33歳)。我兩公婆要返工，工人主要負責照顧我兩個囡(歳半及三歳半)、煮飯、做家務，每日婆婆或嫲嫲負責買餸及幫手幾個鐘。

新工人比較斯文，有禮貌，對小朋友有愛心，肯學肯做，但係亦有好嚴重既問題，就係記性超差(佢自己都話有memory problem)，同埋手腳好好好慢。佢既記性係差到有D不能接受，我已寫晒RUN DOWN，WORK LIST，但係好多野呢頭講完嗰頭唔記得，又或者日日要做日日提佢都唔記得。另外佢嗰邊可能節奏太慢，所以快唔嚟，我已將佢既WORKLOAD減到無可再減，只要求佢顧掂兩個小朋友，清潔我都叫佢有時間先做。

湊小朋友有好多鎖碎事要記，例如起身要著褸、間中要俾水佢哋飲，佢都成日唔記得，叫佢隻手摸完生豬肉要洗，又係話左幾次都唔記得。湊兩個手腳要快亦要muti-tasking，但係我見佢顧一個都唔係好掂，例如換完片佢去厠所掉左條片去都慢過人，細妹已經走左去擒梳化佢都唔知，我叫佢一係就抱住細妹去掉，一係就放細妹喺床仔先，佢又唔記得，我明白佢唔係冇心做，但係咁樣我真係怕有安全問題，佢一對二我真係好担心。

但問題係好工人難求，我呢D有兩個又要同老人家合作既唔多人肯做，加上佢對小朋友有愛心有耐性又唔係咁易搵，夜晚瞓覺前佢仲會溫書(中國菜呀, 廣東話, etc.) 大家覺得佢既問題嚴重嗎? 定係我要求過高呢? 我有讚佢亦有俾佢知要改善既地方(都強調過幾次)，大家覺得我點樣處理先啱? 我唔想俾太大壓力佢，但係亦想佢加把勁去改善