大仔大女媽媽會 今日: 0 | 主題: 177860

積分: 6225

1^#

發表於 06-6-20 07:38 |只看該作者

3P正面親職課程

今日無帶書, 大家睇住官方介紹先!

什麼是3P課程？

此課程是由澳洲昆士蘭大學心理學系親職及家庭支援中心的正面親職計劃小組所編制，旨在透過五個層面的家庭介入方法，協助家長有效地與子女相處，並扶助其健康成長。目的是致力推介正面的親職技巧，使家長能夠有效地處理各類輕微的兒童行為問題。課程共分八節，其中四節是以小組形式進行的技巧研習工作坊，其餘四節是個人電話跟進及輔導。

為什麼在母嬰健康院推行3P課程？

3P課程是推介採取家庭介入方法以糾正子女行為的親職培訓課程，目的除了協助家長掌握正面的管教技巧外，也幫助他們從不同角度理解子女的行為。因此，這個課程可助預防或減少兒童的行為問題。為了履行《2001年施政報告》中由

私人傳訊

積分: 6225

2^#

發表於 06-6-20 07:59 |只看該作者

Re: 3P正面親職課程

我記得第一堂要學就係家庭環境同正面態度.

大家係教小朋友時, 成日都"唔好....""唔准.....", 如果搵番源頭, 唔好亂跑, 係咪驚佢撞倒, 屋企係咪太多雜物, 唔准入廚房, 係咪廚房太危險, 太多刀刀乂乂.

咁第一個守則要提供有趣安全的環境俾小朋友, 如果係太多雜物, 要清理下, 或者將小朋友可能撞跌的野移走, 廚房太危險, 咪加度門欄, 或者係柜桶度裝安全鎖, 等小朋友開唔到!

第二個守則(最重要,亦最難), 不要成日用"唔好""唔准", 太負面, 亦會令小朋友感到壓力, 應用正面的用辭, "唔好亂跑"-->"請你好好地行", "唔好在梳化上跳"-->"梳化是用來坐,要靜靜坐好", "唔好入廚房"-->廚房係煮飯的地方,要玩去客廳/房"

第三個守則, 一次過太多指示, 而指示又唔清晰.舉例, "唔好係床度跳", 咁唔跳即係要做乜?-->"要坐番低"

第四個守則, 家長要在冷靜的情況下教導, 如果真係火都黎, 家長要行開, 冷靜情緒, 切忌打, 罵, 或侮辱(你係蠢豬), 咁樣小朋友會有樣學樣, 自己都變成打人, 鬧人, 家長脾氣暴燥, 小朋友亦容易情緒低落.

第五個守則, 家長都要照顧自己需要, 即家長都要鬆一鬆, 唔可以成日俾晒時間俾仔女, 自己又唔理身體, 又唔理夠唔夠訓, 又無同丈夫溫馨下咁, 即係自己有壓力, 壓力未解決, 又點教好個仔女呢!

私人傳訊

積分: 6225

3^#

發表於 06-6-20 08:00 |只看該作者

Re: 3P正面親職課程

今堂上住咁多先, 下次有本書係手先再寫多D!

私人傳訊

ky-aggie

積分: 2273

4^#

發表於 06-6-20 09:55 |只看該作者

Re: 3P正面親職課程

Hi Eva,
Thanks for your sharing ! It is so useful !
xx aggie xx

私人傳訊

mamay

積分: 5600

5^#

發表於 06-6-20 10:33 |只看該作者

Re: 3P正面親職課程

Thanks for sharing........especially on point 2 and 3.
I think most of the parents may say 'no' or not this, not that.

私人傳訊

積分: 6225

6^#

發表於 06-6-21 10:31 |只看該作者

Re: 3P正面親職課程

繼續上堂....

正面親職仲包括,

1要創造一個正面的學習環境俾小朋友, 家長需要隨時俾適當的關注,尤其是小朋友需要你的時候, 要立即回應, 唔好拖下佢, 當小朋友需要你時, 家長應給予幫忙, 照顧及關注, 你要放下手上的工作, 花些時間同小朋友相處一陣.

仲有多鼓勵小朋友嘗試中學習, 正面引發小朋友的學者動機. 如果小朋友做得正確, 咁就要俾讚賞, 同埋多些向小朋友表達你鐘意佢咁做, 令佢再做呢件事的機會提高。

2管教方法要堅定
家長在管教時一定要貫徹始終, 尤其係處理一些不適當的行為, 唔好今次又罰, 下次又唔罰, 或者只係嚇下佢, 而從來無執行到管教方法.

家長採取堅定的管教, 小朋友會學到留意別人的需要, 控制自己行為, 及接受對自己行為負責, 當家長的態度一致, 及可以預測時, 小朋友出現行為問題的機會就會減低.

唔少小朋友到而家, 2歲都己經有一定的個性, 在管教上, 應要有一些合理的期望, 唔好以為2歲乜都唔識, 其實佢日日都係度進步, 如果唔從旁指導, 日後當問題行為惡化, 就好難入手.

3不要對小朋友期望過高, 每個小朋友的發展都唔同, 有D生活技能, 例如去廁所, 換衫, 自己食飯, 都一定要等到某一階段先可以做到, 即係有D野迫都迫唔黎.

管教子女, 有陣時問題出在家長度, 佢地期望太高, 太多, 太快, 但咁樣只會造成家長同小朋友之間衝突的圈套, 家長要明白, 所有小朋友都會犯錯, 而大部份錯都不是故意的.

家長亦不應對自己期望過高, 要求自己做一個完美家長只會更容易令自己心灰意冷, 不要對自己太苛求, 每個人都要從經驗中學習.

私人傳訊

積分: 6225

7^#

發表於 06-6-21 10:42 |只看該作者

Re: 3P正面親職課程

跟住, 我地就要搵出小朋友問題行為的成因

1遺傳, 雖然已經好醜命生成, 但我地都要順應小朋友的性格, 採取相應的管教, 其實在BB時難湊的, 大左未必要惡搞, 有些BB好似好溫和, 但大左亦可能會有問題行為, 而小朋友的行為, 亦會受其他人的反應所影響。

2生活環境, 雖然我地唔能夠改變遺傳基因, 但小朋友經常在家庭中學習, 我地可以改變生活環境, 教識小朋友一些適當行為. 而了解小朋友點從環境中學習, 亦可以等我地更有效處理小朋友的行為.

以下就係重點, 不過阿仔噪, 我要回應佢, 轉頭返黎繼續!

私人傳訊

積分: 6225

8^#

發表於 06-6-21 15:45 |只看該作者

Re: 3P正面親職課程

重點出場.....

在生活環境下, 有好多地方其實無意中俾左個錯誤的環境俾小朋友.
A無意中獎賞左問題行為

小朋友好快會學會自己的行為會對人有影響, 同埋可以控制到人地的行為. 如果小朋友學識利用不適當的行為去達到目的, 咁這些不適當行為就會持續, 因為對小朋友來講是有效.好多時候父母處理子女不適當行為, 都有一些無意中的獎賞, 例如:
社交上的注意(同佢講野,眨眼,對住佢笑),
物質的獎賞(例如玩具),
活動(例如會以遊戲來轉移小朋友的注意力)
小食(雪糕, 餅, 糖)
如果你的小朋友第一次講粗口/將玩具掉落屎坑, 你無意中大笑, 或用好多時間同佢理論, 這些就係額外的注意, 可能間接鼓勵你的小朋友再犯同一個毛病!

私人傳訊

積分: 6225

9^#

發表於 06-6-21 16:00 |只看該作者

Re: 3P正面親職課程

B逐步惡化的陷阱

小朋友其實係會學識將行為逐步惡化, 達到目的的機會就愈大. 例如小朋友要在食飯前食零食糖果, 你可能會拒絕, 但若果小朋友堅持, 繼而大吵大鬧, 你可能諗住要佢收聲, 俾塊餅仔塞住佢把口, 咁樣即係跌左入小朋友的陷阱啦!

久而久之, 小朋友會不斷要求獎賞, 佢就會學會企硬同發爛渣, 以求達到目的, 另一方面, 你自以為俾左餅餅佢, 咁佢就會安靜, 而覺得呢個方法唔錯, 其實你都係度獎賞自己, 大人細路都一齊有獎, 其實就係惡性循環.

同樣, 父母都會以為, 自己大聲D喝仔女, 就可以達到叫仔女唔好噪的目的, 例如阿仔唔肯沖涼, 你叫第一次佢唔聽, 第二次又唔聽, 到第三次, 你就會用惡的語氣去喝阿仔沖涼, 或者你要求數到三, 阿仔就要起身去沖涼, 如果唔做睇我點教訓你, 咁樣阿仔就識得或知道你一數到三, 先至算數, 佢就會拖到最後一刻先起身.

你會因為阿仔終於肯起身被獎賞, 阿仔亦因為仔停止呼喝而被獎賞, 同樣都係一個惡性循環!

私人傳訊

積分: 6225

10^#

發表於 06-6-21 16:07 |只看該作者

Re: 3P正面親職課程

C忽視好的行為

如果小朋友做得好你唔讚佢, 覺得係應份, 或費事讚壞, 咁小朋友下次再做番咁好表現的機會就會減低, 因為佢會覺得做得叻都引唔起你注意, 咁下次可能試下做衰野, 可能會引起你注意喎?!

私人傳訊

積分: 6225

11^#

發表於 06-6-21 18:29 |只看該作者

Re: 3P正面親職課程

D有樣學樣

小朋友係從大人的行為中學習, 如果家長成日對小朋友大叫大鬧, 發脾四, 甚至打手仔來教仔, 咁小朋友遇到困難時, 亦會有樣學樣, 容易打人,駁咀, 亂放野.

E給指示的方式

#太多, 每次只應發出一個指示, 就算小朋友唔聽, 都只係一個機會, 如果俾太多指示, 小朋友可能會覺得成日被批評.
#太少, 小朋友成日唔聽話, 有可能同大人跟本無清楚講明指示的內容, 等佢地知道點去做, 例如無人教小朋友點樣係正確的用餐方法, 所以可能令到小朋友在餐卓上不禮貌.
#太困難, 家長的要求太高, 超出小朋友能力時, 小朋友可能就會不順從, 例如要一個三歲小朋友自己去執房.
#不合時宜, 當小朋友忙緊, 例如睇緊佢超鐘意的卡通, 個時你要佢做野, 自然會較難.
#太空泛, 小朋友不聽指示, 可能係指示唔清楚, 或者用問題形式, 例如去訓覺好唔好, -->而家係時候訓覺, 當你問小朋友, 佢地通常都係答唔好.
#身體語言, 有時家長的身體語言, 會同口頭指示不同, 例如笑住咁講, 下次唔准呀. 另外家長由另一間房, 叫出廳俾指示, 小朋友亦啋你都傻.

私人傳訊

積分: 6225

12^#

發表於 06-6-21 18:39 |只看該作者

Re: 3P正面親職課程

F情緒信息

如果家長不認同小朋友, 多過不認同佢的行為, 小朋友的自尊就會被貶低, 家長可能會話佢地無用, 或說一些令佢內疚的說話, 希望小朋友合作, 可能會令到小朋友反感, 或憤怒同不合作.
例如話, 如果婆婆睇到你成日掉野落地下, 佢會唔開心喎?<--咁就唔對啦!

私人傳訊

積分: 6225

13^#

發表於 06-6-21 19:22 |只看該作者

Re: 3P正面親職課程

G無有效的懲罰

#只係嚇下, 無執行, 咁小朋友好快就會學識忽視你的指示, 或者變成一種挑戰, 去試下家長有乜反應.
#憤怒時施罰, 可能會火遮眼, 落重左手
#以懲罰來處理危機, 有時父母會等到忍無可忍時先罰, 容易造成過火行為.
#不一致的懲罰, 即係爸爸同媽媽就同一件不適當行為, 用的懲罰方法唔同, 小朋友會感到無所適從, 如果父母自己對點罰傾唔掂數, 在小朋友面前不支持對方, 亦會有問題.

H 父母的想法
若果父母經常以為小朋友的不適當行為只係短暫, 遲下大D就唔係咁, 若者成日諗住, 返學後就會乖, 而唔即時處理, 咁小朋友的不適當行為可能會惡化, 等到問題嚴重時先著手搞, 就難搞D.

若果父母認為, 小朋友的不適當行為, 是存心令佢憤怒, 就會對小朋友做錯事反應過火, 亦難於反省原來係自己的行為促成小朋友做錯事.

有時D父母又會怪責自己, 認為小朋友做得唔好, 因為自己唔識教, 會造成內疚同抑鬱, 令父母更難冷靜, 有耐性同一致咁去處理小朋友的問題.

I其他因素

父母的感情, 情緒同壓力, 都會影響管教子女的方法,
另外, 朋輩, 學校, 傳媒, 都係一些外在的環境因素, 影響到小朋友的行為.

私人傳訊

llcathy2004

積分: 3825

14^#

發表於 06-6-21 21:04 |只看該作者

Re: 3P正面親職課程

eva,好多謝你咁有心同大家分享！仲有至正爸爸都好好，同你一齊上堂！

私人傳訊

積分: 6225

15^#

發表於 06-6-22 07:13 |只看該作者

Re: 3P正面親職課程

cathy,

至正爸好?只不過肯陪我去上堂渣, 又唔做功課, 又話我對個仔的時間多, 靠晒我, 我都未見過佢有用過上堂的技巧同阿仔溝通. 最多係講少左"唔好呢/唔好路" :evil:

私人傳訊

HCbb

子爵府

積分: 12328

16^#

發表於 06-6-22 09:10 |只看該作者

Re: 3P正面親職課程

如花,
睇完妳d資料, 我只有四個字: 知易行難......

不過我開始唔用負面字眼同阿囡講野...睇下遲d會唔會好d......

私人傳訊

pcsiauw

伯爵府

積分: 17254

熱血金章 BK Milk勳章

17^#

發表於 06-6-22 09:50 |只看該作者

Re: 3P正面親職課程

如花,
我睇完你篇野之後, 都講少左好多"唔好呢, 唔好路", zoe 似乎真係開心左dd :mrgreen:

私人傳訊

HCbb

子爵府

積分: 12328

18^#

發表於 06-6-22 09:59 |只看該作者

Re: 3P正面親職課程

linlin,
係呀...晴晴一發脾氣若我抱佢, 佢會打我...我以前會叫佢"唔好打" 要佢跟我講"唔可以打媽咪", 佢會跟我講ge...呢兩日我改為同佢講, "媽咪係要來鍚ga~", 佢反而快d停手...唔知可以維持幾耐呢??

私人傳訊

ky-aggie

積分: 2273

19^#

發表於 06-6-22 10:56 |只看該作者

Re: 3P正面親職課程

Actually one of my friend from US told me not to say "no" to kids year ago.. I didn't ask for the reason at that time and I do understand it from Eva's sharing & from books. I am paying "extra" attention to myself not to "唔好xxxx, 唔好yyyyy etc", and I am educating my maid too :>

xx aggie xxx

私人傳訊

wenwan