夫婦情感 今日: 4 | 主題: 42750

積分: 6009

1^#

發表於 06-8-23 01:06 |只看該作者

我呀哥個女朋友好黑人憎!

都唔知點解我呀哥返左工,都要上黎,又麻煩,一日沖3次涼
都唔知係咪冇屋企,個身又臭,以為自己好得,我都唔會理佢,
但成日用到個廁所濕哂,我唔想有個無聊人係我屋企呀!

私人傳訊

小搗蛋

積分: 6541

好媽媽勳章

2^#

發表於 06-8-23 01:17 |只看該作者

Re: 我呀哥個女朋友好黑人憎!

o甘你要向你阿哥反映o下喎....

"彤豬b"愛"彤豬媽" "彤豬爸"愛"彤豬媽" :-) :-) :pint: :pint: :-)[img align=left]C:\Documents and Settings\User\My Documents\My Pictures\carton[/img]

私人傳訊

小寶貝兒

珍珠宮

積分: 30295

3^#

發表於 06-8-23 01:22 |只看該作者

Re: 我呀哥個女朋友好黑人憎!

嘩~~ 同我之前一樣呀!!

不過就唔係我阿哥既女友, 而係我男友(而家係老公)既細佬既女友, 隔得仲遠過妳呀~~

果時佢又係成日上黎, 有時佢男友返夜班都照留係度, 咁就得我老公同佢係度, 我唔放心(點知個女人會做d乜架), 所以我都留底, 不過我都有問過我老公, 如果火燭, 你救我定救佢架?! 唔係講笑架, 救我, 就對細佬唔住, 救佢, 就對我唔住, 自問我係佢心目中已經同親人一樣, 叫佢點選? 後尾佢都有打電話同佢細佬講叫佢叫返個女人走, 佢細佬就話冇下次, 但呢次因為太夜, 一次咁多!! (雖然之後又有一次)

我都好明白, 真係覺得d人好奇怪, 明明有屋企, 又唔返, 走去住男友個阿哥度(大佬, 間屋係我老公比錢架!! 水電煤都係我地比!! 佢就起勢咁開行個冷氣!!), 食我地既用我地既, 仲私底下配埋我屋企條匙, 唔係有日我係屋企見住佢用鎖匙開門我都唔會知!!

我想問下, 妳父母點睇? 會唔會都一樣覺得呢個女人好麻煩? 係既就可以通過妳父母同妳阿哥講返, 咁樣唔係咁好, 一次半次冇所謂, 成日係咁就係好滋擾, 而且好多野會好唔方便!! 我諗妳父母都開到聲, 妳阿哥冇理由唔聽架?!!

況且衰d講句, 果個未必係阿嫂黎架喎~~ 都係留返d餘地好d(我指佢唔應該未嫁入黎就搞到妳屋企唔like佢)

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 24623

好媽媽勳章畀面勳章

4^#

發表於 06-8-23 01:57 |只看該作者

Re: 我呀哥個女朋友好黑人憎!

小搗蛋寫道:
o甘你要向你阿哥反映o下喎....

點只呀同埋你mami講,d水,電費點解貴左咁多呀.

私人傳訊

YING_WAI

積分: 6009

5^#

發表於 06-8-23 02:10 |只看該作者

Re: 我呀哥個女朋友好黑人憎!

小寶貝兒:
我呀媽知架,佢地行左一個月到,我呀哥成日係佢女朋友面前大聲同我呀媽講野,我已經忍唔住講粗口鬧番佢,聽日我呀哥叫我開門比佢,我話訓醒先,佢就話佢冇鎖匙,唔係呀佢諗住
配鎖匙比個八婆,我同我家姐講,我家姐叫我開比佢,費事佢有
鎖匙喎,但我唔係好想開囉,屋企唔見左野都唔知點呀!
個八婆有啲辦法架,我呀哥未同佢之前個女朋友分手(佢地行左7年),個八婆已經上黎訓,我同我家姐問佢,佢話係朋友,朋友點會去個男仔屋企訓,佢間房貼住個女朋友啲相,個八婆都可以上黎訓,做女人做到咁賤,真係無恥呀!

私人傳訊

積分: 24623

好媽媽勳章畀面勳章

6^#

發表於 06-8-23 02:20 |只看該作者

Re: 我呀哥個女朋友好黑人憎!

我哥前都有個好鬼死黑人憎既女友,但對我lai講呢佢係一個--------賊
佢平時lai我家唔叫我都唔緊要我媽都唔叫

,我哥番左工佢都唔走,到我媽放工番lai佢就走(3點),呢d都好少事.
最大問題係佢唔番屋企攞衫lai沖涼,佢攞我d衫,初時1-2件都算la,但佢跟住連底衫褲都攞我d　lai著

仲要係唔問我,到我發覺

唔見左我問呀媽呀媽話唔知,直至有次比我發現佢唔只1次偷我d底衫褲,我就係呀哥面前串佢話佢，跟住呀哥同我ｓａｙ　ｓｏｒｒｙ．
跟住有１次我唔見錢（我剛係褲袋攞出ｌａｉ放左係櫃正打算放入銀包）咁啱我哥出門番工，我去完ｔｏｌｉｅｔ番出ｌａｉｄ錢唔見左，咁佢女友係到未走我問佢見唔見，佢就話唔見，我即打比我哥問佢有無攞我哥話無，我即話得３個人係到我都唔見有鬼ａｒ，咁我發脾氣鬧，佢女友至死死地話佢攞左，佢話以為係我哥比，嗰刻我嬲到．
之後仲發生左好多野，連ｄ朋友都話唔要再見到呢個人，我哥同佢散左

我知道後我同ｄ朋友好高慶，

私人傳訊

JAY媽

積分: 5993

7^#

發表於 06-8-23 02:35 |只看該作者

Re: 我呀哥個女朋友好黑人憎!

好彩我大佬夠大男人,以前D前女友都係教友黎,我都未見過佢有帶過女友番黎甚至俾佢過夜...

老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息

私人傳訊

YING_WAI

積分: 6009

8^#

發表於 06-8-23 02:39 |只看該作者

Re: 我呀哥個女朋友好黑人憎!

kellyly:
我就係驚佢偷野,我結婚冇耐,我啲金放哂係屋企,我驚唔見左野,都唔知話邊個,因為我地屋企人好隨便周圍放啲野,依家屋企好似有賊咁,我都要提我家姐啲野放係房到,因佢有好多Lv,希望佢地快啲分手啦!

私人傳訊

小寶貝兒

珍珠宮

積分: 30295

9^#

發表於 06-8-23 11:55 |只看該作者

Re: 我呀哥個女朋友好黑人憎!

YING_WAI 寫道:
小寶貝兒:
我呀媽知架,佢地行左一個月到,我呀哥成日係佢女朋友面前大聲同我呀媽講野,我已經忍唔住講粗口鬧番佢,聽日我呀哥叫我開門比佢,我話訓醒先,佢就話佢冇鎖匙,唔係呀佢諗住
配鎖匙比個八婆,我同我家姐講,我家姐叫我開比佢,費事佢有
鎖匙喎,但我唔係好想開囉,屋企唔見左野都唔知點呀!
個八婆有啲辦法架,我呀哥未同佢之前個女朋友分手(佢地行左7年),個八婆已經上黎訓,我同我家姐問佢,佢話係朋友,朋友點會去個男仔屋企訓,佢間房貼住個女朋友啲相,個八婆都可以上黎訓,做女人做到咁賤,真係無恥呀!

嘩~~ 妳阿哥中晒毒呀~~~ :evil:

其實即使妳阿哥配條匙比個女人, 只要妳一知道, 即刻換鎖, 仲要唔好比妳阿哥, 到佢問果時就講話 "唔想有d閒什人等係屋企出出入入, 到時有野唔見左就唔好啦!!" 最好仲要係個女人面前講, 落下佢面都好, 而且有言在先, 一有咩唔見左, 就即係佢最大嫌疑(唔通自己人會偷返自己屋企野咩, 用個腦諗下都知啦!!), 最好向妳阿哥收返換鎖錢, 睇下佢仲敢唔敢配條匙比條女!!
不過呢步真係幾絕架, 可能以後關係會差左好多, 而且個女人可能會以呢個理由叫妳阿哥搬出去住, 又或落下藥, 講多幾錢妳地壞話!! 唔到最後都唔好用呢招~~

不過諗返起, 到而家我老公個細佬個女友仲有keep住我地屋企條匙, 我話想換鎖, 我老公又話冇理由換, 我話佢嫌麻煩就真!! 而家條女仲透過我老公個細佬要求用埋呢度地址做通訊!! 成鬼日要幫佢收信, 仲要打埋電話通知佢上黎攞返d信!! 我真係好火滾架!! 有乜理由佢d信要寄埋黎丫!! 好彩而家仲未有d銀行卡數信姐, 如果有一日佢去財務公司借錢唔還, 到時比人淋紅油既就係我屋企啦喎!!! 唔通到時叫佢自己上黎洗返乾淨佢呀!! 斷估佢都唔會敢出現啦!! 最後咪又係我自己洗返!!

私人傳訊

ringoivy

翡翠宮

積分: 76971

10^#

發表於 06-8-23 11:58 |只看該作者

Re: 我呀哥個女朋友好黑人憎!

佢有你家鎖匙嗎

無的話咪扮無人在家唔開門囉

私人傳訊

ringoivy

翡翠宮

積分: 76971

11^#

發表於 06-8-23 11:58 |只看該作者

Re: 我呀哥個女朋友好黑人憎!

咁你個房門幾得換把老虎鎖先得啦

YING_WAI 寫道:
kellyly:
我就係驚佢偷野,我結婚冇耐,我啲金放哂係屋企,我驚唔見左野,都唔知話邊個,因為我地屋企人好隨便周圍放啲野,依家屋企好似有賊咁,我都要提我家姐啲野放係房到,因佢有好多Lv,希望佢地快啲分手啦!

私人傳訊

Jackievv

積分: 3665

12^#

發表於 06-8-23 12:09 |只看該作者

Re: 我呀哥個女朋友好黑人憎!

"日防夜防,家賊難防"
而家佢成日係你屋企出入,咁唔係辦法架,試下搵d野令佢唔好留係度...........

我朋友個哥哥鍾意玩蛇,我朋友佢有個fd成日下黎坐,其實係fd個男朋友唔得閒先上黎磨時間,哥哥次次都差唔多時候就攞條蛇出黎玩,一攞出黎個fd就要返屋企,呢"蕉"真係萬試萬靈!!!!

私人傳訊

onon1022

子爵府

積分: 12596

好媽媽勳章

13^#

發表於 06-8-23 12:11 |只看該作者

Re: 我呀哥個女朋友好黑人憎!

其實屋企多一個外人係幾唔方便...有陣時唔見左野...都唔知話邊個好...既然佢係你阿哥既女朋友...唯有自己既野好好咁收好...鎖好佢...

[url=http://lilypie.com][img]

私人傳訊

Jackievv

積分: 3665

14^#

發表於 06-8-23 12:17 |只看該作者

Re: 我呀哥個女朋友好黑人憎!

係你大哥同佢條女面前拎張電費/煤氣費/水費單出黎,話呢個月d費貴左好多,唔知點解呢,問大哥係咪你沖好多次涼呀,係咪你成日開冷氣呀!!!!
唔好問條女,乜都問你大哥............指桑罵槐........

係就係難為左你大哥,不過要俾d警"的"果條女!!!!

私人傳訊

積分: 24623

好媽媽勳章畀面勳章

15^#

發表於 06-8-23 14:49 |只看該作者

Re: 我呀哥個女朋友好黑人憎!

ringoivy 寫道:
咁你個房門幾得換把老虎鎖先得啦 [quote]
YING_WAI 寫道:
kellyly:
我就係驚佢偷野,我結婚冇耐,我啲金放哂係屋企,我驚唔見左野,都唔知話邊個,因為我地屋企人好隨便周圍放啲野,依家屋企好似有賊咁,我都要提我家姐啲野放係房到,因佢有好多Lv,希望佢地快啲分手啦!

[/quote]

點只呀,仲要加多2把鎖至得

私人傳訊

積分: 24623

好媽媽勳章畀面勳章

16^#

發表於 06-8-23 15:03 |只看該作者

Re: 我呀哥個女朋友好黑人憎!

Jackievv 寫道:
係你大哥同佢條女面前拎張電費/煤氣費/水費單出黎,話呢個月d費貴左好多,唔知點解呢,問大哥係咪你沖好多次涼呀,係咪你成日開冷氣呀!!!!
唔好問條女,乜都問你大哥............指桑罵槐........

係就係難為左你大哥,不過要俾d警"的"果條女!!!!

我都係咁ka,仲要有時串佢,仲要係月頭一出糧我就一定有野比佢聽.
我哥一出糧ja,佢就叫我哥買野比佢la,自己唔搵野做,問我哥攞錢,仲同d 朋友講話我哥唔比錢佢,好在d朋友問我比踢爆晒，佢無得再痴人地ｄ男友

私人傳訊

美維

積分: 2820

17^#

發表於 06-8-23 17:07 |只看該作者

Re: 我呀哥個女朋友好黑人憎!

睇左你地case，我諗起我大叔仔，我未嫁入去之前佢舊女友就去佢屋企訓，其實佢屋企離我奶奶屋企就一個輕鐵站，行路十五分鐘就到。初初上黎訓就兩，三日，之後乜都搬過黎，仲要係我兩個叔仔一間房，佢兩個訓上格2尺半架床。都唔知兩個人點訓咁細張床，之後姑奶搬左，先換左一張大床俾佢，不過同我我姑仔一間房，佢有時仲帶佢七，八歲o個妹上黎訓，奶奶爺屋企4間房有9個人住。當時佢十六，七歲，住左4，5年直到佢地分手。最後結果係細學大，有個細叔仔又係咁帶女友返黎住，仲係同一個屋村，入到黎就叫我老爺亞爸，叫我奶奶x太架。我姑仔又係，有屋企唔返，去男朋友屋企住，就係隔離村。
之後大我叔仔幫姑奶做o野搬出去住，舊年佢o個度得他了，老爺同我老公講要我叔仔同我地住，我同我老公講唔好，之後我老爺又打俾我，話會要我叔仔俾租我，我話點敢收呀！死都唔俾佢地黎我屋企住。

私人傳訊

come爸嘩

珍珠宮

積分: 39362

18^#

發表於 06-8-23 17:20 |只看該作者

Re: 我呀哥個女朋友好黑人憎!

講起LEE D 事就真係好頂果D人唔順! 話說N年前我細佬又係咁: 同個女仔拍拖無耐就成日帶佢返黎瞓(我雖然結左婚搬左, 但我女就比我媽湊, 所以成日返去的), 初頭佢話個女仔住得遠(大嶼山), 又話夜又話乜, 我心諗, 住得咁遠就唔好成日出市區囉, 多餘!之後又係咁, 我細佬返左工, 佢自己上黎拍門叫我亞媽開門比佢入黎, 一入屋就鼠左入我細佬間房關埋門, 但我亞媽同佢唔無好熟, 見過3-4次已經當正係自己屋企, LEE D真係唔知乜野人黎架! 最好笑佢成日失業無野做, 但又唔返屋企, 仲帶埋D朋友上黎(我細佬又係唔係度架), 佢自己關左門入細佬房瞓覺, 由得個朋友係個龐度屋企上網打機

我真係想叫佢地即刻走......好彩而家佢地已經分左手.....一天都光晒!仲有好多精彩野遲D再講你地知!

私人傳訊

麟媽媽

王國長老

積分: 88922

好媽媽勳章王國長老

19^#

發表於 06-8-23 17:35 |只看該作者

Re: 我呀哥個女朋友好黑人憎!

所以女仔未嫁就唔好同人同居，
正確係唔可以同男友屋企人同居，
個身份幾咁討人厭！
之前都有人講過係男友屋企住，
人地亞媽比面色佢睇，
又難怪既，送上門分分鐘比人當賊扮！

私人傳訊

Jackievv