本帖最後由 蠢狗摩根 於 13-4-4 01:24 編輯
知有呢間港資化粧品存在, 不過不嬲用緊其它未有機會用佢,於是1個零月前見唔係貴, $50買左支去角質玩下.
照佢所寫每星期用1-2次, 每次禁3-4下左右,
頭一下唧到少少水出黎, 之後果D都無乜問題好好推.
到上星期為止, 忽然唧唔到出黎,
於是搖下佢, 仲有幾重下, 但無野郁黎郁去.
於是第一次打開黎睇, 成支"傾"左
倒又倒唔出, 唯有搵支泵"了"下佢,
先了到少少咁多出黎用, 而且查上塊面一舊舊跌返落黎,
無左之前效果, 無擦紙膠碎.
支野到2015年中先到期, 買又買左無耐,
於是擰去換.
去到個SALES話買左返去要搖下佢先用得, 話可能係支泵問題,
咁我話1)你支野又後面說明又無講到要搖;
2)係第一下(凈係第一下)就唧到少少水出黎,
但果少少水既份量我唔信搖暈左後會唧到出黎;
3)而家搵野了到出黎都"傾"哂用唔到.
於是佢入房唔知邊度換左個黑色泵,
擰出黎係我面前係佢隻手狂唧左好多下(邊講, 拿, 唧到呀!..咁)
我唔知你未擰出黎係房度唧左幾下先, 不過係我面前都唧左好多下,
但仍然都係好乾下, 唔似會達得上塊臉度.
我心諗: 支野係我既, 唔係你D TESTER呀大佬....
mouth:mouth:" />mouth:" />mouth:" />
跟住佢講兩次, 若果要換, 要成支佢地收返, 然後再SEND去佢寫字樓先"睇下換唔換得"
好似嫌麻煩咁.
我心諗, 又唔係咩貴野, 幾十蚊支, 有問題唔用得又唔肯換,
仲要比你狂唧.
跟住我話: 而家一黎傾左, 你地樽後面又無講要搖,
原來係你地個泵有問題, 仲要比你唧左咁多下,
仲要比你收起無得用之後好多日仲唔知有無得換???
我心諗有無搞錯.
去角質屈記萬0有賣日本肌硑洗面膏去埋角質都係$60幾.
咁既LOCAL野自稱港資大化粧品店又唔特別平但又唔用得都唔肯換比人??
而後唔駛旨意皂液都唔會買佢.
若有人以PM或其它聯絡你作出有關本人之誹謗,請你千萬要小心此人,此人非常陰險無人性,會禍及你家人.他朝君體也相同.勸你莫對此人作任何回應及遠離此人.
發表於 
啲字大到睇得唔C服
我要瞓八個鐘
返回列表
