吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 懷疑工人偷野! 應該點做?

論盡家傭今日: 1|主題: 134091

收藏本版

發帖

返回列表

跳至頁

查看: 1418 | 回覆: 5

懷疑工人偷野! 應該點做? [複製鏈接]

RoosterMum

別墅

積分: 588

1^#

發表於 06-8-28 08:50 |只看該作者

懷疑工人偷野! 應該點做?

琴晚發現唔見左隻介指, 搵過全間房也搵唔到.

今朝同個工人講, 話比佢知唔見左, 可能係我小B整唔見, 叫佢幫我搵. 同埋我同佢講, 隻介指裏面刻了我個名, 而隻介指又唔係好值錢(因為小鑽石好難賣得出). 如果佢今日搵唔到, 我可能會考慮報警, 因為可能在外邊唔見(但我好肯定隻介指是在家唔見的, 只是不能肯定我小B有冇攪過整唔見!)

返左工有幾耐, 佢就打電話黎好開心咁話搵到隻介指. 之於係邊到搵到,就聽得唔清楚, 要今晚返去再問佢.

工人來了未足兩個月, 表現OK, 不過由於佢不用揍BB(我每天帶回家給媽媽揍), 她只是負責家居清理及煮飯(有時仲係得我和她吃),平時多數一個人在家,所以我清潔的要求係十分高, 不時都指正她.

唔知係唔係咁, 所以她唔高興, 所以偷我野 (雖然我唔係百份百肯定, 但實在太巧合了吧)!我今晚會將所有小小貴重的飾鎖好.

大家點睇呢? 是我多心(我也希望是)? 有甚麼我可以做呢?

謝謝幫忙!

私人傳訊

mymelody2003

男爵府

積分: 8646

2^#

發表於 06-8-28 11:50 |只看該作者

Re: 懷疑工人偷野! 應該點做?

好可能你工人偷左喎, 冇可能昨天你同佢講搵唔到, 今早佢巳經可以搵番, 佢只係做左2個月巳經偷, 你真係要小心財物.

我曾經試過唔見條頸錬, 我又係四周圍搵唔到, 咁我就問工人清潔時有沒有見過, 佢話冇, 最終我在自己的手袋搵到, 但當晚我沒有告知工人, 因為我想試下工人會點做... 誰知next day工人話我知條錬o係我其它手袋搵番

我即時反應係點佢可以在我房打開我其它手袋搵呢? 這些係我的私人物品, 佢唔應該打開的, 當我放工回家時我即刻同佢講明以後唔準打開我所有的私人物品睇, 否則當佢偷野 :evil: 最終我沒有炒佢, 因為我本人認為偷野大多數工人都會做, 唯有自己小心財物啦

私人傳訊

RoosterMum

別墅

積分: 588

3^#

發表於 06-8-28 14:15 |只看該作者

Re: 懷疑工人偷野! 應該點做?

唉, 請一個信得過的工人真的很難!

我琴晚找了很久也找不到, 而她只用了十數分鐘便可以找出來, 看來我也是認命吧了, 唯有自己以後小心d.

又或者我真的要求太高,所以她不高興便做出這種事來. 但想一想, 她每天只是打理家居及煮飯, 我們對食的要求又簡單, 家裏又不多雜物, 成日全屋也沒有人. 我以前個鐘點每星期來一次, 每次四小時她可以做三個半小時便做完走人.

咁既環境下, 難道要求過一點很過份嗎?

請工人真難!

私人傳訊

子峰mama

侯爵府

積分: 23818

好媽媽勳章

4^#

發表於 06-8-28 15:00 |只看該作者

Re: 懷疑工人偷野! 應該點做?

如果你繼續用佢,就算你個心真係唔信佢,你都要表現到好信佢至好,誠信好重要,站於佢立場都一樣,比佢知道你唔信佢,佢以後都唔會攞個心出黎同你做野,更何況都未必係佢做o既,如果真係佢做,咁佢就應該尋晚就扮搵返出黎啦,隔左成晚咁耐,佢大可以搵埋人黎接妝,已經過左海啦,冇必要話你知已經搵返,不如就信佢一次啦

私人傳訊

ivy928

複式洋房

積分: 475

5^#

發表於 06-8-28 15:49 |只看該作者

Re: 懷疑工人偷野! 應該點做?

我個工人黎左十個月多d,平時對我個女都ok,但好多時就自把自為囉.今日我老公發現工人偷錢,初初個工人死都唔認,我老公就同佢講:你唔認,得,但我依家要同你去agent到,我唔滿意你既工作表現,要炒你,你即刻要返印尼,跟住我亞媽同佢講,你認先生會比機會你,你唔認就要走,跟住佢就係廚房拎番d錢出黎,我先生打比agent,agent話會叫翻譯同佢傾,要佢自己寫悔過書..

初初我都唔信佢會偷錢,但點知佢真係咁做.其實最好既方法都好似我老公咁,話唔用佢,要佢即時返印尼,(如果佢唔想返去就一定會認掛)