我同我BF拍左六年幾，我同佢都係初戀，佢份人都幾難頂架，唔係話我自己好好，但我成日都會就佢，我朋友都唔明我鐘意佢D乜，但鐘意就係鐘意，解釋唔到，佢冇朋友，成個世界得我一個.....其實拍左咁耐拖，大家都變得好平淡，我同佢又唔係D好SWEET好SWEET既一對，我男友係好無情趣既一個人。我還好，會主動去KISS佢，講我鐘意佢。
咁佢番工個度識左個女同事，一開始我都知呢個女同事既存在，佢地熟熟地，我有時都會潤下佢地，但係因為個女仔都有男朋友，我冇乜點理。
直至前排情人節，佢地傾開送咩俾我，咁我BF問佢同佢男友情人節做D咩，後尾我見到佢同我BF講佢同佢BF散左，自從個女同事散左之後.....佢地傾得密左.........之後我好衰，有次我偷睇佢地WTS app，見到佢同個女同事講話做野個度冇左佢傾好悶，個女同事佢冇gentleman...佢覆個女同事話乜我真係咁差，個女同事話對另外一D同事加分，我BF話佢好有D傷心，佢鐘意個D同事，我見到好mind....因為我bf佢唔會講呢d野....
我有曾經同佢講過話我好唔鐘意呢個女仔，叫佢唔好咁同佢咁熟，佢話我地有幾熟AR，咁我覺得我都講左，就冇再提啦，咁我應我講得唔太清楚既。之後上兩個禮拜，個排搵工同家事，都令我幾唔開心，但佢都冇乜關心我，佢本身份人係唔體貼既，一路以黎我都慣左，但我見佢係咁ON WTS APP，我有留意佢上線時間，又唔係同我傾，我知佢一定係同個女同事講，之後星期三佢同講電話，佢D語氣又冷冷淡淡，到星期四，我放左工找佢唔到，打左幾次佢都冇聽，平時佢放工都會打俾我，或者我打俾佢都會聽，佢七點先打番俾我，話頭先同個女同事講電話，我心諗，點解佢唔聽我電話同我講聲先，但個晚個ON WTS APP好密，十五分鐘ON一次，個晚同佢傾電話，佢全程發夢，睇住個佢WTS APP，佢不停地在線上，之後星期五，我終於有個好消息，我找到新工，咁打左俾佢幾次，佢又係冇聽，到佢打俾我，我問佢係邊，佢講左個大話，後尾我知左佢個日有同個女同事傾電話。佢星期五個晚同我傾電話又係咁，神不守舍，原來佢WTS APP又係在線上。
其實因為呢D事，我個幾晚訓唔著，係咁喊，個心好痛，未試過咁通，訓醒又係咁喊，我覺得佢地兩個有野，個心好想分手，覺得唔應該為左佢而再哂時間，因為我都25啦，再拖多幾年，我真係驚自己變”盛女”
終於我忍唔住，我星期五佢好夜打俾我，我唔聽，到到星期六，我好唔開心，朋友陪我去行山，我電話唔覆佢，WTS APP唔理佢，直至到佢係咁找我，WTS APP我，打俾我，佢問我係咪想分手，叫我聽佢電話，覆佢一個字都好，問我係咪以後既人生都想冇左佢，佢就黎死，我心軟左，覆左佢WTS APP，約左佢星期日出去傾，我已經諗到好絕，我一定要睇到佢同個女仔WTS APP既對話，我先信佢地冇野，我其實預左冇得番轉頭。
咁個日約出黎，我咁岩去開佢個頭，我約左佢係佢屋企留下，佢竟然冇帶電話，我覺得佢特登，我叫佢番上去拎，佢拎完我先肯講，後尾迫到佢上去拎電話，我等左佢一陣，見到佢ONLINE，我知佢DELETE緊某D MSG，佢落到黎，我講哂我成個禮拜發生既事，包括我因為佢個女同事咁而係咁喊，好傷心既事，佢聽完….咁本身我坐低，佢跪左係度，話佢唔可以冇左我，我個下真係心軟了，但我都照問佢拎WTS APP睇，睇完又真係睇唔到佢地係有野，個下我個心都願諒左佢。之後同佢傾，佢一日有我係度，佢都唔會鐘意呢個女同事，咁再同傾，佢同我坦白話佢今年1月尾到2月中個陣，佢對呢個女同事有過好感，因為個排我係咁同佢嘈交，同埋個排有個FD失戀，佢想過澳洲WORKING HOLIDAY，個FD問去唔去，我有問過我BF放唔放我去，佢答我你想去就去，咁我過BF佢會唔會等我，佢話唔知，就係個排佢同女同事傾多左，佢話我知，佢同個女同事講，如果我過澳洲飛左佢(即係我BF)，叫個女同事留個QUOTA俾佢自己，個女同事當佢講笑，佢話佢DELETE 左WTS APP呢D內容，另外，我問番佢點解同個女同事講話我偷睇佢內容個D對話，佢話佢都唔記得左自己咁講。
我即刻話佢，你唔係覺得我會飛左你，唔同你一齊AR嗎，其實未發生咁多野之前，我都諗過亦都同佢講過，我唔會丟低佢過澳洲 WORKING HOLIDAY，我驚一年..大家都會變。
同埋佢話佢好變態，好似女仔收BING咁，有人鐘意佢或者注意佢，令佢好飄飄然。我覺得佢以上呢D說話都係真
經過同佢好番既呢幾日，我同佢講得好清楚，叫佢地唔以再好似之前咁傾電話，亦都唔可以再同佢講D奇奇怪怪既說話，我希望佢地連WTS APP都少D傾，佢都有改左小小，佢呢排會主動WTS APP番我，亦都冇好似之前咁冷落我，電話同個女同事都小傾左。但唯一改變唔到係WTS APP，佢成日都會CHECK住，同我行街，佢會趁我唔為意禁下個HOME鍵，係我屋企，佢會趁我去左TOILET又睇，我有為左呢D話佢，佢話只要個女同事冇野，佢冇野咁咪得囉，佢話佢地都係傾D無謂野，我都知，我BF佢唔鐘意同我傾公事，反而同個女同事傾得多D，因為大家同一個工作環境，我會覺得無謂野駛乜傾咁多，佢成日都係同我強調佢地講無謂野，個女仔無野就得，我話咁唔通佢有野你就有野啦WO，佢話唔係，佢叫我唔好諗咁多，但的確，佢因為呢個女同事，佢CHECK多左WTS APP。
我個心都係有猜疑既，因為佢地係日對夜對，雖然唔同樓層做野，但係佢地會幾個人一齊食飯，份工又好STABLE，我唔知要點先可以令我信任佢多D，或者我而家係諗多左，我BF都講過話唔捨得我同佢咁多年感情，佢唔會丟低我一個，但我又唔想佢係因為責任而同我一齊，我都有同佢咁講，佢話唔係責任，但係我都仲係驚佢地會日久生情，點知會唔會有一日，個女同事會鐘意左佢，同我BF講架…..唉，我實在唔知信唔信佢好，定係再觀察佢。我唔知係因為個女同事冇野，佢先會留係我身邊定點AR? 定係所有野都言之尚早…..
但冇耐就俾我發現佢根本就講大話!!
發表於 
返回列表
