懷孕前後今日: 2|主題: 330595

收藏本版

發帖

返回列表

跳至頁

查看: 2540 | 回覆: 17

四個月仔仔發燒101.5度，無麻醉下抽脊髓......... [複製鏈接]

anniekwok

男爵府

積分: 8552

畀面勳章環保接龍勳章

1^#

發表於 06-8-8 18:26 |只看該作者

四個月仔仔發燒101.5度，無麻醉下抽脊髓.........

8月1日
仔仔有少少發燒，肛探101.5度；
8月2日
帶仔仔去睇私家醫生，醫生話佢無其他病徵，應該係出玫瑰疹，兩三日後就無事；
8月3日
發現仔仔個頭腦囪位凸左少少；
8月4日
帶仔仔去東區急症室，醫生話佢可能係腦膜炎，要入院。
入院後，仔仔個頭被好多醫生摸過，但由於仔仔又笑，又玩玩，又肯食奶奶，活潑好動，而且幾日以黎發燒都唔高，都唔似腦膜炎，但個頭仔又脹起，所以要做電腦掃瞄同抽脊髓去驗。
首先要幫仔仔打豆豆準備插生理鹽水，由於bb的血管細少，吉完仔仔右手唔得，所以就吉左手；之後要等做電腦掃瞄，可憐仔仔由4點之後都未有奶奶食過，吉手手又痛痛，所以不停喊喊，終於等到8點幾姑娘叫我餵仔仔食左一支透明既藥，因為唔係奶奶，所以仔仔邊食邊喊，姑娘話食左bb會訓覺，訓左先可以同bb做電腦掃瞄，餵完仔仔後，就起程去做電腦掃瞄，仔仔響途中嘔嘔，到左掃瞄室時仔仔已經訓著左。
做完電腦掃瞄，返病房無耐，有醫生要我地簽紙幫仔仔做抽脊髓，佢話如果bb合作的話大約做15分鐘左右，而d個係唯一一個方法可驗出係唔係腦膜炎，抽脊髓危險性好低好低，只係bb會痛，原來bb太細係唔可以落麻醉，約10點鐘姑娘抱左仔仔到一個房，而我同爸爸就響房出面等，響門外聽到仔仔喊喊，而我真係咩都做唔到，我只係一路求神與仔仔同在，仔仔鐘意捉住人隻手指，我就叫仔仔睇下，主耶穌就響仔仔隔離，快d捉住主耶穌隻手指，唔痛痛架，好明顯喊聲真係細左，做人阿媽既一定會明白我既心情，吉我啦，唔好吉我個乖仔啦~~~~~
但感謝主，整個過程唔使15分鐘，只係10分鐘，開門我入去抱仔仔，見床上果灘血，真係心都實晒~~~~~番到病房，仔仔喊到好累，訓左一陣，之後又喊過，只係吊鹽水而無得食奶奶，我唔敢抱佢，叫爸爸抱，因為仔仔食人奶，我抱佢佢喊得仲淒涼，點解媽媽知我肚仔餓都唔比奶奶我食既~~~~~
之後，醫生話初步結果應該與腦膜炎有關，於是即晚打左抗生素，響腳仔度又打隻豆豆，慘啦，又係打完一邊唔得又打埋另一邊，一晚之內兩隻手仔兩隻腳仔再加背脊其五針~~~~~由於夜晚只可以留一個家長照顧小朋友，所以爸爸留低，我就番左屋企休息，因為由1號開始我已經無好好訓過。
留到屋企無耐爸爸打電話話我知仔仔喊得好厲害，於是姑娘去問醫生，醫生話可以比仔仔食奶奶，由於仔仔夜晚響屋企都有食奶粉，但食開果隻萬朝醫院果日無貨，於是爸爸渣主意選左雪印，仔仔肚仔餓，咩都食啦。
醫生話抽脊髓去種菌需時幾日，唯有祈禱交托比神。
8月5日
仔仔精神唔錯，有玩有笑，只係比較易累，大人打抗生素都會累啦，何況bb，由於仔仔食奶奶食得幾好，於是鹽水份量減半，每次醫生巡房都話佢好生猛腳仔撐撐，小朋友新陳代謝真係快，背脊個針位已經差不多見唔到喇；到夜晚我番左屋企，爸爸打電話黎話仔仔扭計計，嘈住人訓覺，我同仔仔講電話，爸爸話仔仔係咁lui埋個電話度，睇黎仔仔似掛住媽媽喇，於是姑娘解開鹽水喉，爸爸帶仔仔響走廊遊街，仔仔就唔再喊喊，爸爸大力拍拍petpet，仔仔就訓覺覺豬喇!!
8月6日
朝早我到醫院，爸爸就返屋企沖涼換衫返崇拜，我見到仔仔已經唔使插鹽水喇，感謝主，我仲見到仔仔頭仔腫脹果位細左，同埋自從打左第一支抗生素之後仔仔一直都無再發燒，我抱起仔仔邊跳舞邊唱讚美主，哈利路亞!!佢開心笑笑，醫生巡房都話佢頭仔腫脹果位細左，但仍然要等報告，跟住醫生話見到佢背脊同肚仔有少少疹，懷疑佢出玫瑰疹；仔仔今日好多時間都玩玩，笑笑，有時都會扭抱抱，有其他bb喊佢會八掛，又會睇實個電視食手手，夜晚爸爸打黎話仔仔隻腳仔個豆豆唔知點解打唔到抗生素，要再打過豆豆，淒涼呀，又要打過~~~~~
8月7日
尋晚因為煦瞳bb腳仔隻豆豆打唔到抗生素，有個男醫生重新幫煦瞳bb插過，爸爸響房門外聽到d段對話之後，心都實埋：『你得唔得架，開花喇，唔得就去搵人幫手啦。』之後有個姑娘去搵左一個女醫生黎，個女醫生黎到好快就幫煦瞳bb吉左隻豆豆，原來個男醫生幫唔到煦瞳bb插豆豆，手手腳腳吉左好多次都唔得，個姑娘唔抵得佢咁，個女醫生之後仲同我老公講對唔住，爸爸無法再回應，因為爸爸哭了。

我早上去到醫院已經見到煦瞳bb隻腳仔有好多塊膠布貼住，手手腳腳加埋好多針孔，有個針孔仲係響腳仔既內側，可憐煦瞳bb無端受苦，如果我在場一定打個男醫生......

感謝主，今日煦瞳bb精神好好，食多左奶奶，醫生巡房話煦瞳bb可能係受病毒感染出玫瑰疹，而受病毒感亦都可能會令個腦囪位置腫起，但一切都又係要等d一兩日報告出先再講。

今日醫院兒科收左好多症，好多發燒，相信而家d病毒真係好惡，奉勸大家，bb發燒既話，真係唔好遲疑，即刻帶佢入院，雖然bb會受皮肉之苦，但係總好過抱憾終生。

8月8日
煦瞳BB出得院喇，今日已經接左煦瞳BB返屋企喇，醫生話佢唔係腦膜炎，只係普通病毒感染，但又出唔到玫瑰疹喎，而家已經無事喇，但照電腦掃瞄結果意外發現煦瞳BB D腦水比其他小朋友多左D，醫生話只要唔會增多就無問題，醫生寫左紙轉介到腦外科排期觀察。

這世上有個不變道理，那就是耶穌愛您

私人傳訊