吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 變晒

夫婦情感今日: 0|主題: 42750

收藏本版

發帖

返回列表

跳至頁

查看: 2164 | 回覆: 11

變晒 [複製鏈接]

幸福兒童

複式洋房

積分: 104

1^#

發表於 06-9-10 21:45 |只看該作者

變晒

老公變晒. 好傷心, 佢變既係脾氣~ 自從個仔出世後, 佢變得很暴燥, 佢好緊張個仔, 個仔有乜事, 一觸動到佢, 直程連佢自己亞媽都照鬧, 我好大壓力, 但我老公又懶, 又鍾意睇電視, 一睇電視就入晒神, 個仔咁細, 點識安定, 佢就會好忟, 成日話我唔睇住佢, 就算我睇住佢, 個仔都會整親, 佢就發晒巔咁, 控制唔到情緒. 我真係好大壓力......

岩岩又比佢丙完, 好唔開心, 好想自殘去發洩. 事緣係: 我今日一個人湊住個仔, 老公要開會, 佢有野做, 我都唔敢有意見, 個仔又唔係乖, 真係好辛苦, 老公開完會返來都6點幾, 飯又唔食得住, 因為個仔岩岩訓左, 要等工人返來接更先出得去食飯, 老公就例牌睇電視, 我都會上下網, 睇睇下, 個仔醒左, 可能訓得唔夠, 勁喊, 點氹都唔得, 我抱住個仔坐響sofa, 老公大發雷廷, 因為佢話個仔唔鍾意人坐, 要抱住行, 佢以為我交行貨, 唔想出力, 所以咁嬲. 佢已經唔止一次咁話我, 佢咁唔滿意咪佢抱囉, 我好委屈, 又唔係冇出過力, 我已經獨力湊住個仔成日, 都好倦, 後來佢都有犧牲睇電視既時間帶個仔落左街行左個圈, 返上來, 個仔都係喊, 佢就 "摷" 晒 d 玩具出來, 佢一要做果件事就唔會理後果, 個仔玩完一輪好左 d, 但個仔都係跩的, 要開櫃桶, 櫃內既cd比個仔掉晒落地, 我就在執, 老公當然在睇電視, 突然, 個仔閂櫃門時, 手指縮唔切, 其實都唔係夾得太應, 但我老公就又發巔, 罵我點解唔睇實個仔, 我已經表明我在執cd, 響佢角度, 我當然最近個仔, 就應該係我睇, 佢唔會理我做緊d乜......我又被屈了, 佢咁怕個仔發生意外點解佢唔秒秒丁緊個仔.........

最令我激氣既係後來工人返左來, 套戲又做完, 咁我就換衫去食飯啦. 臨出門口, 老公問個仔今日係咪冇粥食, 我已經到頂, pk, 我一條友湊住個歲幾既仔, 點有時間煲到粥, 好似講到我會刻薄個仔咁, 佢話要喂芝士比個仔食, 我話已經9點幾, 黎緊臨訓又要食奶, 唔洗再食其他野, 佢又話喂蘋果, 我話我喂左喇, 當時我已很谷氣, 所以語氣都好勞氣, 佢見我咁
勞氣佢亦好勞氣, 我都唔理得佢咁多, 因為太餓, 我開門就搭lift, 於lift裡, 有其他人在, 老公講左句 "我問你有冇比野個仔食, 你只要答有定冇" 好似審犯咁, 我真係好傷心, 我唯有為自己辨護, 我話我唔會刻薄個仔, 仲話佢成6點先返, 我一個人湊已經唔理得咁多......可能佢聽到我強調話佢6點幾先返, 以為我想挑戰佢, 所以佢好惡地叫我唔好再用呢個藉口同佢講........

唉, 其實講咁長編只係想o申下, 我真係唔知可以點同佢相處, 我地已經有見社工, 都唔係太大幫助, 另外, 我覺得我老公係在報仇, 因為我對男家 d 屋企人都唔係太好, 老公覺得佢為左平衡我所以犧牲左佢自己, 所以對我特別挑剔~!!

我而家撇開左佢一個人上網, 佢有打比我, 但我同佢講我想靜下, 佢問我響邊, 我都冇講, 我話我會咁上下時間返屋企, 因為我已經心淡, 就算見到佢都係炒, 我情願慳返啖氣.......

私人傳訊

ywpw

男爵府

積分: 6545

好媽媽勳章

2^#

發表於 06-9-10 22:43 |只看該作者

Re: 變晒

唔好咁啦, 大家都係為個仔好, 佢都係大緊張個仔先會咁. 等佢心情好d時慢慢傾下, 大家發緊火咩都聽唔入耳, 有時自己去下街都好架. 努力呀.

私人傳訊

幸福兒童

複式洋房

積分: 104

3^#

發表於 06-9-10 22:52 |只看該作者

Re: 變晒

我都明白, 但係佢真係好惡, 我已經冇晒自尊, 因為死忍難忍都係為個仔, 唔想比佢聽到daddy媽咪鬧交, 但最難忍既係, bunbun響到, 又唔可以大喊一場, 我頭先就自己一個 "柄"埋一邊, 唔比老公搵到, 佢都有打過2次比我, 問我響邊, 但我冇講, 我話唔想鬧交, 我諗暫時係唯有方法, 我只可以唔再同佢講野. 只講要講既野.

ywpw 寫道:
唔好咁啦, 大家都係為個仔好, 佢都係大緊張個仔先會咁. 等佢心情好d時慢慢傾下, 大家發緊火咩都聽唔入耳, 有時自己去下街都好架. 努力呀.

私人傳訊

bonniebobo

禁止發言

積分: 1722

4^#

發表於 06-9-10 23:26 |只看該作者

Re: 變晒

提示: 作者被禁止或刪除內容自動屏蔽

私人傳訊

幸福兒童

複式洋房

積分: 104

5^#

發表於 06-9-10 23:35 |只看該作者

Re: 變晒

我一個人去左會所囉!!!

我真係唔想再同佢嘈, 好煩~!!

bonniebobo 寫道:
我想問你自己"炳"埋去邊呢...... ?-( 一個人係解決唔到問題架.....始終要2公婆一齊面對架麻......
你老公係惡d既.....但你既語氣又會唔會好差呢??
我都明白你一個人湊左一日係好辛苦,但佢o係佢既立場,佢會覺得我夠返足一日工好辛苦.......其實大家咁辛苦都係為個家o者......試下慢慢傾下啦........唔好灰心

私人傳訊

小香香

禁止訪問

積分: 12931

6^#

發表於 06-9-10 23:53 |只看該作者

Re: 變晒

提示: 作者被禁止或刪除內容自動屏蔽

私人傳訊

rkkleung

洋房

積分: 150

7^#

發表於 06-9-11 00:38 |只看該作者

Re: 變晒

男人有時都好辛苦!正如巴士阿叔話我有壓力你有壓力, 其實大家咁辛苦都係為個家o者......試下慢慢傾下啦,

開心d, 人生在世短短幾十年,凡事看開一點吧!

我哋要活在當下, 享受生命 :-D :-D

私人傳訊

小牛蛋

民房

積分: 17

8^#

發表於 06-9-11 03:00 |只看該作者

Re: 變晒

其實幸福兒童o既老公呢 D 係咪算情緒病?
我老婆都係好容易情緒失控, 聽到稍為唔o岩聽o既o野就好易發脾氣, 好多時仲係失控咁樣(o岩o岩識佢時佢好好脾氣). 事實上對我同對個仔影響好大. 而家我開始怕同佢講o野...
我都諗緊搵社工, 但社工會點樣幫到手? :cry:

私人傳訊

幸福兒童

複式洋房

積分: 104

9^#

發表於 06-9-11 11:42 |只看該作者

Re: 變晒

小香香, 我都係同男家唔係太岩"牙", 由奇叔仔 & 佢條女, 我都算係小器既人, 脾氣都唔係太好, 可能咁, 老公就覺得我幫唔落, 好似我成日都攪小動作咁. 另外, 我已經激動過無數次, 話唔關我事, d 人太把口唔收, 成日辣慶我先會發脾氣, 但老公初初都好強硬話唔會幫我 (我想佢同我一陣線, 認同佢地係針對我 & 成日疾我) 後來見左社工, 佢先明我多小小, 但仍改唔到 d 臭脾氣.