吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 真係唔開心到想自殺

婆媳關係今日: 0|主題: 27766

收藏本版

發帖

返回列表

跳至頁

查看: 2280 | 回覆: 14

真係唔開心到想自殺 [複製鏈接]

joyce209

男爵府

積分: 5317

1^#

發表於 13-4-25 03:09 |只看該作者 |倒序瀏覽 |打印

其實我一路都有情緒病，睇開精神科。岩岩生完bb個人好易喊，想法有時會好負面。呀b出左世，我明白老人家好緊張個孫，但我每次比bb佢抱，佢又彈我呢樣果樣，一時又話我比得小衫呀b著，會涷親。一時又話著咁厚熱死佢咩。有時又話bb唔好飲4安奶咁多，會飲到好濟，其實我冇逼個仔飲幾多，而係佢真係喊得好慘我咪由佢飲囉，因為我覺得佢唔想飲的話我點都逼唔到。如是者，每次我比佢抱，佢都有啲野彈下咁，最近呢2星期我真係就黎失控咁濟，所以我就成日都關房門，唔比佢掂呀b，因為我唔想又比人彈，我雖然係新手媽咪但我真係好愛我個仔，我好儘力去湊，換黎幾乎每日1次既彈劾真係令我接受唔到。終於佢黑面，老公同佢傾完之後佢黑得仲勁，令我諗我係咪嫁錯左入黎，我係咪唔應該生呀b？？我覺得我好冇用，唔中意又唔夠膽講出黎，老公返工咁辛苦我又唔想再為呢啲小事煩佢，我身邊朋友又未有小朋友，想搵個人呻訴下都冇，只係夠膽夜媽媽背住老公望住個仔喊，到底係咪我問題？

0 0 0

私人傳訊

joyce209

男爵府

積分: 5317

2^#

發表於 13-4-25 03:13 |只看該作者

回覆：真係唔開心到想自殺

其實我都想好好相處。

私人傳訊

永恆的傻女

大宅

積分: 1161

3^#

發表於 13-4-25 03:16 |只看該作者

回覆：真係唔開心到想自殺

唉，你呢個情況我都有經歷過，但你比我好彩既係老公會幫你，而我仲要因為我c6個家族人吵架！我當下感覺我只係外人，不過剛剛生完情緒係比較差同難控制d，當個b開始好湊就會情緒比較好，而且你有需要可以搵社工或者健康院d姑娘傾下，佢地會開解你

私人傳訊

yoyo0811

大宅

積分: 1793

4^#

發表於 13-4-25 03:33 |只看該作者

.唔好咁唔開心先。冷靜一下先。岩岩生完bb會有太多野覺得唔稱心。好似好多野都做唔好咁。心情又會有波動。所以你唔好咁屈住屈住。唔好覺得個世界變曬。孤立左你。事實唔係架。仲有我地呢班jm陪住你。放心。
首先呢。有咩唔開心就吸一口大氣。再同自己講。無野既無野既。令心情放鬆一下。唔好諗個死字。呢樣野係解決唔到問題架。
另外。可能你99係緊張個孫ja。唔好怪佢。睇下有無方法去解決。又或者唔好理佢。返入房透下氣囉。
每個新手媽媽都會特別緊張bb。可能係咁你比左好多壓力自己。不過放心。如果有咩唔明。呢到大把人會解答你問題。
如果想呻下。可以開post。再唔係就pm我啦。我可以聽你傾訴既。
我唔係太識講野。但我希望每個人都能夠開開心心。所以唔駛驚唔駛孤獨。

點評

yo.leopard 若每個JM都開心就好... 發表於 13-4-25 18:09

私人傳訊

falalala

珊瑚宮

積分: 113640

HiPP勳章(1) 2018父親節勳章 2018復活節勳章畀面勳章 BK猜猜猜慶中秋 hashtag影視迷勳章

5^#

發表於 13-4-25 03:52 |只看該作者

唔好咁唔開心, 首先唔好唸埋一邊先, 奶奶緊係覺得佢係勁架啦, 湊到你老公咁大個嘛, 老人家會緊張d架, 話哂佢粒孫喎, 咁奶奶話你咁咁咁時, 你唔好勞氣住, 首先睇清楚BB 係咪真係熱定凍先, 或者佢真係講啱呢, 咁如果真係講錯左, 你就同奶奶解釋返: 熱?? 唔係喎, 佢手仔面仔都凍喎..

如果你真係咁唔開心, 日日咁喊, 不如試下同奶奶傾下吖, 可能佢都唔知你心裏面唸緊乜野呢?, 試下行多步啦,

你唔駛怕煩住你老公架, 佢都係BB爸爸, 又係你老公黎架嘛, 應該同你分享同分擔架嘛,

尤其係初初湊BB 係會唔慣架喇, 好快你就會上手架喇, 加油呀

私人傳訊

Meir079

侯爵府

積分: 24385

6^#

發表於 13-4-25 04:00 |只看該作者

回覆：joyce209 的帖子

其實坐月時個人更加容易情緒化，少少唔順眼，會喊，因我坐月個時試過，99講D說話難聽，令我好傷心，但幸好有自己的媽在旁安慰，所以你宜家最需要人地安慰你的情緒，你媽或者你兄弟姊妹，叫佢地嚟陪下你，至於99，你少D出去，盡量唔好見到佢，如果佢再彈三彈四，你就唔好比面佢，照出聲，唔好啞忍。

私人傳訊

yuko0421

男爵府

積分: 6251

7^#

發表於 13-4-25 08:51 |只看該作者

回覆：真係唔開心到想自殺

坐月期，其實係初生期，媽媽荷爾蒙好亂，有時情緒真係唔受你控制。好多媽媽都有唔同程度嘅產後抑鬱。帶埋老公去見醫生一齊傾下，有問題唔好收收埋埋自己喊，只會越踩越深!解開個結最緊要!!!千奇唔好諗死，你好辛苦死左係一了百了，但bb呢？到時得返你老公，佢要搵食，bb自然落入6299手中，可能縱壞晒，又可能你老公再娶，後母打你個b，唔比飽飯佢食，趁你老公唔係度就指住你b話佢剋死個媽正膃神，點算？但係你努力湊大佢，阿b返學識左新朋友會好開心咁返你同你講佢嘅校園趣事；媽媽唔舒服，佢又會針杯暖水比你飲，叫你休息多啲，幫你蓋好張被，自己乖乖去做功課；阿b考試拎好成績，咁就獎佢去主題公園一家一齊玩一日；你嘅未來你選擇，光明與黑暗其實一線之間，加油!捱過左頭3個月等你上晒手阿b定左落黎就好!!

私人傳訊

VickyCY

男爵府

積分: 8526

8^#

發表於 13-4-25 09:53 |只看該作者

我奶奶都會咁架，我有乜都話係醫生講。有時仲會"糾正"返奶奶，等佢知道我識湊。但通常都會搵老公同奶奶傾。

私人傳訊

方方媽媽

水晶宮

積分: 74328

9^#

發表於 13-4-25 10:09 |只看該作者

上來BK呻啦.
你既情況,好多媽咪都有,你唔係孤單架.
做左媽咪,就要學識堅強,保護BB,
當然,更加要保護自己,
因為你唔開心,BB都有感應架.
加油!!!
祝福你!!!

私人傳訊

vertioDaddy

大宅

積分: 3147

10^#

發表於 13-4-25 14:51 |只看該作者

回覆：joyce209 的帖子

多同你c6傾訴！不如你戴耳筒聽歌啦，心情都好D. 生完係脾氣唔好，有野唔好收響心，同奶奶當講笑串返佢轉頭囉！

私人傳訊

AA99

大宅

積分: 2684

11^#

發表於 13-4-25 16:21 |只看該作者

回覆 joyce209 的帖子

I'm also a first time mum. I breast feed my BB but my milk is not enough. My 99 always tell me to eat more (actually I do) and she always calls me when I'm very tired. We try my best to take care of my BBs but always others would have comments on us. Don't be upset. I also have your experience. However, when we look at our BBs, they can always give us strength & energy. Yup, I think you really need to find someone to listen to your stories. Please try to seek help from a family worker. If you can't go out, you can try call them. They have intake worker to handle your case. Cheer up!