母乳餵哺

收藏本版
回覆 發帖
返回列表
跳至頁

首頁
12

尾頁
   1
newmamababa


大宅

積分: 1468


1#
發表於 13-4-26 00:38 |只看該作者
我BB11日大,頭2日係醫院都係餵人奶, 由於未上奶,BB成日都唔夠飽咁,但佢一喊我就比, 一食又半個中,好辛苦就捱左呢幾日.
之後第3日BB有黃,要係醫院照燈,我自己屋企人就叫我唔好食人奶,因為唔夠飽,食人奶又難退D,但我都堅持半人奶.
返到屋企,由於99湊,加上見佢食唔飽,就夜晚食奶粉,日頭埋身食人奶,但99成日都好擔心BB到底食唔食得飽,為左消除佢既擔心,我就用奶泵泵出來比佢餵.
可能我仲係生完頭幾日,冇咩奶,佢見到餐餐都係1OZ多D,話少之餘,仲話BB原來一直都食唔飽.
於是我每次泵奶都好壓力,一來驚唔夠比BB食,2來又會比99叫食奶粉算
去到第7日,終於出到多D奶,諗住BB有飽飽食,點知呀B果日就突然成日唔食奶,夜晚仲冇咩反應,送左去醫院.
我冇得餵BB食人奶之餘,全世界包括我自己屋企人都覺得係餵人奶攪到BB唔飽同亂晒食奶時間先咁,連唯一支持我餵人奶既老公都叫我食奶粉算.

我都開始懷疑係咪餵人奶攪到BB D食奶時間亂晒同唔飽先咁多問題,最緊要係我唔想BB再入醫院

堅持到而家,見到個Nipple開始好似個花灑咁先唔餵真係好唔開心同可惜
浪費晒之前既努力,堅持同忍耐

但我真係覺得好壓力同好累啦.
私人傳訊回覆 引用

澄晴媽媽


禁止訪問

積分: 2229


2#
發表於 13-4-26 00:55 |只看該作者
提示: 作者被禁止或刪除 內容自動屏蔽
私人傳訊回覆 引用

conniepiggy


大宅

積分: 1667


3#
發表於 13-4-26 01:42 |只看該作者

引用：我BB11日大,頭2日係醫院都係餵人奶,+由於未

原帖由 newmamababa 於 13-04-26 發表
我BB11日大,頭2日係醫院都係餵人奶, 由於未上奶,BB成日都唔夠飽咁,但佢一喊我就比, 一食又半個中,好辛苦就 ...
You are not alone! Don\'t give up until you don\'t trust yourself anymore....
Cheers



私人傳訊回覆 引用

Amaimai


大宅

積分: 4480


4#
發表於 13-4-26 01:44 |只看該作者

回覆：newmamababa 的帖子

慢慢嚟啦，萬事起頭難，捱過呢個月就好行好多呀，加油

私人傳訊回覆 引用

kongvivian


複式洋房

積分: 206


5#
發表於 13-4-26 01:44 |只看該作者
我個仔現在1歲7個月睡前仲有飲人奶,我剛生完個仔的家庭狀況好似你甘,但自已堅持要比個仔飲人奶,開頭真是好擔心他不夠飽,頭三個月泵出來比他飲,到第四個月先埋身,泵出來可以控制時間同份量,堅持就是勝利,
私人傳訊回覆 引用

CannieWP


男爵府

積分: 9928


6#
發表於 13-4-26 01:45 |只看該作者

回覆：终於見到個Nipple開始好似個花灑咁,但就要放棄餵人奶

咁樣先放棄好可惜，繼續泵啦，泵到佢地認為夠一餐，夠bb飽肚為止，唔好衰畀人睇，bb需要你呀
私人傳訊回覆 引用

冬菇媽mi


大宅

積分: 2413


7#
發表於 13-4-26 01:48 |只看該作者
餵人奶呢條路係超辛苦，特別當其他人質疑你時，你更加要堅持，因為母乳係對 bb 最好的。你繼續密密泵，等自己可以快啲上奶，唔好錯過呢段黃金上奶期。至於補奶粉，我自己覺得可以暫時補住先，無謂成日同家人拗，因為咁樣會令你好大壓力，越泵越少。你而家 keep 住密密泵，得閒就俾 bb 啜下，刺激下 nipples. 加油呀。
私人傳訊回覆 引用

Peanut1224


別墅

積分: 955


8#
發表於 13-4-26 02:23 |只看該作者
我個仔有蠶豆症，出世後嗰十日出入醫院二次共住咗個幾星期都係退唔到黃！又如何呢，佢十二月尾出世當時天氣好冷，我曰日泵奶攞去醫院，當時奶量只夠三至四餐，我都照去醫院比佢啜吓，日日二至八都係醫院！雖然第二胎但都好擔心架嘛！係醫院局住補粉，返到屋企就算明明食飽咗個陪月又話佢扭計係未飽又走去補粉，我都想呀仔瞓得好啲，及後陪月走了呀仔個幾月我堅持不補粉，當佢一哭就埋身，因為我發覺就算之前食飽離口他也哭是因為扭眼瞓吧了！到現在四個月了！最緊要妳自己想點？我曾經想過自己如不成功就食粉算了，訂了六鑵粉一箱，到現在真的不用了還要想辦法賣出呢！老公支持亦非常重要，因為食人奶慳錢，我老公所以支持到爆，還有的是泵出來的量不等於呀B食嘅量，埋身比泵更多奶呢！還想給妳知我個胸什小谷奶也夠呀仔食，所以妳已經算多奶，如果未返工餐餐埋身啦！之後比奶奶照顧，妳走去休息就會多奶，不要會自己壓力，食得多、喝得多、心情好先多奶！
私人傳訊回覆 引用

pppsze


伯爵府

積分: 15004

2018復活節勳章 認識瑞士牛牛第一回 育兒性格勳章 DHA勳章


9#
發表於 13-4-26 03:51 |只看該作者

回覆：终於見到個Nipple開始好似個花灑咁,但就要放棄餵人奶

加油！bb今次入院都係因為黃？最緊要檢查清楚bb身體，唔好自己都覺得bb唔舒服都係關人奶事啦！入左院都可以餵人奶咖，最緊要自己先要堅持，先撐到落去，再改變家人睇法！
私人傳訊回覆 引用

carmenyan206


珊瑚宮

積分: 110227

hashtag影視迷勳章 畀面勳章 BK Milk勳章


10#
發表於 13-4-26 09:23 |只看該作者
傻女 呢度大把媽媽同你一樣經歷 包括我自己在內 但係我無放棄呀 你都加油啦
私人傳訊回覆 引用

Icy28078380


大宅

積分: 4874


11#
發表於 13-4-26 09:33 |只看該作者

回覆：终於見到個Nipple開始好似個花灑咁,但就要放棄餵人奶

首先打你老公先，唔撐老婆，其實唔駛太緊張，我會泵些奶俾阿b飲，之後再補奶粉，其間多些埋身俾阿b啜。我阿b超大食，我都係咁架。加油，支持你
私人傳訊回覆 引用

CK2406


大宅

積分: 1787


12#
發表於 13-4-26 11:24 |只看該作者
本帖最後由 CK2406 於 13-4-26 11:28 編輯

加油呀!! 你要先比一D正確嘅知識比你99 同C6 先.

第一, BB 出世個胃只有一粒波子咁細，bb在頭24小時，一共只要吃30ml，即一安左右母乳(一天總共吃)，一般每天吃母乳8-12次或更多，即是在頭一天每餐只要吃幾滴至5ml左右。試想那即是一餐一茶匙左右（或更少）。只是那幾滴至幾十滴，妳又點會吾夠呢？在頭兩天都是初乳，份量很少，一滳一滴出來的，到了第三天左右，奶量才開始明顯增加，是正常的過程。一星期左右, BB個胃都係得乒乓波大咋......!

第二, BB黃, 如果吃母乳會快退好多架, 我之前個B 都係超標好黃, 係醫院照咗4日燈, D姑娘都叫我泵出來帶比bb食, 1安都好喎, 佢話 BB 會退快D架.

第三, 呀B突然成日唔食奶, 未必係餵母乳, 食奶粉都有機會, 最重要check 清楚, BB 有沒其他問題先.

樓主唔好放棄呀, 依家係上奶黃金期, 仲係最有營養嘅初乳, 你可以先泵出做冰奶都有營養過D奶粉啦..

加油，支持你!!!
私人傳訊回覆 引用

ncbbb


大宅

積分: 4068


13#
發表於 13-4-26 12:23 |只看該作者

引用：我BB11日大,頭2日係醫院都係餵人奶,+由於未

原帖由 newmamababa 於 13-04-26 發表
我BB11日大,頭2日係醫院都係餵人奶, 由於未上奶,BB成日都唔夠飽咁,但佢一喊我就比, 一食又半個中,好辛苦就 ...
其實初生BB難揍，補奶粉都唔一定唔喊，只係大家會安心啲。既然大家比咁大壓力你，你唔開心亦會影響奶量，不如同老公講清楚，你接受補粉，但唔會放棄人奶，泵出來有多就慢慢轉人奶，得到佢既支持會易行好多。加油！
私人傳訊回覆 引用

大眼的Dog


子爵府

積分: 11812


14#
發表於 13-4-26 12:41 |只看該作者

引用：Quote:原帖由+newmamababa+於+13-04-26+發

原帖由 ncbbb 於 13-04-26 發表
其實初生BB難揍，補奶粉都唔一定唔喊，只係大家會安心啲。既然大家比咁大壓力你，你唔開心亦會影響奶量，不 ...
同意! 如果壓力真係太大，一路補住粉，一路泵，一有機會即埋身。大大下就可全人奶。 我個時放產假自己揍bb，乜都唔理，佢一喊我就俾佢啜。99唔係到多野講先叫做好過d。你要加油，上奶咁好，唔好浪費! 支持你架
私人傳訊回覆 引用

nicole0286


別墅

積分: 551


15#
發表於 13-4-26 13:15 |只看該作者

回覆：终於見到個Nipple開始好似個花灑咁,但就要放棄餵人奶

加油媽媽！我BB都黄，本來想放棄，但得到其他媽媽及朋友支持，先可以餵到宜家2個半月！
私人傳訊回覆 引用

xiangching


伯爵府

積分: 17866

DHA勳章 wyeth冷知識勳章 陪月勳章 BK猜猜猜慶中秋


16#
發表於 13-4-26 13:22 |只看該作者
回覆 newmamababa 的帖子

加油!!!
我阿B 頭幾日也食得不是太好，第4-5日仲黃到要照燈。

但我一直泵，送去醫院俾佢。

現在就來8個月了!!!

我慶幸我有堅持，因為阿B有濕疹底，如果餵奶 粉只會更差。

你要加油，可以儲起佢!!!
私人傳訊回覆 引用

babywish


子爵府

積分: 12055

BK Milk勳章


17#
發表於 13-4-26 14:13 |只看該作者

回覆：终於見到個Nipple開始好似個花灑咁,但就要放棄餵人奶

我呀b出世頭個半月都同你呀b一樣，我c6都叫過我不要餵人奶，我堅決拒絕。我知乜嘢對bb先係最好。於是我泵出來餵，加初期補粉，退黃後就開始訓練埋身，到三個月多d已經可以全人奶。如果埋身根本就feed on demand, 初初無固定時間表。不要放棄呀!
私人傳訊回覆 引用

newmamababa


大宅

積分: 1468


18#
發表於 13-4-26 14:25 |只看該作者
多謝各位MAMA既支持

其實我都係想上來呻下,因為真係身邊好似冇人明白餵人奶一定有未上奶呢個過程
仲好似係自己固執唔為BB著想

都唔明點解餵人奶呢D咁天性同自然既事,係而家攪到好似咁辛苦同壓力,D MAMA要排除萬難先做到
私人傳訊回覆 引用

LeeSeaCrest


別墅

積分: 735


19#
發表於 13-4-26 14:31 |只看該作者
回覆 newmamababa 的帖子

我BB 都0係醫院，我都係泵俾佢食，唔會唔飽咖﹗加油呀﹗
私人傳訊回覆 引用

Pinkpling


大宅

積分: 3278

BK Milk勳章


20#
發表於 13-4-26 14:55 |只看該作者
回覆 newmamababa 的帖子

加油呀﹗ 咁細個人仔，根本唔可以話食亂晒個時間，佢地想食既時候就餵，而且泵出黎同埋身係唔同量，唔可以比較。 但無餵人奶既人根本唔會明白。
樓主你唔好咁大壓力，繼續泵，儲起啲奶，就算要補奶粉都補住先，因為你有壓力會影響自己，影響奶量，又會影響bb架。你應該開始上奶喇，唔好就咁放棄，bb好需要你﹗
私人傳訊回覆 引用


首頁
12

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見